سه‌نته‌رێ شاناز یێ جڤاكی ل كه‌به‌رتو2

سه‌نته‌رێ شاناز یێ جڤاكی ل كه‌مپا كه‌به‌رتو 2 كو سه‌ ر ب( ئنستتیوتا دهۆ ك بو ره‌وشه‌نبیریا گشتی) ( DIGC) یه‌ به‌ رده‌وامه‌ لسه‌ ر پێشكێشكرنا خزمه‌ت و كاروچالاكیێن خو ب پشته‌ڤانیا سندوقا نه‌ته‌وێن ئیكگرتی بۆ دانیشتوان ( UNFPA). د ڤئ حه‌فتیێ دا سه‌ نته‌ ر شیایه‌ چه‌ندین چالاكین جودا جودا د خزمه‌تا ئاواران دا ئه‌ نجام بده‌ ت مینا.

*چالاكیا ئێكێ :
-سمینار :

ب-ئه‌ڤ سمیناره‌ ل روژا( چارشه‌مبی ) ل رێكه‌فتی(18/5/2016 )ل ده‌مژمێر1:00 ی هاته‌ ئه‌نجامدان و سمیناره‌ك ل دوور(پاقژیا كه‌سایه‌تی ) ژلایێ دكتورا (هیفاء عبدالمنعم ) ڤه‌ هاته‌ پێشكێشكرن پشتی بابه‌تێ خو پێشكه‌ش كری تێدا ب رون و ئاشكه‌را به‌حسێ :
1-به‌حسێ بابه‌تێ پاقژیا كه‌سایه‌تی ب شێوه‌یه‌كێ باش هاته‌ به‌حس كرن .
2-هه‌روه‌سا د سمینارێ دا به‌حسێ گرنگیا پاقژیا كه‌سایه‌تی شێوه‌یه‌كێ باش هاته‌ به‌حس كرن بۆ ئاماده‌بویان.
3- هه‌روه‌سال دوماهییێ ژی چه‌ندین نمونه‌ ل دوور بابه‌تی بۆ ئاماده‌بویان هاتنه‌ كرن و سمینار بۆ جهێ مفا وه‌رگرتنێ و ل دوماهییێ ژی دان وستاندن ل سه‌ر بابه‌تی هاته‌ كرن ژلایێ ئاماده‌ بویان ڤه‌.

– ج-ئه‌ڤ سمیناره‌ ل روژا( پێنج شه‌مبی ) ل رێكه‌فتی(19/5/2016 )ل ده‌مژمێر11:00 ی سپیدێ ل هولا سه‌نته‌رێ شاناز ل كه‌به‌رتو 2 هاته‌ ئه‌نجامدان و سمیناره‌ك ل دوور ( چاوانیا خوپاراستن ژ نه‌خوشێن ڤه‌گر )ژلایێ (ئامینا هشیار) كارمه‌ندا ده‌روونی ڤه‌ پشتی نافهاتی بابه‌تێ خو پێشكه‌ش كری تێدا ب رون و ئاشكه‌را به‌حسێ :
1-چه‌وانیا گرنگی دانێ ب پاقژیا خو ژلایێ ساخله‌می ڤه‌.
2-هه‌روه‌سا چه‌ندین شیره‌ت و ئاموژگاری ژی بۆ ئاماده‌بویان هاتنه‌ گوتن ل دوور ساخله‌ میێ.
3- دیسان چه‌ندین رێك و رێنما بۆ خوپاراستنێ ژڤان نه‌خوشیان ,هه‌روه‌سا دان وستاندن ل سه‌ر بابه‌تی هاته‌ كرن. هه‌روه‌سا چاره‌سه‌ری , و ل دیماهیێ ژی دان و ستاندن ل سه‌ر بابه‌تی ژلایێ ئاماده‌بویان ڤه‌ و هه‌روه‌سا چه‌ندین نمونه‌ ل سه‌ر بابه‌تی.

*چالاكیا دووێ:
– سه‌ره‌دانێن مه‌یدانی:

ئێك ژ به‌رنامێن مه‌ ئه‌وه‌ كو درێكا خۆبه‌خشاندا ئه‌م نامه‌ و په‌یاما سه‌نته‌ری بگه‌هینه‌ خه‌لكی داكو قه‌ستا سه‌نته‌ری بكه‌ن دا سه‌نته‌ر ب باشترین شێواز خزمه‌تا وانا بكه‌ت , ژبه‌ر هندێ رۆژانه‌ تیمێن مه‌ ئانكو (خوبه‌خشێن ) سه‌نته‌ری و دگه‌ل تیم لێده‌ران قه‌ستا ناڤ خیڤه‌تان دكه‌ن داكو ژ نێزیك هایداری ره‌وشا ئاواران ببین و ئه‌ڤ به‌رنامه‌ ل رۆژ (ئیك شه‌مبی) تاكو روژا ( پێنچ شه‌مبی ) ئانكو ل رێكه‌فتی15/5/2016تاكو 19/5/2016 سه‌ره‌دانا(53)مالان كرینه‌ و(346) كه‌س دیتینه‌ ژوانا (178) ره‌گه‌زێ نێر بوون و(168) ره‌گه‌زێ مێ بوون و په‌یام و ناما سه‌نته‌ری گه‌هاندینه‌ وانا و داخواز ژ وانا كرینه‌ كو قه‌ستا سه‌نته‌ری بكه‌ن داكو باشترین خزمه‌ت وه‌ربگرن و ل ده‌مێ قه‌ستا سه‌نته‌ری دكه‌ن ژلایێ تیم لێده‌ر و خوبه‌خشان ڤه‌ دهێنه‌ پێشوازیكرن و رێزه‌كا مه‌زن ل وان دهێته‌ گرتن.

