سه‌نته‌رێ شاناز یێ جڤاكی بو ئافره‌تان ل خانكی كو سه ر ب ئنستتیوتا دهۆ ك بو ره‌وشه‌نبیریا گشتی( DIGC) یه به رده‌وامه‌ل سه ر كاروچالاكیێن خو ب پشته‌ڤانیا سندوقا نه‌ته‌وێن ئیكگرتی بۆ دانیشتوان ( UNFPA). د ڤئ حه‌فتیێ دا سه نته ر شیایه چه‌ندین چالاكین جودا جودا د خزمه‌تا ئافره‌ت و كچێن ئاواره ئه نجام بده ت مینا.
*چالاكیا ئێكێ :
-سمینار :
أ-ئه‌ڤ سمیناره ل روژا(سێ شه‌مبی ) ل رێكه‌فتی(24-5-2016 )ل ده‌مژمێر(11:00) سپێدێ ل هولا سه‌نته‌رێ شاناز خانكێ هاته ئه‌نجامدان وبابه‌تێ سمینارێ یێ تایبه‌ت بۆ ل دور(رێكێن سه‌ركه‌ڤتنێ) ژلایێ ڤه‌كوله‌را ده‌روونی (نارین نادر) پشتی بابه‌تێ خو پێشكه‌ش كری تێدا ب رون و ئاشكه‌را به‌حسێ(گرنگیا ئه‌ڤی بابه‌تی ودیاركرنا چه‌ندین رێكان كو مفادارن بو ژیانا روژانه‌یا مروڤی وچاوانیا سه‌ركه‌ڤتنێ د ژیانا خودا ب تایبه‌تی كاری دا وبه‌راورد كرنا ژیانا كه‌سێ سه‌ركه‌ڤتی ونه سه‌ركه‌ڤتی وهه‌ردیسان به‌حسكرنا چه‌ندین حاله‌تن واقعی دجڤاكێ مه‌داو ب سه‌ركه‌ڤتنا پێتڤیه مروڤ سه‌رنشیڤین ژیاناخو ژبیرنه‌كه‌ت وهه‌رده‌م كاربكه‌ت بوخوشكرنا ژیانا خو ویا كه‌سێن ده‌وروبه‌ر) كر و بوجهی مفا گه‌هشتنا گشت ئاماده‌بویا.
ب-ئه‌ڤ سمیناره ل روژا(پێنج شه‌مبی ) ل رێكه‌فتی(26/5/2016 )ل ده‌مژمێر(00 :10) نیڤرو خیڤه‌ته‌كا ده‌ڤه‌را خانكێ هاته ئه‌نجامدان وبابه‌تێ سمینارێ یێ تایبه‌ت بۆ ل دور(پێكڤه ژیان) ژلایێ (سناء خلف)ل سمینارێ به‌حسی ڤان خالان كر( پێناسا پێكڤه ژیانێ , گرنگیا هه‌بونا پێكڤه ژیانێ د كومه‌لگه‌هێ دا چاوانیا قه‌بولكرنا بوچونێن ئێكدوو دیاركر ئه‌م هه‌موو لسه‌ر ئێك ئاخ دژین وبراێن ئێكین (موسلمان, ئێزدی, مه‌سیحی ,.. .. . و گه‌له‌ك ئاینن دی ) كر و بوجهی مفا گه‌هشتنا گشت ئاماده‌بویا.
*چالاكیا دووێ:
– سه‌ره‌دانێن مه‌یدانی:
ئێك ژ به‌رنامێن مه ئه‌وه كو درێكا خۆبه‌خشاندا ئه‌م نامه و په‌یاما سه‌نته‌ری بگه‌هینه زێده‌ترین ئافره‌ت و كچان داكو قه‌ستا سه‌نته‌ری بكه‌ن دا سه‌نته‌ر ب باشترین شێواز خزمه‌تا وانا بكه‌ت , ژبه‌ر هندێ رۆژانه تیمێن مه تیم لێده‌ران قه‌ستا ناڤ خیڤه‌ت و هه‌یكه‌لان دكه‌ن داكو ژ نێزیك هایداری ره‌وشا ئافره‌ت و كچان ببن و ئه‌ڤ به‌رنامه ل رۆژا (ئیك شه‌مبی) تاكو روژا ( پێنچ شه‌مبی ) ئانكو ل رێكه‌فتی(22/5/2016 ) تاكو(26/5/2016 )سه‌ره‌دانا (64) مالان كرینه و (663) كه‌س دیتینه ژ وانا (368) ئافره‌ت و كچ بوینه و په‌یام و ناما سه‌نته‌ری گه‌هاندینه وانا و داخواز ژ وانا كرینه كو قه‌ستا سه‌نته‌ری بكه‌ن داكو باشترین خزمه‌ت وه‌ربگرن و ل ده‌مێ قه‌ستا سه‌نته‌ری دكه‌ن ژلایێ تیم لێده‌ر و خوبه‌خشان ڤه دهێنه پێشوازیكرن و رێزه‌كا مه‌زن ل وان دهێته گرتن.
