سه‌نته‌رێ شاناز یێ جڤاكی ل كه‌مپا كه‌به‌رتو 2 كو سه ر ب( ئنستتیوتا دهۆ ك بو ره‌وشه‌نبیریا گشتی) ( DIGC) یه به رده‌وامه لسه ر پێشكێشكرنا خزمه‌ت و كاروچالاكیێن خو ب پشته‌ڤانیا سندوقا نه‌ته‌وێن ئیكگرتی بۆ دانیشتوان ( UNFPA). د ڤئ حه‌فتیێ دا سه نته ر شیایه چه‌ندین چالاكین جودا جودا د خزمه‌تا ئاواران دا ئه نجام بده ت مینا.
*چالاكیا ئێكێ :
-سمینار :
ب-ئه‌ڤ سمیناره ل روژا( ئێك شه‌مبی ) ل رێكه‌فتی(24/4/2016 )ل ده‌مژمێر11:00 ی هاته ئه‌نجامدان و سمیناره‌ك ل دوور(ئاریشێن خێزانی ) ژلایێ تیم لێده‌رێن سه‌نته‌ری (زینا تاجدین و ابتسام یوسف )ڤه هاته پێشكێشكرن پشتی بابه‌تێ خو پێشكه‌ش كری تێدا ب رون و ئاشكه‌را به‌حسێ :
1-چاوانیا چاره‌سه‌ركرنا ئاریشێن دناڤ خێزانێ دا ,دیسان كێم كرنا ئاریشان و چاره‌سه‌ریا وان بێ كو ئاریشه بهێته مازن كرن ب شێوه‌كێ گشتی هاته به‌حس كرن .
2-هه‌روه‌سا باس ل خێزانا سه‌ركه‌فتی هاته كرن و ب شێوه‌یه‌كێ باش هاته به‌حس كرن بۆ ئاماده‌بویان.
3- هه‌روه‌سا چه‌ندین رێك بۆ ئاڤاكرنا خێزانه‌كا سه‌ركه‌فتی و دیر ژ ئاریشان هاته كرن و هه‌روه‌سا چه‌ندین نمونه ل دوور بابه‌تی بۆ ئاماده‌بویان هاتنه كرن و سمینار بۆ جهێ مفا وه‌رگرتنێ و ل دوماهییێ ژی دان وستاندن ل سه‌ر بابه‌تی هاته كرن ژلایێ ئاماده بویان ڤه.
أ-ئه‌ڤ سمیناره ل روژا( ئێك شه‌مبی ) ل رێكه‌فتی(24/4/2016 )ل ده‌مژمێر11:30 ی هاته ئه‌نجامدان و سمیناره‌ك ل دوور(توندوتیژی دژی ئافره‌تان )ژلایێ (ئامینا هشیار ) كارمه‌ندا ده‌روونی ڤه هاته پێشكێشكرن پشتی بابه‌تێ خو پێشكه‌ش كری تێدا ب رون و ئاشكه‌را به‌حسێ :
1-پێناسه و مێژوویا توندوتیژیێ ب تێرو ته‌سه‌لی هاته به‌حس كرن .
2-هه‌روه‌سا گرنگترین جورێن توندوتیژیێ بۆ ئاماده‌بویان هاتنه گوتن.
3-هه‌روه‌سا كاریگه‌ریێن وێ و هه‌روه‌سا چه‌ندین رێك بۆ كێمكرنا ڤێ دیاردێ و سمینار بۆ جهێ مفا وه‌رگرتنێ و ل دوماهییێ ژی دان وستاندن ل سه‌ر بابه‌تی هاته كرن ژلایێ ئاماده بویان ڤه و هه‌روه‌سا چه‌ندین نمونه ل دوور بابه‌تی هاتنه به‌حس كرن.
___________________
*چالاكیا دووێ:
– سه‌ره‌دانێن مه‌یدانی:
ئێك ژ به‌رنامێن مه ئه‌وه كو درێكا خۆبه‌خشاندا ئه‌م نامه و په‌یاما سه‌نته‌ری بگه‌هینه خه‌لكی داكو قه‌ستا سه‌نته‌ری بكه‌ن دا سه‌نته‌ر ب باشترین شێواز خزمه‌تا وانا بكه‌ت , ژبه‌ر هندێ رۆژانه تیمێن مه ئانكو (خوبه‌خشێن ) سه‌نته‌ری و دگه‌ل تیم لێده‌ران قه‌ستا ناڤ خیڤه‌تان دكه‌ن داكو ژ نێزیك هایداری ره‌وشا ئاواران ببین و ئه‌ڤ به‌رنامه ل رۆژ (ئیك شه‌مبی) تاكو روژا ( پێنچ شه‌مبی ) ئانكو ل رێكه‌فتی 24/4/2016تاكو 28/4/2016 سه‌ره‌دانا(65)مالان كرینه و(426) كه‌س دیتینه ژوانا (186) ره‌گه‌زێ نێر بوون و (240) ره‌گه‌زێ مێ بوون و په‌یام و ناما سه‌نته‌ری گه‌هاندینه وانا و داخواز ژ وانا كرینه كو قه‌ستا سه‌نته‌ری بكه‌ن داكو باشترین خزمه‌ت وه‌ربگرن و ل ده‌مێ قه‌ستا سه‌نته‌ری دكه‌ن ژلایێ تیم لێده‌ر و خوبه‌خشان ڤه دهێنه پێشوازیكرن و رێزه‌كا مه‌زن ل وان دهێته گرتن.
