لەیلان:
*دەمێ عودێ دژەنم هەست ب خوشیێ دكەم چونكو كلیلا سەركەفتنا ژیانێ یە
*هەر ژ زاروكینیا خۆ من حەز ل سەر ژەنینا عودێ هەبوو
*ئەز دەمێ خو رێك دئێخم بۆ خواندنێ و ژەنینا ئامیرێ عودێ
سنێلا بەهرەمەند (لەیلان ئسماعیل) موزیك ژەنا ئامیرێ عودێ یە قوتابیا پولا (9) بنەرەتی یە كوڤارا سنێلە ب فەر دیت فێ دیدارێ دگەل دا ساز بكەت و كەسایەتیا و هزروبیربوچونێن (لەیلان) تێدا دیار بكەین.
دیدار: دلدار رەجب
سنێلە/ ئامیرێ عودێ ل دەڤ تە چی یە ؟ و چ جورە هەست ل دەڤ تە پەیدا دكەت؟
لەیلان: ئامیرێ عودێ وەكو هەر موزیك ژەنەكێ بو من یاخوشە دەمێ دژەنم هەست ب خوشیێ دكەم هەست دكەم تشتێن نەخوش ل دەڤ من نامینن و هەست ب ئارامیێ دكەم.
سنێلە/ بۆ ئێكەم جار كەنگی تە هەول داینە موزیكێ ب ژەنی ؟
لەیلان: هەر ژ زاروكینیا خۆ من حەز ل سەر هەبوو بەلێ دژیێ (12) سالی دا من دەست پێكر هەتا ڤی دەمی یا بەردەوامم.
سنێلە/ تە چاوا دەمێ خۆ تەرخان كریە بۆ ژەنینا ئامیرێ عودێ و خواندنا خۆ؟
لەیلان: هەردەمێ ئەز خواندنا خۆ تەمام دكەم حەز دكەم ئامیرێ عودێ ب ژەنم بەز بارا پتر ئەز ب هێنڤەدانا حەز دكەم ب ژەنم.
سنێلە/ تو و عود چەند هەڤالێن ئێكن ؟
لەیلان: ئەز وەك هەڤالەكێ نێزیك ب خو دانم.
سنێلە/ كی دگەل تە دا هاریكارە و پشتەڤانیا تە دكر؟
لەیلان: (دایك و باب) من گەلەك و ئەز ل پشكا چالاكیێن قوتابخانا فێر بویمە و هەروەسا ماموستایێ من موزیك ژەنێ ئامیرێ عودێ (صلاح نوری ) گەلەك پشتەڤانیا من دكر ئەز گەلەك سوپاسیا وی دكەم.
سنێلە/ تە بەشداری د چەند چالاكیان دا كریە؟
لەیلان :من بەشداری دگەلەك ئاهەنگا و بیروەریان دا كریە بۆ نموونە د ئاهەنگا قوتابخانێ دا و ئاهەنگا ڤەكرنا موزەخانا كەلها نزاركێ ….هتد.
سنێلە/ دەمی چ گرنگی هەیە ل دەڤ تە؟
لەیلان: دەمی ل دەڤ من گرنگی یەكا زور هەیە چ ل دەمێ ژەنینا عودێ بیت یان بو تشتەكێ دی بیت.
سنێلە/ هیڤیاتە بو پاشە رۆژێ ؟
لەیلان: هیڤیا من ئەوەل پاشە رۆژێ ئەز خواندنا خو ب دوماهیك بینم و ببمە موزیك ژەنەكا عودێ.
سنێلە/ تو بو سنێلا چ دبێژی ئەوێن بەهرە هەین و بەهرەیێن خو دیار نەكەن؟
لەیلان: داخوازێ ژ هەموو سنێلان دكەم بەهرەیێن خو دیار بكەن كلیلا سەركەفتنا ژیانا وانە.
سنێلە/ پەیڤاتە یا دوماهیێ ؟
لەیلان: ئەز ژ دل سوپاسیا هەر كەسەكی دكەم كوهاریكاری یا من كری و سوپاسیا كوڤارا سنێلە دكەم هەر سەركەفتی بن.
هەموو كانیا ئاڤ تێ هەیە بەلێ ئاڤا هەموویان ناهێتە ڤەخوارن
