دكتور محەمەد حەسەن:
دهەموو داستانان دا من بەشداری كری یە وەك پێشمەرگە و نوشدار ژی
*سنێلەیەكی دگوت من ژی دڤێت بچمە سینگێ شەری
* دبێژمە سنێلان ئەڤ ئازادیە ب هەروە نەهاتیە، و گرنگیێ ب مێژوویا خو بدەن
* گەلەك جاران خەلكی بو مە دەرمان فرێدكرن
دیدار/ژێگر عەبدولستار
دكتور محەمەد حەسەن ژدایك بوویێ سالا(1952) و دبنەمالەكا كورد پەروەر و ئاینی دا مەزن بویە، گەلەك نەخوشی و ئاستەنك كەفتینە درێكا وی دا تاكو خواندنا خو بدوماهیك ئینای، هەروەسا پێشمەرگەكێ چەلەنگ و بهێز بو و دهەمان دەم دا كارێ نوشداریێ ژی دكر بو وان پێشمەرگان یێن نەخوش و بریندار. بو پتر نیاسینا وی مە ئەڤ دیدارە دگەل ئەنجام دا
.
سنێلە/ ئەو چ فاكتەر بوون وەل تە كری كو تو قەستا پێشمەرگایەتی بكەی؟
د.محمد: هێش ئەزێ زارۆك بوم مالا مە ل باژێرێ میسل بوو جارەكێ من دیت هندەك گەنجان تشتەكێ ددەستان دا و دەرسوكا كوردی ل بەر بو و هێش ئەز زارۆك هەموو دەمان برایێ منێ ژمن مەزنتر بۆ مە بەحسێ وەلاتێ كوردستانێ دكر پاشان هەموو دەمان مە دیت كو زۆرداریەكا مەزن ل مە دكەن و مافێ مە كوردا یێ دخون .
سنێلە/ بو مە بەحسی دوو بیرهاتنێن خو بكە ئێك یا سنێلەیێ و ئێك یا كاری؟
د.محمد: ل دەمێ ئەز سنێلە و ل قوناغا ناڤنجێ ئەز بومە سەروكێ لێژنا ئێكەتیا قوتابیێن كوردستانێ ل وی دەمی من هەستێ بەرپرسیارەتیێ وەرگرت و مە چالاكی بو وەلاتێ خو دكرن.هەروەسا یا كاری بیرهاتنەكا ل بیرا من گەلەكا نەخوشە بەلێ دهەمان دەم ژی دا جهێ شانازیێ یە و ل دەما ئەم پێشمەرگە د شەرەكی دا ل دەڤەرا ئاشەوا من دیت سنێلەكێ دگەل مە و یێ دەنگێ خۆ بلند كەتن ئەز ژی چووم من گوتێ تە خێرە گوت من دڤێت بچمە سنگێ شەری بەلێ ناهێلن دگەل پێشمەرگەی بچم یێن دبێژن تو دێ ل بەر جهێن مە بی و تو نائێیە شەری تو یێ بچیكی ئەو سنێلە رازی نەبو و هەر چوو شەری بەلێ پشتی پێشمەرگە زڤرین و بریندار ئیناینە ل دەڤ من من دیت ئەو سنێلە یێ شەهید بووی و گیانێ خۆ یێ گوری وەلاتێ خوكری.
سنێلە/ تو چەوان دشیای دئێك دەم دا كارێ نوژداریێ و یێ پێشمەرگایەتیێ بكەی؟
د.محمد/ دهەموو داستانان دا من بەشداری كری یە وەك پێشمەرگە و نوشدارەك ژی و من شەر ژی دكر و نەخوشی و بریندار ژی چارەسەردكرن .
سنێلە/ هەوە چەوان كەلوپەلێن تەندروستی بدەست خوڤە دئینان؟
د.محمد: بدەستی ڤەئینانا كەلوپەل و دەرمانان گەلەك بزەحمەت بوو گەلەك جاران سەركردایەتیا پارتی بو مە فرێ دكرن و گەلەك جاران خەلكی بو مە فرێ دكرن و هندەك جاران مە دكرین و هندك جاران دا پێشمەرگە چنە وانێ نەخوشخانێن نێزیك بومە دئینان.
سنێلە/ تو چ شیرەت ل سنێلان دكەی؟
د.محمد: ئەز دبێژمێ ئەڤ ئازادیا ئەم تێدا ب هەروە نەهاتی یە و گەلەك قوربانی و خووین یا بو هاتی یە رێشتن بلا باش بخوینن و گرنگیێ ب مێژوویا خۆ بدەن چونكی ئەو خودانێن ڤی وەلاتی نە و سەركردە و پاشەروژا مەنە.
سنێلە/ كی بەرپرسە ژ پەروەردەكرنا سنێلان؟
د.محمد/ دەیك و باب و پاشان ماموستا و پاشان دەستهەلات .
درێیا راپەراندنا ئەركێ خودا یێ خوراگربە