*چالاكیا سییێ:
سه‌ره‌دانێن سه‌نته‌ری :
ل سه‌نته‌رێ مه توماره‌ك هاتیه دروستكرن یا تایبه‌ته ب وان كه‌سێن سه‌ره‌دانا سه‌نته‌ری دكه‌ن ب هه‌ر مه‌ره‌مه كێ بیت و پێشوازی ل وان دهێته كرن و ناڤێن وان دهێنه توماركرن له‌وا ل روژا ( ئیك شه‌مبی ) تاكو روژا (پێنج شه‌مبی ) وئانكو ل رێكه‌فتی (24/4/2016) تاكو (28/3/2016) (39)كه‌سان سه‌ره‌دانا سه‌نته‌ری كرینه ب مه‌ره‌مێن جودا جودا (توماركرنا ناڤێن خو بۆخولا ) و (پێزانین ل دوور سه‌نته‌ری ) هه‌روه‌سا ب مه‌ره‌ما (پشكداری كرنێ د سمینار و به‌ریكانان) دا.
*چالاكیا چارێ :
روونشتن دگه‌ل حاله تێن ده‌روونی :
د ئه‌ڤێ حه‌فتیێ دا ئه‌م شیاینه (1) حاله‌تێ ده‌روونی ببینین و رینشتنێن بتنێ ژلایێ كارمه‌ندا ده‌روونی ڤه بۆ بهێنه كرن داكو ره‌وشاوان ئارامترببیت , چونكه خزمه‌تكرنا ئافره‌ت و كچێن ئاواره ئه‌م ب ئه‌ركێ خو دزانین.
چالاكیا پێنجێ:
-كومبوونێن ستافێ كاری.
ل دووڤ ئه‌جندایه‌كا پێش وه‌خته حه‌فتیانه كومبونا ئاسایا ستافی كاری دهێته ئه‌نجام دان ب مه‌ره‌ما ده‌ستنیشانكرنا (خالێن بهێز و خالێن لاواز و تێبینی و پێشینیار بۆ سه‌ركه‌فتنا كاری )له ورا ل روژا (پێنج شه‌مبی ) ل رێكه‌فتی(28/4/2016 ) كومبونا ئاسایا سه‌نته‌ری ب ئاماده‌بونا ستافێ كاری و ب سه‌رپه‌رشتیا (رڤین رشید) وه‌كو رێڤه‌به‌را سه‌نته‌ری ل ده‌مژمێر (9:00 تا10:00 ) ل هولا سه‌نته‌ری هاتیه ئه‌نجام دان و تێدا گه‌له‌ك ب كورتی ناڤه‌روكا كومبونێ ئه‌ڤ خاله بون :
1_ چه‌وانیا باشتر كاركرنێ ژبۆ خزمه‌تكرنا ئاواران ل سنورێ كه‌مپا كه‌به‌رتو2.
2_ هه‌روه‌سا دڤێ كومبونێدا چه‌ندین بریار هاتنه‌دان كو گرێدای ب كارو چالاكی و خزمه تێن مه‌ڤه ,دیسان چه‌وانیا ئه‌نجامدانا خولان و پێشكیشكرنا سمینارێن جوراو جور ,هه‌روه‌سا پێگیری كرن ب رێنمایا و كاروبارێن كارگێری ین سه‌نته‌ری.
3_ هه‌روه‌سا هایداربوون ژ ره‌وشا ئاواران دناڤا كه‌مپا كه‌به‌رتو 2 دا چه‌وانیا سه‌ره‌ده‌ریێ و كارو خزمه‌تێ بو وان د رێكا تیم لێده‌ر و خوبه‌خشێن مه‌دا, هه‌روه‌سا توماركرنا ناڤ و داخازێن وان.
___________________________
*دوماهیك :
ئه‌م پێگڤه هه‌ول بده‌ین باشترین كارو خزمه‌ت پێشكه‌شی ڤی خه‌لكی بكه‌ین چونكه خزمه‌تكرنا وان ئه‌ركه‌كێ مروڤی و ئه‌خلاقی یه‌و دڤێت ئه‌م هه‌موو ل سه‌ر به‌رده‌وام بین هه‌ژی گوتنێ یه كو ئه ڤ پروژه ب سپونسه‌ریا (UNFPA) سندوقا نه‌ته‌وێن ئیكگرتی بۆ دانیشتوان دهێته ئه‌نجامدان
راگه‌هاندنا
ئینستتیوتا دهۆك بۆ ره‌وشه‌نبیریا گشتی
