بێزاربوون دژیێ سنێله‌یێ دا چى یه‌ و دێ چاوا خۆ ژێ پارێزین

بێزاربوون هه‌ست پێكرنه‌ ب هندێ كو هه‌ر تشت ده‌مێ مرۆڤى ب هه‌روه‌ دبه‌ت, یان ژى تو كاره‌كى بكه‌ى یێ نه‌خۆش بیت و دوباره‌ بكه‌ى كو كاربكه‌ته‌ سه‌ر ته‌ و ته‌ بێزار بكه‌ت بێى كو كاربكه‌ته‌ سه‌ر كارێ ته‌, لڤێره‌ ئه‌گه‌رێن ده‌روونى یێن هه‌ین گرێداى نه‌ ب خه‌موكیێ ڤه‌, و هنده‌ك ئه‌گه‌رێن جڤاكى هه‌نه‌ كو سنێله‌ نه‌شێت ئه‌نجام بده‌ت ژبلى دكه‌ڤانێ قوتابخانێ دا, ئه‌ڤجا ئه‌و جڤاكێ بۆ سنێله‌ى كارێن ترفیهى و وه‌رزشى و كارێن مرۆڤایه‌تى دابین نه‌كه‌ن وه‌ك موزیك و وێنه‌ و شانوو, چپێنه‌ڤێت ئه‌و سنێلێ دڤى جڤاكى دا دژیت دێ هه‌ست ب بێزاربوونێ كه‌ت, بێزاربوون هێزه‌كا نه‌رێنى ل ده‌ڤ سنێلان په‌یدا دكه‌ت كو دبیته‌ ئه‌گه‌رێ هندێ سنێله‌ هنده‌ك ره‌فتارێن نه‌ دروست ئه‌نجام بده‌ت یان ژى د نه‌باش بن بۆ وى وه‌ك: كێشانا جگارێ, نیاسینا هه‌ڤالێن خراب, تێكه‌لیكرن د جڤاكێن نه‌باش دا, بكارئینانا ماددێن بێهوشكه‌ر, بێزاربوون هه‌ستا دوودلیێ و خه‌موكیێ ل ده‌ڤ سنێلان په‌یدا دكه‌ت كو دبنه‌ ئه‌گه‌رێ هندێ ئاریشه‌ێن ده‌روونى ژێ دروست بن, چه‌ندین رێك یێن هه‌ین بۆ هندێ سنێله‌ ژ بێزاربوونێ بهێته‌ دووركرن:-
– ل ده‌مێ بێهنڤه‌دانا كاره‌كى بكه‌ت/ قۆناغا سنێله‌یێ هێزه‌كا مه‌زن یا هه‌ى ئه‌ڤجا دڤێت وێ هێزێ بكاربینى ب كرنا كاره‌كى داكو بشێى برێكا وى كارى خۆ پێشبێخى و شیانێن خۆ بده‌ته‌ كارى.
– وه‌رزش/ برێكا پشكداریكرن د یاریان دا یان ئه‌ندام بوون د یانه‌یه‌كێ دا ژبه‌ركو بكارئینانا شیانا و توماركرنا هه‌ر تشتى هێزه‌كا ئه‌رێنى په‌یدا دكه‌ت.
– كارێن كومه‌لایه‌تى/ كارێن خۆبه‌خشى د رێكخراوێن سه‌ربه‌خۆ دا بۆ هاریكاریكرنا وان.
– پێشئێخستنا به‌هره‌یێ/ سنێله‌ ده‌مێ خۆ ب وان كاران ڤه‌ ببورینیت یێن كو ئه‌و خۆشیێ ژێ دبینیت ئه‌ڤا هه‌نێ دێ بیته‌ پشته‌ڤان ژ كه‌شێ بێزاریێ ده‌ركه‌ڤیت.
– گه‌شتكرن/ گه‌شتكرن بۆ ناڤ سروشتى و هه‌لكێشانا هه‌وایێ پاقژ و دیتنا تشتێن سرۆشتى مرۆڤى ژ بێزاربوونێ دووردئێخیت.
– كارێ ناڤ مالێ/ گه‌له‌ك ژ مالان ناهێلێن سنێلێن وان د مالێ دا كاربكه‌ن ئه‌ڤه‌ یا خرابه‌ ژبه‌ركو سنێله‌ ژى ئێكه‌ ژ كه‌سێن مالێ , كاركرنا ل مال دێ بیته‌ پشته‌ڤان بو وى كو بشێت بۆ داهاتى خۆ به‌رهه‌ڤ بكه‌ت.
لێ هه‌ستكرن ب بێزاربوونێ هنده‌ك جاران یا ب مفایه‌ , ئانكو هاریكارییا سنێله‌ى دكه‌ت كو هزر د ژیانا خۆدا و د داهاتێ خۆدا بكه‌ت ب مه‌رجه‌كى خۆ ژ سنورێ جڤاكێ خۆ دوور نه‌كه‌ت, لێ ده‌مێ بێزاربوون دبیته‌ ئه‌گه‌رێ هندێ كو خۆ ژ هه‌ڤالان دوور بكه‌ى ژ تشتێن سه‌ره‌كى ئه‌وه‌ ل ئه‌گه‌ران بگه‌رى كا بۆچى تووشى ڤێ چه‌ندێ بوویه‌.

به‌رهه‌ڤكرن : دلێر زهێر