رێكخراوا (DIGC) سه‌نته‌رێ شاناز یێ جڤاكی یێ ئافره‌تان ل زاویته ب چاڤدێری و هاریكاری یا رێكخراوا (UNFPA)یا نیڤ ده‌وله‌تی به‌رده‌وام سه‌ره‌دانێن مه‌یدانی بو گوندێن ناحیا زاویته‌ی ده‌وروبه‌ر دكه‌ن و لنزیك ل ژیانا وان و بارێ وان یێ جڤاكی و ده‌روونی دنێرین. دڤێ حه فتیێدا مه به‌رده‌وامی ب كارو چالاكیێن خودا و ئه‌م وه‌ك تیما كاری به‌شداری خولا بهێزكرنا تیما گشتی یا كاری دابووین و مه به‌رده‌وامی ب سه‌ره‌دانێن مه‌یدانی دا ل زاویته و گوندێ ئێمینكێ و پشته‌ڤانی یا ده‌روونی یا به‌رده‌وامبوو ژ لایێ (نێرگز جبرائیل) وه‌ك كارمه‌ندا جڤاكی.
چالاكی یا ئیكێ:
به‌رده‌وامیدان ب خولا بهێزكرنا ستافێ كاری یێ گشتی:
به‌رده‌وامیدان ب خولا بهێزكرنێ بو پێشڤه‌برنا ستافێ كاری گشتی یێ كاری ل روژا ئێك شه‌مبی 24-1-2016 هاته ڤه‌كرن و ئه‌ڤ خوله بو ماوێ (10) روژان دێ یا به‌رده‌وام بوو. سمینارێن هه‌مه‌جور دهاتنه گوتن ژ لایێ تیما كاریڤه و ئه‌ڤ خوله روژانه بو ماوێ دوو ده‌م ژمێران یا به‌رده‌وامبوو هه‌ر ژ ده‌مژمێر 8:00 سپێدێ تا 10:00 سپێدێ. ژ هه‌ژی گوتنێ یه كو بابه‌ت بشێوه‌یه‌كێ گونجایی دهاتنه شلوڤه‌كرن و گه‌نگه‌شه‌كرن.
چالاكی یا دووێ:
سه‌ره‌دانێن مه‌یدانی:
ئێك ژ به‌رنامێن مه ئه‌وه كو د رێكا خوبه‌خشان دا ئه‌م نامه و په‌یاما سه‌نته‌ری بگه‌هینه زێده‌ترین ئافره‌ت و كچان داكو قه‌ستا سه‌نته‌ری بكه‌ن و به‌شداریێ د خولاندا بكه‌ن و ده‌روونێ وان ئارام ببیت. تیما مه و خوبه‌خشێن سه‌نته‌ری و دگه‌ل تیم لێده‌ران قه‌ستا ناڤ خیڤه‌ت و هه‌یكه‌لان دكه‌ن دكومه‌لگه‌هێ داكو ژ نێزیك مه ئاگه‌ه ژ ره‌وشا ئافره‌ت و كچان هه‌بیت. و مه سه‌ره‌دانێن مه‌یدانی بو زاویته و گوندێ ئێمینكێ و ل نزیك ل ره‌وشا وان نێرین.
چالاكی یا سێ یێ:
هه‌ما هه‌نگی دگه‌ل رێكخراوا:
دڤێ حه‌فتیێدا مه هه‌ما هه‌نگی دگه‌ل رێكخراوا (Zahrira light of hope) هه‌بوو و مه پێكڤه سه‌ره‌دانا گوندێ (ئێمینكێ) كرو داكو ل نزیكترین ده‌م هاریكاری یا چه‌ند مالێن هه‌ژار بكه‌ین.
پێشنیار بو پێشئێخستنا كاروبارێن سه‌نته‌ری:
ئه‌م پێشنیار دكه‌ین كو( پتر گرنگی ب خوبه‌خشان بهێته دان و كه‌لوپه‌لێن پێدڤی بو خولان بهێنه دابینكرن و گرنگی ب جهێ كاری بهێته دان و دیڤچوون هه‌بیتبو و په‌یداكرنا كه‌ل و په‌لان یێن ئاواره داخازدكه‌ن).
دوماهیك:
ئه‌م پێكڤه هه‌ول بده‌ین باشترین كارو خزمه‌ت پێشكێشی خه‌لكی و ئاواران بكه‌ین چونكه خزمه‌تكرنا وان ئه‌ركه‌كێ مروڤایه‌تی و ره‌وشتی یه و دڤێت ئه‌م هه‌می ل سه‌ر به‌رده‌وام بین.
دگه‌ل رێزگرتنێ
راگه‌هاندنا
ئنستتیوتا دهوك بو ره‌وشه‌نبیریا گشتی