*چالاكیا سیێ:
سه‌ره‌دانێن سه‌نته‌ری :

ل سه‌نته‌رێ مه‌ توماره‌ك هاتیه‌ دروستكرن یا تایبه‌ته‌ ب وان كه‌سێن سه‌ره‌دانا سه‌نته‌ری دكه‌ن ب هه‌ر مه‌ره‌مه‌ كێ بیت و پێشوازی ل وان دهێته‌ كرن و ناڤێن وان دهێنه‌ توماركرن له‌وا ل روژا ( ئیك شه‌مبی ) تاكو روژا (پێنج شه‌مبی ) وئانكو ل رێكه‌فتی (15/5/2016) تاكو (19/5/2016) (61)كه‌سان سه‌ره‌دانا سه‌نته‌ری كرینه‌ ب مه‌ره‌مێن جودا جودا (توماركرنا ناڤێن خو بۆخولا ) و (پێزانین ل دوور سه‌نته‌ری ) هه‌روه‌سا ب مه‌ره‌ما (پشكداری كرنێ د سمینار و به‌ریكانان) دا.

*چالاكیا چارێ :
روونشتن دگه‌ل حاله‌ تێن ده‌روونی :

د ئه‌ڤێ حه‌فتیێ دا ئه‌م شیاینه‌ (5) حاله‌تێ ده‌روونی ببینین و رینشتنێن بتنێ ژلایێ كارمه‌ندا ده‌روونی ڤه‌ بۆ بهێنه‌ كرن داكو ره‌وشاوان ئارامترببیت , چونكه‌ خزمه‌تكرنا ئافره‌ت و كچێن ئاواره‌ ئه‌م ب ئه‌ركێ خو دزانین.

چالاكیا پێنجێ:
-كومبوونێن ستافێ كاری.

ل دووڤ ئه‌جندایه‌كا پێش وه‌خته‌ حه‌فتیانه‌ كومبونا ئاسایا ستافی كاری دهێته‌ ئه‌نجام دان ب مه‌ره‌ما ده‌ستنیشانكرنا (خالێن بهێز و خالێن لاواز و تێبینی و پێشینیار بۆ سه‌ركه‌فتنا كاری )له‌ ورا ل روژا (پێنج شه‌مبی ) ل رێكه‌فتی(19/5/2016 ) كومبونا ئاسایا سه‌نته‌ری ب ئاماده‌بونا ستافێ كاری و ب سه‌رپه‌رشتیا (رڤین رشید) وه‌كو رێڤه‌به‌را سه‌نته‌ری ل ده‌مژمێر (9:30 تا10:00 ) ل هولا سه‌نته‌ری هاتیه‌ ئه‌نجام دان و تێدا گه‌له‌ك ب كورتی ناڤه‌روكا كومبونێ ئه‌ڤ خاله‌ بون :
1_ چه‌وانیا باشتر كاركرنێ ژبۆ خزمه‌تكرنا ئاواران ل سنورێ كه‌مپا كه‌به‌رتو2.
2_ هه‌روه‌سا دڤێ كومبونێدا چه‌ندین بریار هاتنه‌دان كو گرێدای ب كارو چالاكی و خزمه‌ تێن مه‌ڤه‌ ,دیسان چه‌وانیا ئه‌نجامدانا خولان و پێشكیشكرنا سمینارێن جوراو جور ,هه‌روه‌سا پێگیری كرن ب رێنمایا و كاروبارێن كارگێری ین سه‌نته‌ری.
3_ هه‌روه‌سا هایداربوون ژ ره‌وشا ئاواران دناڤا كه‌مپا كه‌به‌رتو 2 دا چه‌وانیا سه‌ره‌ده‌ریێ و كارو خزمه‌تێ بو وان د رێكا تیم لێده‌ر و خوبه‌خشێن مه‌دا, هه‌روه‌سا توماركرنا ناڤ و داخازێن وان.

*دوماهیك :
ئه‌م پێگڤه‌ هه‌ول بده‌ین باشترین كارو خزمه‌ت پێشكه‌شی ڤی خه‌لكی بكه‌ین چونكه‌ خزمه‌تكرنا وان ئه‌ركه‌كێ مروڤی و ئه‌خلاقی یه‌و دڤێت ئه‌م هه‌موو ل سه‌ر به‌رده‌وام بین هه‌ژی گوتنێ یه‌ كو ئه‌ ڤ پروژه‌ ب سپونسه‌ریا (UNFPA) سندوقا نه‌ته‌وێن ئیكگرتی بۆ دانیشتوان دهێته‌ ئه‌نجامدان

دگه‌ل رێزگرتنێ
راگه‌هاندنا
ئینستتیوتا دهۆك بۆ ره‌وشه‌نبیریا گشتی