ل روژا بێنج شەمبی رێكەفتی (18-7-2013) تورا رێكخراوێن نا حكومی ل پارێزگەها دهوكێ ب سەروكاتیا (عبدالعزیز محسن) سەروكێ تورێ دكونگرەكێ روژنامەڤانی دا ل هولا ئوفیسا رێكخراو كودوس بەیا نا مەیەك راگەهاند
بۆ / ڕایا گشتی ل عێراقا فیدرال و هەرێما كوردستانێ.
بۆ/ هەموو لایە نێن سیاسی ل هەرێما كوردستانێ .
بۆ / هەموو دەزگەهێن ڕاگەهاندنێ ل هەرێما كوردستانێ .
بۆ /هەموو رێكخرا و كۆمەلێن مەدەنی ل هەرێما كوردستانێ .
ل ئەڤێ دوماهیێ بگرە و ڤەكێشەكا مەزن ل هەرێما كوردستانێ یا دهێتە كرن ، ل دوور بابەت و پرسێن جوداجودا و ئەڤ چەندە یا بوویە جهێ دل نەرەحەتیا خەلكی و خەلك یێن كەفتینە دوو دلیێ و هندەك جاران رەنگە بگەهیتە قو ناغێن ئێشێن دەروونی ئەڤ یاسایە دێ خزمەتا ڤان لایەنان كەتن یان دێ خزمەتا لایەنێن دی كەتن دڤێت هەموو لایەك باش بزانن كو خەلكی هەموویان چاڤ هەنە بو دیتنێ و گوه هەنە بۆ گوه لێبوونێ و عەقل هەیە بۆ تێگەهشتنێ ژ بەرهندێ ژی ل بەری هەر لایەنەك هزر د بەرژەوەندیا خو دا بكەتن دڤێت بەرژەوەندیا خەلكی ل بەر چاڤ وەربگریت .
ئەوا مە دڤێت بێژین دناڤ ئەڤێ هەڤ كێشێ دا یا ژ هەموویێ گرینكتر ئارامی و ئاسایشا تاكێ كوردستانێ یە .
چونكە :
•پێشكەفتنێن مەزن د هەموو ئاستێن ژیانێ بۆ خەلكێ كوردستانێ ب دەستڤە هاتینە .
•تەناهی و رەوشا ئێمناهی و پێگڤە ژیانێ ناڤ دەنگیە كا باش پەیدا كریە .
•رەوشا خەلكێ كوردستانێ ل ئالیێ سیاسیڤە یا پێشكەفتی و ل سەر ئاستێ جیهانێ حساب بۆ دهێتە كرن.
•رەوشا ئابووریێ خەلكێ كودستانێ پێشڤە چوونێن مەزن بخوڤە دیتی یە .
•رەوشا بازرگانی و هەبوونا ب دەهان كومپانیێن بیانی هەموو پێكڤە خزمەتا خەلكێ كوردستانێ و هەرێما كوردستانێ دكەن.
•رەوشا دبلوماسی یا بوویە دەرگەهەكێ مەزن ژ بۆی خزمەتا خەلكی ب تایبەت ژ ئالیێ ساخلەمیێ ڤە .
•ژ بلی بیرو باوەرێن خزمەتكرنا خەلكی چێ نابیت كەس ب كورسیكێ ڤە بهێتە گرێدان.
•هەر بریارەك دوماهیكێ هەر بۆ خەلكێ كوردستانێ یە و كەس نەشێن ئەوی مافی ل خەلكی وەربگریتەڤە چونكە ئەڤ بارو دوخە ب بەرخودانا وان دروست بوویە .
ژ بەر هندێ ئەم دێ ب بەردەوامی چاڤدێریا ئەڤێ رەوشێ كەین . هەر روودانەك و پێشهاتەك دروست ببیت كو دێ ئارامی و ئاسایشا خەلكێ كوردستانێ تێك دەتن ئەم ب زووترین دەم دێ جڤاكی نێڤ دەولەتی یێ دیموكراتخواز لێ ئاگەهدار كەین داكو ئەم بشێین گەشە پێدان و بەرەڤ پێشڤە برنا سیستەمێ دیموكراسی خەباتێ بۆ بكەین.
ل گوور باوەریا مە سیستەمێ نوكە ل هەرێما كوردستانێ سیستەمەكێ دیموكراسی یە و هەلبژارتنێن سەرۆكاتیا هەرێما كوردستانێ راستەو خۆ دهێتە كرن و خەلك بریارێ ددەن .
بۆ پەرلەمانێ كوردستانێ نیمچە ڤەكریە و خەلك یئ ئازادە.وە ئەگەر كومیسیونا سەربەخۆیا هەلبژارتنان چ ئاریشێن تەكنیكی نەبن داخوازێ دكەین هەلبژارتنێن ئەنجومەنێ پارێز گەهان ل دەمێ خودا بهێتە ئەنجامدان.
دیسان ب بەردەوامی هەلبژارتنێن سەندیكا و كومەلەو سەنتەرو رێكخراوێن جڤاكێ مەدەنی دهێنە ئەنجامدان و هەبوونا ئۆپۆزسیۆنێ و راگەهاندنا ئازاد و بازارێ ئازاد ئەڤە هەموو خزمەتا راستەو خویا پرۆسێسا دیموكراسیێ ل هەرێما كوردستانێ دكەتن .
ل دوماهیكێ بۆ مە وەكو توورا رێكخراوێن نە حكومی ل پارێز گەها دهوكێ (NND) ل هەر بابەت و پرسەكێ گرینگتر ئارامی و ئاسایشا كومەلایەتیا ئانكو جڤاكیا خەلكێ كوردستانێ یە .
ژ بەر هندێ ژی داخوازێ دكەین كو ئەگەر هەر ناكوكیەك هەبیت ب زمانێ دان و ستاندنێ و دوور ل توندو تیژیێ بهێنە گەنگەشەكرن و (تەوافق) ل سەر بهێنە كرن ئەوژی ب مەرجەكێ بتنێ خزمەتا تاكێن هەرێمێ و خەلكێ كوردستانێ بكەتن . داكو مە هەموویان باوەری ب تیگەهێن (ئاشتی و لێبورین و پێكڤە ژیانی َ ) هەبیت بەختەوەری بو خەلكی سەر پشك بیت .
دگەل رێز گرتنێ
توورا رێكخراوێن نەحكومی ل پارێزگەها دهۆكێ NND
2013/7/18
دهۆك
