ئەندازیار خالد:
سنێلە پاشە رۆژا ڤی باژێری نە بلا پاقژیا وی ب پارێزن ونەهێلن كەس پیس بكەت
پاقژیا باژێری ئەركێ مە هەمووانە و دڤێت ئەم باژێری ب مالا خۆ بدانین
دڤێت خەلك یێ هاریكار بیت دگەل باژێرڤانیێ و حكومەتێ چونكی جوانی و باقژیا باژێری هەر بو خەلكی یە
هەر جهەكێ پاقژ و خۆش و جوان بوو خەلك دێ قەستكەنێ و پەسنا خەلكێ وی وێرێ كەن
بەرهەڤكرن: ژێگر عەبدولستار
ب مەرەما پتر هاندانا خواندەڤانێن كۆڤارا مە بۆ پاقژیا باژێری و هەڤكاریێ دناڤبەرا باژێرڤانی و خەلكی دا، كۆڤارا مە چەند پرسیارەك دانانە بەر سینگێ ئەندازیار (خالد حەسەن سەنعان) جێگرێ سەرۆكێ باژێرڤانیا دهۆكێ ویژی ب سینگەكێ بەرفرەه بەرسڤێن مەدان.
سنێلە/ باژێرڤانیێ بۆ مە پێناسە بكە؟
ئەندازیار خالد/ باژێرڤانی دوو تەوەرێن سەرەكی بخۆڤە دگریت خزمەتگوزاری و رێكخستنا باژێری و دانانا ماستەر پلانێ.
سنێلە/ دەمێ دورست كرنا پرۆژەكی چ ئاستەنگ دكەڤنە رێكا وە؟
ئەندازیار خالد/ دەمێ كارەك دهێتە ئەنجام دان كو بەرژەوەندیا گشتی بیت، دێ هەر بەرژەوەندیا هندەك كەسان تێكچیت، بەلێ ئاستەنگێن مەزن ناكەڤنە درێكامە دا، چونكی كارێ مە بو بەرژەوەندیا گشتی یە.
سنێلە/ كارێن هوون ئەنجام ددەن كیژ ژ هەمیان گرنگ ترە؟
ئەندازیار خالد/ پاقژكرنا باژێری و پرۆژێن ستراتیجی و رێكخستنا هاتن وچوونێ.
سنێلە/ دەما تۆ ل ناڤ باژێرێ دهوكێ دگەری تۆچ تشتێ دبینی تۆ پێ نەخۆش دبی؟
ئەندازیار خالد/ دەما ئەز دبینم كەسەك باقژیا باژێری ناپارێزیت وبەرمایكێن خۆ دهاڤێتە سەر جادێ، چونكی هندەك كارێن هەین، ئەركێ باژێرڤانیێ نە و دڤێت بكەین، بەلێ پاقژیا باژێری ئەركێ مە هەمووانە و دڤێت ئەم باژێری ب مالا خۆ بدانین.
سنێلە/ كەسێن بیانی چەوا بەرێ خۆ ددەنە جوانیا باژێری؟
ئەندازیار خالد/ هەر جهەكێ پاقژو خۆش و جوان بوو خەلك دێ قەستكەنێ و پەسنا خەلكێ وی باژێری كەن؟
سنێلە/ د وەرزێ بوهارێدا خەلك كەلەك قەستا سەیرانان دكەن تەچ شیرەت بۆ خەلكی هەیە؟
ئەندازیار خالد/ سروشتێ كوردستانێ سرۆشتەكێ جوانە و بلا ئەم جوانیا وی ب پارێزین و ئەو جهێ ئەم دچینێ دڤێت ئەم پاقژیا وی وەكی یا مالا خۆ ب پارێزین ونەهیلین پیس ببیت.
سنێلە/ شیرەتا تە بۆ سنێلان؟
ئەندازیار خالد/ سنێلە پاشەرۆژا ڤی باژێری نە و ئەڤ باژێرێ جوان، لەوما دبێژمێ بلا پاقژیا باژێری خۆ ب پارێزن و نەهێلن كەس پیس بكەت.
سنێلە/ پەیڤا تە بۆ خەلكێ باژێرێ دهوكێ؟
ئەندازیار خالد/ ئەز داخوازێ ژ وان دكەم كو جوانیا باژێرێ خۆ و پاقژیا وی ب پارێزن و چونكی دڤێت خەلك یێ هاریكار بیت دگەل باژیرڤانیێ و حكومەتێ جوانی و پاقژیا باژێری هەر بو خەلكی یە.
سنێلە/ پەیڤا تە بۆ دەیك وبابێن سنێلان؟
ئەندازیار خالد/ سنێلە د قوناغەكا هەستیاریدا د ژیت وپێدڤی یە گەلەك گرنگی پێ بهێتەدان و چاڤ دێریەكا باش بۆ هەبیت.
ئەگەر دۆست ژ دل حەز ژ دوستێ خۆ بكەت چ دۆژمن نەشێنێ (س.شیرازی)