*چالاكیا سیێ:
سه‌ره‌دانێن سه‌نته‌ری :
ل سه‌نته‌رێ مه توماره‌ك هاتیه دروستكرن یا تایبه‌ته ب وان ئافره‌ت و كچێن سه‌ره‌دانا سه‌نته‌ری دكه‌ن ب هه‌ر مه‌ره‌مه كێ بیت و پێشوازی ل وان دهێته كرن و ناڤێن وان دهێنه توماركرن له‌وا ل روژا( ئیك شه‌مبی ) تاكو روژا (پێنج شه‌مبی ) وئانكو ل رێكه‌فتی(22/5/2016) تاكو(26/5/2016) (12) كه‌سان سه‌ره‌دانا سه‌نته‌ری كرینه ب مه‌ره‌مێن جودا جودا(پێزانین ل دوور سه‌نته‌ری ) هه‌روه‌سا ب مه‌ره‌ما (پشكداری كرنێ د سمینار و به‌ریكانان دا )
*چالاكیا چارێ:
-كومبوونێن ستافێ كاری.
ل دووڤ ئه‌جندایه‌كا پێش وه‌خته حه‌فتیانه كومبونا ئاسایا ستافی كاری دهێته ئه‌نجام دان ب مه‌ره‌ما ده‌ستنیشانكرنا (خالێن بهێز و خالێن لاواز و تێبینی و پێشینیار بۆ سه‌ركه‌فتنا كاری )له ورا ل روژا ( پێنچ شه‌مبی ) ل رێكه‌فتی (26/5/2016) كومبونێن ئاسایێن سه‌نته‌ری ب ئاماده‌بونا ستافێ كاری و ب سه‌رپه‌رشتیا (ژیمان دهام ) وه‌كو رێڤه‌به‌را لسه‌نته‌ری ل ده‌مژمێر (10:00 تا 11:00 ) ل هولا سه‌نته‌ری هاتیه ئه‌نجام دان و تێدا گه‌له‌ك ب كورتی ناڤه‌روكا كومبونێ ئه‌ڤ خاله بون :
1_دڤێ كومبونێ دا به‌حسكرنا چه‌ندین خالن بهێز و ێن لاواز كر وچاوانیا ئه‌نجامدان چالاكیا ل ناڤا سه‌نته‌ری دا به‌لێ ب شێوازه‌كێ جودا تر ژ بوری, و پێكێشكرنا خزمه‌تێ بو خه‌لكێ ئاواره ب باشترین شێواز.
2_ وچه‌ندین بریار هاتنه‌دان كو گرێدای ب كارو چالاكی و خزمه تێن مه‌ڤه بو ئافره‌ت و كچان ,دیسان چه‌وانیا پێشكیشكرنا سمینارێن جوراو جور ژلاییٌ ستافی سه‌نته‌ری ڤه ,هه‌روه‌سا پێگیری كرن ب رێنمایا و كاروبارێن كارگێری ین سه‌نته‌ری.
3_ پتر هایداربوون ژ ره‌وشا ئاواران دناڤا سنوری ده‌ڤه‌را خانكێ دا چه‌وانیا سه‌ره‌ده‌ریێ و كارو خزمه‌تێ بو وان د رێكا تیم لێده ردا, هه‌روه‌سا توماركرنا ناڤ و داخازێن وان ئاگه‌هدار كرنا وان ژ كاروچالاكین سه‌نته‌ریٌ مه.
هه‌ژی گوتنی یه ئه م شیاین هه‌موو تێبینێن گه‌نگه‌شه بكه‌ین و پێگڤه بگه‌هینه هنده‌ك خال و بریاران دخزمه‌تا ئافره‌ت و كچێن ئاواره ل سنورێسه‌نته‌ری دا :
*چالاكیا پێنجێ:
روونشتن دگه‌ل حاله تێن ده‌روونی :
د ئه‌ڤێ حه‌فتیێ دا ئه‌م شیاینه (6)حاله‌تێن ده‌رونی ببینین وكارمه‌ندا جڤاكی روونشتنێن بتنێ وتایبه‌ت دگه‌ل دا ئه‌نجام بده‌ت و هنده‌ك ژوانا خشته‌یه‌كێ چه‌ند رۆژی بۆ دابنێت داكو ب به‌رده‌وامی چاڤدێریا وانا بهێته كرن و خزمه‌تا وانا بهێته كرن وبزڤرنه‌ڤه ژیانا سروشتیا به‌ری نوكه و ئه‌م تێدا د سه‌ركه‌فتی بوینه.
*دوماهیك :
ئه‌م پێگڤه هه‌ول بده‌ین باشترین كارو خزمه‌ت پێشكه‌شی ڤی خه‌لكی بكه‌ین چونكه خزمه‌تكرنا وان ئه‌ركه‌كێ مروڤی و ئه‌خلاقی یه‌ودڤێت ئه‌م هه‌موو ل سه‌ر به‌رده‌وام بین
هه‌ژی گوتنێ یه كو ئه ڤ پروژه ب سپونسه‌ریا (UNFPA) سندوقا نه‌ته‌وێن ئیكگرتی بۆ دانیشتوان دهێته ئه‌نجامدان.
دگه‌ل رێزگرتنێ
راگه‌هاندنا
ئینستتیوتا دهۆك بۆ ره‌وشه‌نبیریا گشتی
