*دڤێت قوتابی هزرێ ژ مامۆستایێ د وانەیێ دا بگریت نەك بەردەوام بخوینیت
*نابیت قوتابی بەردەوام بخوینیت و دڤێت گرنگیێ ب ساخلەمیا خۆ بدەت
*دڤێت قوتابی ب ژیری وانەیێن خۆ بخوینیت
*پێدڤی یە قوتابی بەردەوام دووڤچۆنێ و پێداچۆنێ ل سەر وانێن خۆ بكەت
ئامادەكرن:بەختیار قادر
ل دەست پێكا ڤەبوونا قوتابخانێ قوتابی گەلەك گرنگیێ ب خواندنێ و ئەركێ مالێ نادەن، لێ دەمێ ئەزمونێن كۆرسێ ئێكێ دئێن گەلەك قوتابی ڤەمای دمینن و هەست دكەن ئەو ئێدی نەشێن بخووینە ڤە و د ئەزمونێن كۆرسێن بێت دا ب سەركەڤن، هەروەسان پشتی ڤان هەردوو كۆرسان ئەزمونێن دوماهیا سالێ دئێن، لەورا ل دۆر ڤی بابەتی مە بۆچۆنێن چەند قوتابیێن 
سنێلە وەرگرتن
سنێلە تە بەرهەڤیێن ئەزمونێن دوماهیا سالێ كرینە؟
جوان شێروان : قوتابییەكا سنێلەیە و ئەڤ بۆچۆنە هەبوو،ل گەل نێزیك بوونا ئەزمونان دڤێت قوتابی خۆ باش بەرهەڤ كەت و ئەو بخۆ وانەیێن خۆ بخوینیت و باشترە هزرێ ژمامۆستایی وەرگرت نە هەر بەردەوام بخوینیت ژی، دیسان دڤێت مامۆستا دەمێ گونجایی یێ خواندنێ بەری دەستپێكرنا ئەزمونان بۆ قوتابیان دیار بكەت ، ئەڤە ژی فاكتەرەكێ زۆر گرنگە بۆ هەر قوتابییەكی ، ناڤبری گۆت ژی دەمێ هەر قوتابییەك ل ڤان ئەزمونان دا ب سەرنەكەڤیت دڤێت خۆ بێ هیڤی و ئۆمێد نەكەت و بەردەوامیێ ب دەتە خواندنا خۆ بۆ ئەزمونێن بهێت
سنێلە چ دەم یێ گونجایە بۆ خواندنێ؟
بیرهات هاشم: ب ڤی رەنگی دبێژیت ب دیتنا من دانێ ئێڤاری باشترە قوتابی دەست ب خواندنێ بكەت و پتر گرنگیێ ب دەتە ساخلەمیا خۆ ژی نەك بتنێ بەردەوام بخوینیت، چونكە دێ كارتێكرنەكا خراب ل سەر دەروونێ وی قوتابی كەت، دەمێ ئەزمون نێزیك دبن مامۆستا گەلەك ئامۆژگاریان د دەنە مە هەتا ئەم بشێین بخوینین و ب سەركەڤین، هەروەسا من ژی گەلەك بەر هەڤ یا خۆ بۆ ئەزمونێن دوماهیا سالێ كرینە
سنێلە بۆچی گەلەك قوتابی د ئەزمونان دا وەهم دبن؟
مێهرەبان شڤان: دیاركر،باشترە دەمێ قوتابی دەست ب خواندنا وانەیێن خۆ دكەت،ل دەست پێكێ ب ژیری بەرێ خۆ ب دەتە بابەتی دا بشێت ب ساناهی ژبەر بكەت و تووشی چوو خەلەتیان نەبیت د ئەزمونێ دا، هەر دیسان زۆر باشە قوتابی بەردەوام نەخوینیت ل دووڤ ئێك پێدڤی یە بهێنڤەدانێ بخۆ دانیت و فێقی گەلەك بخۆت دا هەردەم یێ ئارام بیت ژ هەموو لایان ڤە بۆ خواندنێ، هەروەسا دەمێ دچیتە د ئەزمونێ دا ب ژیری بەرێ خۆ ب دەتە پرسیاران ئێك دووڤ ئێكێ دا لێ وەهم نەبیت و باش بەرسڤ ب دەت، ژلایەكێ دیڤە باشترە هەر ژ كۆرسێ ئێكێ وەرە قوتابی باش بخوینیت دا ئەنجامان ب دەست خۆ ڤە بینیت و بتنێ پێداچۆنەكێ ل ئەزمونێن دوماهیا سالێ ل سەر بابەتێن خۆ دا بكەت
سنێلە قوتابی دێ ب چ شێوە شێت د ئەزمونێ دا ب سەركەڤیت؟
رۆژهات قادر: پێدڤی یە قوتابی بەردەوام دووڤچۆنێ و پێداچۆنێ ل سەر وانێن خۆ بكەت دا بشێت هەموو وانێن خۆ ب دروستاهی ژبەر بكەت و یێ بەرهەڤ بیت بۆ ئەزموونێن دوماهیا سالێ، هەروەسا ژی ئەگەر ل دەستپێكا كۆرسێ ئێكێ یێ خواندنێ قوتابی باش بخوینیت دێ شێت كۆنترۆلێ ل سەر هەموو وانەیان كەت، ژلایەكێ دیڤە دڤێت بهێنڤە دانان بخۆ ب دەلیڤە ب دانێت و بەرێ خۆ باش ب دەتە وانەیێن خۆ و بخوینیت، نەك هەموو دەمێ خۆ ل خۆشی و سەیرانان و بۆ هندەك مەرەمێن دیتر تەرخان بكەت
دناڤ هەر مللەتەكی دا چرایەكێ هەی كو روناهیێ د دەتە هەموویا ئەو ژی ماموستایە
