حەسەن حسێن:
بابێ من دلێ من نە دهێلا و من چ دڤیا بۆ من پەیدادكر
ل سالا (1963) فرۆكا هێرش كرە سەر مالامە و كچا من یا دلاندكێ دا هاتە كوشتن
بلا سنێلە گەلەك گرنگییێ بدەنە دەمێ خۆ
ل ژی یێن مەزن ژی هاتینە دەڤ من بۆ سونەتكرنێ و ژهەموو ئولان وەكو موسلمان و مەسیحی و ئێزیدی
دیدار /ژێگر عەبدولستار
حەسەن حسێن محەمەد ژ دایك بویێ سالا(1946) ل گوندێ ئیتیتی و دژیێ سنێلەیێ دا چوویە دناڤ رێزێن پێشمەرگەی و بویە پێشمەرگە، و ل سالا(1970) بویە برین پێچ و تایبەت ب سونەتكرنا زارۆكان تا نوكە یێ بەردەوامە ل سەر كارێ خۆ بۆ زێدەتر نیاسینا وی دگەل ڤێ دیدارێ.
سنێلە/تە چەوان دەست ب كارێ سونەتكرنا زارۆكان كر؟
حەسەن: ل سالا(1965) ژناڤ رێزێن پێشمەرگەی هاتمە دهوكێ من رێكخستنا نافخویی دكر، پاشان ل سالا(1970) ئەز چوومە خولەكێ ل میسل بۆ ماوەیێ سالەكێ پاش مە باوەرنامە وەرگرتن ئەز هاتمە دامەزراندن ل دهوكێ وەك برین پێچ ل نەخوشخانێ، و ل سالا (1979) من مەحەلەكێ تایبەت ل ناڤ بازارێ دا ڤەكر بۆ كارێن برین پێچیێ و تایبەت ب سونەتكرنا زارۆكان هەتا نوكە ئەز یێ بەردەوامم ل سەر كارێ خۆ .
سنێلە/خەلكی گەلەك زارۆكێن خۆ دئینا ل دەڤ تە بۆ سونەتكرنێ ؟
حەسەن: بەلێ ئێكەم محل بۆ ل ناڤ بازاری دا و خەلكی زارۆكێن خۆ دئینان ل دەڤ مە گەلەك جاران ل جهێن دویر دهاتنە ل دووڤ من را و دا چمە وی جهی داكو زارۆكێن وان سونەت كەم.
سنێلە/ دەمێ تو زارۆك تە حەز ژ چ دكر؟
حەسەن: ل دەمێ زارۆكیێ من گەلەك حەز ژ سەروبەرێ خۆ دكر و من دڤیا هەموو دەمان یێ لێكدای بم، بابێ من دلێ من نە دهێلا من چ دڤیا بۆ من پەیدادكر و پشتی خواندنێ ئەز د چووم دگەل زارۆكان مە یاری دكرن و هەموو دەمان من حەز دكر دەمێ ئەز مەزن بم بمە ئەفسەر.
سنێلە/ دژی چەندێ دا خەلكی زارۆكێن خۆ دئینان بۆ سنەتكرنێ؟
حەسەن: پتریا خەلكی د حەفت رۆژێن ئێكێ ژ دایكبوونێ زارۆكێن خۆ دئینان بۆ سونەتكرنێ بەلێ گەلەك جاران ل ژیێ مەزن ژی هاتینە دەڤ من بۆ سونەتكرنێ و ژهەموو ئولان وەكو موسلمان و مەسیحی و ئێزیدی.
سنێلە/ بیرهاتنەكا نەخۆش یا ژیێ خۆش بێژە؟
حەسەن: گەلەك بیرهاتنێن نەخۆش دژیانێ دا ب سەرێ من دا هاتینە و ژیانەكا بزەحمەت و پری نەخۆشی مە دەربازكریە، بەلێ ل دەمێ ئەز پێشمەرگە ل سالا (1963) كو ئەز ل مال نەبوم فرۆكا هێرش كرە سەر مالامە و كچا من یا دلاندكێ دا بۆ هاتە كوشتن و گەلەك كەس و كارێن من هاتنە كوشتن و برینداركرن و گەلەك جاران هەڤالێن من یێن نێزیك هاتینە كوشتن كو بۆ من بوینە بیرهاتنێن نەخۆش .
سنێلە/ ژ تشتێن خۆش دناڤ كارێ تە دا ؟
حەسەن: گەلەك جاران دێ خەلك هێتە دەڤ من و دێ بێژن تە ئەم یێن سونەتكرین ئەڤە زارۆكێ مە ژی وی ژی سونەت بكە كو من شیای خزمەتا خەلكێ باژێرێ خۆ بكەم بڤێ رێكێ دبیتە جهێ دلخۆشیا من .
سنێلە/ تو چ داخاز ل سنێلان دكەی؟
حەسەن: هەر تشتەكێ وان بڤێت یێ ل بەر دەستێ وان ئاسان كەتی نە وەكو بەرێ یە، بلا باش ب خوینن و دەمێ خۆ ب هەروە نەبەن بلا گرنگییێ بدەنە دەمێ خۆ.
باشترین تولڤەكرن ژبیركرن و لێبورینە(جۆنس)
