ستاڤێ سه‌نته‌رێ شاناز یێ جڤاكی ل خانكێ روژانه‌ سه‌ره‌دانا خه‌لكێ ئاواره‌ دكه‌ت. .. .

سه‌نته‌رێ شاناز یێ جڤاكی بو ئافره‌تان ل خانكی كو سه‌ ر ب ئنستتیوتا دهۆ ك بو ره‌وشه‌نبیریا گشتی( DIGC) یه‌ به‌ رده‌وامه‌ل سه‌ ر كاروچالاكیێن خو ب پشته‌ڤانیا سندوقا نه‌ته‌وێن ئیكگرتی بۆ دانیشتوان ( UNFPA). د ڤئ حه‌فتیێ دا سه‌ نته‌ ر شیایه‌ چه‌ندین چالاكین جودا جودا د خزمه‌تا ئافره‌ت و كچێن ئاواره‌ ئه‌ نجام بده‌ ت مینا.

*چالاكیا ئێكێ :
-سمینار :
أ-ئه‌ڤ سمیناره‌ ل روژا(ئێك شه‌مبی ) ل رێكه‌فتی(15-5-2016 )ل ده‌مژمێر(10:00) سپێدێ ل هولا سه‌نته‌رێ شاناز خانكێ هاته‌ ئه‌نجامدان وبابه‌تێ سمینارێ یێ تایبه‌ت بۆ ل دور(روژا جیهانیا خێزانێ) ژلایێ ڤه‌كوله‌را ده‌روونی (نارین نادر) پشتی بابه‌تێ خو پێشكه‌ش كری تێدا ب رون و ئاشكه‌را به‌حسێ(گرنگیا ئه‌ڤی روژێ كر و ساخكرنا روژانێن جیهانێ دناڤ جڤاكێ مه‌ دا و هه‌ردیسان چاوانیا پێك ئینانا خێزانه‌كا به‌خته‌وه‌ر د ڤان كاودانێن دژوار دا و هه‌ر ئه‌ندامه‌كێ خێزانێ دڤێت ئه‌ركێ خو بزانیت و پێرابیت هه‌ردیسان چاوانیا په‌روه‌رده‌كرنا زاروكێن خو ب تایبه‌ت ژلایێ ده‌یكێ ڤه‌ چونكه‌ ده‌یك قوتابخانا ئێكێ یه‌ بو زاروكێ خو وپێتڤیه‌ باب ب ره‌ڤتاره‌كا باش و جوان سه‌ره‌ده‌یێ دگه‌ل خێزانا خوبكه‌ت) كر و بوجهی مفا گه‌هشتنا گشت ئاماده‌بویا.

ب-ئه‌ڤ سمیناره‌ ل روژا(سێ شه‌مبی ) ل رێكه‌فتی(17/5/2016 )ل ده‌مژمێر(00 :10) نیڤرو هه‌یكه‌له‌كێ ده‌ڤه‌را خانكێ هاته‌ ئه‌نجامدان وبابه‌تێ سمینارێ یێ تایبه‌ت بۆ ل دور(توندوتیژی دژی ئافره‌تێ ) ژلایێ (سناء خلف)ل سمینارێ به‌حسی ڤان خالان كر (توندوتیژی دژی ئافره‌تێ چیه‌.. ؟ رێكن خو پاراستنێ چنه‌. . ؟ كارتێكرنا وێ لسه‌ر مروڤی وپێتڤیه‌ رێز ل ئافره‌تێ بهێته‌ گرتن چنكو ئافره‌ت( دایكه‌ , خویشكه‌, هه‌ڤژینه‌, هڤاله‌) هه‌ردیسان دیاركرنا جورێن توندوتیژیێ ژ وانا(قوتان, ده‌ست درێژیا سیكسی,ره‌ڤتاركرنا نه‌جوان به‌رامبه‌ری ئافره‌تێ و گه‌له‌كێن دی ) كر و بوجهی مفا گه‌هشتنا گشت ئاماده‌بویا.

