خودان ئیمتیازا كوڤارێ ب گوپالێ خوڤە گەهشتە ئنستتیوتێ
د سەرەدانەكا نەچاڤەرێكری دا (حلیمە مستەفا سەعید) خودانا ئیمتیازا كوڤارا سنێلە ل روژا شەمبی رێكەفتی (6/4/2013) ل دەمژمێر (11)ێ سپێدێ سەرەدانا ئنستتیوتا دهوك بۆ رەوشەنبیریا گشتی و گەلەك ب گەرمی ژلایێ( عبدالعزیز محسن) سەروكێ ئنستتیوتێ و ستافێ كاری ڤە هاتە پێشوازیكرن پشتی بخێرهاتنێ چەند ئاموژگاری ل ستافێ كاری كرن و چەند نموونەیەك ژی ژیانا خو بەحسكرن كانێ چەند 
جوداهی دناڤبەرا ژیانا نوو ژیانا كەڤن دا هەیە, گوت دڤێت گەنجی نووكە بخو مفای ل سەربورێن كەڤن وەربگرن و بكەتە د خزمەتا ئەڤروكەدا پاشان ب نەساخیا خوڤە ب گوپالی خوڤە گەریانەك دناڤ پشكێن ئنستتیوتێ دا كر و گەلەك و گەلەك یا دلخووش بوو ب ئەڤێ سەرەدانێ پاشان هەموو ستافێ كاری ئێك ئێكە بخو وێنە دگەل حلیمە خانێ گرتن و گەلەك د كەیفخووش بوون ب سەرەدانا ناڤبری و گەلەك مفا ژی ل ئاموژگاری و سەربورێن وێ وەرگرتن.
خودان ئیمتیازا كوڤارێ دیاریەكا پر بها پێشكەشی ئنستتیوتێ كر ب هەلكەفتا ئاڤاهیێ نوو. هەژی گوتنێ یە كو (حلیمە مستەفا) ئێكە ل شێرە ژنێن كوردستانێ كو (باب و برا و كور و زەلام) لێ هاتینە شەهیدكرن و شیایە ب جوانترین رێك زاروكێن خو پەروەردە بكەتن و ببیتە نموونە ب گەلەكێن دی.
