ب رەنگەکێ مەیدانی وەکو ئەرکەکێ دێ خزمەتا ئاواران کەین

رێکخراوا (DIGC) سەنتەرێ شاناز یێ جڤاکی یێ ئافرەتان ل زاویتە ب چاڤدێریا رێکخراوا (UNFPA)یا نیڤ دەولەتی بەردەوام مە یدانی سەرەدانا گوندێن ناحیا زاویتەی و گوندێن دەوروبەر دکەن ودڤان حەفتیان مە سەرەدانا گوندێ بانیێ کر. ژبو نێزیک لێ نێرین ل رەوشا وان و ئارامیا وان ژلایێ دەروونی ڤە و رینشتنێن بتنێ دگەل بارێن دەروونی و رەوانەکرنا نەخوشان و ڤەکرنا خولێن فێرکرنا (کوافیری , دروارێ ) ل جھێن جودا جودا ,ژ بەژداریێن ٢٥ کچ و ژنێن ئاوارە یێن کو ژیێ وان لسەر ١٥ سالیێ دا. دماوێ ڤان خولان دا ستافێ سەنتەرێ شاناز یێ جڤاکی رادبیت ب پێشکێشکرنا سمینارێن(دەروونی,جڤاکی,ھشیاری ساخلەمی,رەوشەنبیری, و ترفیھی) دگەل پێشکێش کرنا بەریکانان بو دل خوشیا کچ و ژنێن پشکداری د خولێ دا کری.

چالاکیا ئێکێ:

-سەرەدانێن مەیدانی
ئێک ژ بەرنامێن مە ئەوە کو د رێکا خوبەخشان دا ئەم نامە و پەیاما سەنتەری بگەھینە زێدەترین ئافرەت و کچان داکو قەستا سەنتەری بکەن دا تیمێ مە و خوبەخشێن سەنتەری و دگەل تیم لێدەران قەستا ناڤ خیڤەت و ھەیکەلان دکەن داکو ژ نێزیک ھایداری رەوشا ئافرەت و کچان ببن و ئەف بەرنامە ل روژا دوو شەمبی تاکو روژا پێنج شەمبی ل رێکەفتی ١-١٠-٢٠١٥ تاکو ١٥-١٠-٢٠١٥ د بەردەوام بون.

*چالاکیا دووێ:
کومبونێن ستافێ کاری.
ل دووڤ ئەجیندایەکا پێش وەختە حەفتیانە کومبونا ئاساییا ستافێ کاری دھێتە ئەنجام دان ب مەرەما دەستنیشانکرنا (خالێن بھێز و لاواز و تێبینی و پشنیار بو سەرکەفتنا کاری) لەورا ل روژا (پێنج شەمبی) رێکەفتی (١٥-١٠-٢٠١٥) کومبونا ئاساییا سەنتەری ب ئامادەبونا ستافی و ب سەرپەرشتیا (نارین عدنان) وەکو رێڤەبەرا سەنتەری ل دەمژمێر (١٢:٠٠)نیڤرو ل ھەلا سەنتەری ھاتیە ئەنجام دان و تێدا گەلەک ب کورتی ناڤەروکا کومبونێ ئەڤ خالە بون:
١-خوبەخشان ئاگەھدار بکەین کو پتر پێگیریا کاری بکەن.
٢- خولێن دەربارەی (شوکرنا بلەز ) ب شێوەیەکێ گەلەک باش برێڤە بچن بو حەفتیا بھێت .
٣- ھەماھەنگی دگەل ماموستا و موختار و شێخ و مەلا و پارێزەران بکەین ژبو باشتر برێڤەبرنا خولێ و دیسان داکو پتر کاریگەر و مفادار بن.

ھەژی گوتنێ یە ئەم شیاین ھەموو تێبینیان گەنگەشە بکەین و پێکڤە بگەھینە ھندەک خال و بریاران د خزمەت و ئافرەت و کچێن ئاوارە ل سنورێ سەنتەری دا.

دئەڤێ حەفتیێ دا ئەم شیاینە (٢) حالەتێن دەروونی بینین و کارمەندا جڤاکی روونشتنێن بتنێ و تایبەت دگەل دا ئەنجام بدەت و ھندەک ژوانا خشتەیەکێ چەند روژی بو دابنێت داکو ب بەردەوامی چاڤدێیا وانا بھێتە کرن و خزمەتا وانا بھێتە کرن وب زڤرنە ژیانا سروشتیا بەری نوکە و ئەم تێدا د سەرکەفتی بوینە.

*پشنیار بو پێشئێخستنا کاروبارێن سەنتەری:
ئەم پشنیار دکەین کو (خولێن جورا و جور بھێنە ڤەکرن, و کەل و پەل و پێتڤیێن ئافرەتان لسەر بھێنە بەلاڤ کرن)د خزمەتا ئاواران دا چونکە ئەوان داخاز کرینە.

*دوماھیک:
ئەم پێکڤە ھەول بدەین باشترین کارو خزمەت پێشکێشی ڤی خەلکی بکەین چونکە خزمەتکرنا وان ئەرکەکێ مروڤی ئەخلاقی یە دڤێت ئەم ھەموو ل سەر بەردەوام بین.
دگەل رێزگرتنێ
راگەھاندنا
ئنستتیوتا دھوک بو رەوشەنبیریا گشتی