*چالاكیا دووێ:
– سه‌ره‌دانێن مه‌یدانی:
ئێك ژ به‌رنامێن مه‌ ئه‌وه‌ كو درێكا خۆبه‌خشاندا ئه‌م نامه‌ و په‌یاما سه‌نته‌ری بگه‌هینه‌ زێده‌ترین ئافره‌ت و كچان داكو قه‌ستا سه‌نته‌ری بكه‌ن دا سه‌نته‌ر ب باشترین شێواز خزمه‌تا وانا بكه‌ت , ژبه‌ر هندێ رۆژانه‌ تیمێن مه‌ تیم لێده‌ران قه‌ستا ناڤ خیڤه‌ت و هه‌یكه‌لان دكه‌ن داكو ژ نێزیك هایداری ره‌وشا ئافره‌ت و كچان ببن و ئه‌ڤ به‌رنامه‌ ل رۆژا (ئیك شه‌مبی) تاكو روژا ( پێنچ شه‌مبی ) ئانكو ل رێكه‌فتی(15/5/2016 ) تاكو(19/5/2016 )سه‌ره‌دانا ( 64) مالان كرینه‌ و (690 ) كه‌س دیتینه‌ ژ وانا ( 370) ئافره‌ت و كچ بوینه‌ و په‌یام و ناما سه‌نته‌ری گه‌هاندینه‌ وانا و داخواز ژ وانا كرینه‌ كو قه‌ستا سه‌نته‌ری بكه‌ن داكو باشترین خزمه‌ت وه‌ربگرن و ل ده‌مێ قه‌ستا سه‌نته‌ری دكه‌ن ژلایێ تیم لێده‌ر و خوبه‌خشان ڤه‌ دهێنه‌ پێشوازیكرن و رێزه‌كا مه‌زن ل وان دهێته‌ گرتن.

*چالاكیا سیێ:
سه‌ره‌دانێن سه‌نته‌ری :
ل سه‌نته‌رێ مه‌ توماره‌ك هاتیه‌ دروستكرن یا تایبه‌ته‌ ب وان ئافره‌ت و كچێن سه‌ره‌دانا سه‌نته‌ری دكه‌ن ب هه‌ر مه‌ره‌مه‌ كێ بیت و پێشوازی ل وان دهێته‌ كرن و ناڤێن وان دهێنه‌ توماركرن له‌وا ل روژا( ئیك شه‌مبی ) تاكو روژا (پێنج شه‌مبی ) وئانكو ل رێكه‌فتی(15/5/2016) تاكو(19/5/2016) (5) كه‌سان سه‌ره‌دانا سه‌نته‌ری كرینه‌ ب مه‌ره‌مێن جودا جودا(پێزانین ل دوور سه‌نته‌ری ) هه‌روه‌سا ب مه‌ره‌ما (پشكداری كرنێ د سمینار و به‌ریكانان دا )

*چالاكیا چارێ:
-كومبوونێن ستافێ كاری.
ل دووڤ ئه‌جندایه‌كا پێش وه‌خته‌ حه‌فتیانه‌ كومبونا ئاسایا ستافی كاری دهێته‌ ئه‌نجام دان ب مه‌ره‌ما ده‌ستنیشانكرنا (خالێن بهێز و خالێن لاواز و تێبینی و پێشینیار بۆ سه‌ركه‌فتنا كاری )له‌ ورا ل روژا ( پێنچ شه‌مبی ) ل رێكه‌فتی (12/5/2016) كومبونێن ئاسایێن سه‌نته‌ری ب ئاماده‌بونا ستافێ كاری و ب سه‌رپه‌رشتیا (ژیمان دهام ) وه‌كو رێڤه‌به‌را لسه‌نته‌ری ل ده‌مژمێر (9:00 تا 10:00 ) ل هولا سه‌نته‌ری هاتیه‌ ئه‌نجام دان و تێدا گه‌له‌ك ب كورتی ناڤه‌روكا كومبونێ ئه‌ڤ خاله‌ بون :
1_دڤێ كومبونێ دا به‌حسكرنا چه‌ندین خالن بهێز و ێن لاواز كر وچاوانیا ئه‌نجامدان چالاكیا ل ناڤا سه‌نته‌ری دا به‌لێ ب شێوازه‌كێ جودا تر ژ بوری, و پێكێشكرنا خزمه‌تێ بو خه‌لكێ ئاواره‌ ب باشترین شێواز.
2_ وچه‌ندین بریار هاتنه‌دان كو گرێدای ب كارو چالاكی و خزمه‌ تێن مه‌ڤه‌ بو ئافره‌ت و كچان ,دیسان چه‌وانیا پێشكیشكرنا سمینارێن جوراو جور ژلاییٌ ستافی سه‌نته‌ری ڤه‌ ,هه‌روه‌سا پێگیری كرن ب رێنمایا و كاروبارێن كارگێری ین سه‌نته‌ری.
3_ پتر هایداربوون ژ ره‌وشا ئاواران دناڤا سنوری ده‌ڤه‌را خانكێ دا چه‌وانیا سه‌ره‌ده‌ریێ و كارو خزمه‌تێ بو وان د رێكا تیم لێده‌ ردا, هه‌روه‌سا توماركرنا ناڤ و داخازێن وان ئاگه‌هدار كرنا وان ژ كاروچالاكین سه‌نته‌ریٌ مه‌.

هه‌ژی گوتنی یه‌ ئه‌ م شیاین هه‌موو تێبینێن گه‌نگه‌شه‌ بكه‌ین و پێگڤه‌ بگه‌هینه‌ هنده‌ك خال و بریاران دخزمه‌تا ئافره‌ت و كچێن ئاواره‌ ل سنورێسه‌نته‌ری دا :

*چالاكیا پێنجێ:
روونشتن دگه‌ل حاله‌ تێن ده‌روونی :
د ئه‌ڤێ حه‌فتیێ دا ئه‌م شیاینه‌ ( 1)حاله‌تێن ده‌رونی ببینین وكارمه‌ندا جڤاكی روونشتنێن بتنێ وتایبه‌ت دگه‌ل دا ئه‌نجام بده‌ت و هنده‌ك ژوانا خشته‌یه‌كێ چه‌ند رۆژی بۆ دابنێت داكو ب به‌رده‌وامی چاڤدێریا وانا بهێته‌ كرن و خزمه‌تا وانا بهێته‌ كرن وبزڤرنه‌ڤه‌ ژیانا سروشتیا به‌ری نوكه‌ و ئه‌م تێدا د سه‌ركه‌فتی بوینه‌.

چالاكیا شه‌شێ :
سه‌ره‌دانا شاندا
رێكه‌فتی 15/5/2016 روژا پێنچ شه‌مبی شاندێ رێكخروا (UPP) سه‌ره‌دانا سه‌نته‌رێ شاناز یێ جڤاكی ل خانكێ كر بو وه‌رگرتنا پێزانینا لدور چالاكین سه‌نته‌ری دهینه‌ ئه‌نجام دان بو به‌شداریكرن و ئه‌نجامدانا چالاكیان ل ناڤا سه‌نته‌ری دا و رونیشتنا هه‌ردوو لایه‌نا جهێ مفایێ بو خزمه‌تكرنا خه‌لكێ ئاواره‌ ب گشتی و ئافره‌تن ئاواره‌ ب تایبه‌تی.

*دوماهیك :
ئه‌م پێگڤه‌ هه‌ول بده‌ین باشترین كارو خزمه‌ت پێشكه‌شی ڤی خه‌لكی بكه‌ین چونكه‌ خزمه‌تكرنا وان ئه‌ركه‌كێ مروڤی و ئه‌خلاقی یه‌ودڤێت ئه‌م هه‌موو ل سه‌ر به‌رده‌وام بین

هه‌ژی گوتنێ یه‌ كو ئه‌ ڤ پروژه‌ ب سپونسه‌ریا (UNFPA) سندوقا نه‌ته‌وێن ئیكگرتی بۆ دانیشتوان دهێته‌ ئه‌نجامدان.

راگه‌هاندنا
ئینستتیوتا دهۆك بۆ ره‌وشه‌نبیریا گشتی