سه‌نته‌رێ شاناز یێ جڤاكی ل كه‌مپا كه‌به‌رتو 2 كو سه ر ب ئنستتیوتا دهۆ ك بو ره‌وشه‌نبیریا گشتی ( DIGC) یه به رده‌وامه‌ل سه ر كاروچالاكیێن خو ب پشته‌ڤانیا سندوقا نه‌ته‌وێن ئیكگرتی بۆ دانیشتوان ( UNFPA). د ڤئ حه‌فتیێ دا سه نته ر شیایه چه‌ندین چالاكین جودا جودا د خزمه‌تا ئاواران دا ئه نجام بده ت مینا.
*چالاكیا ئێكێ :
-سمینار :
أ-ئه‌ڤ سمیناره ل روژا( سێ شه‌مبی ) ل رێكه‌فتی(12/1/2016 )ل ده‌مژمێر11:30 0ی سپیدێ هاته ئه‌نجامدان و سمیناره‌ك ل دوور(نه خوشیا ده‌روونی شیزوفرینیا )ژلایێ (ئامینا هشیار ) ڤه هاته پێشكێشكرن پشتی بابه‌تێ خو پێشكه‌ش كری تێدا ب رون و ئاشكه‌را به‌حسێ :
1-گرنگترین نیشان و ئه‌گه‌رێن ڤێ نه‌خوشیێ بۆ ئاماده‌بوویان هاتنه گوتن .
2-هه‌روه‌سا چه‌ندین رێك و رێنما بۆ چاره‌سه‌یا ڤێ نه‌خوشیێ بۆ ئاماده‌بویان هاتنه گوتن.
3- هه‌روه‌سا دان وستاندن ل سه‌ر بابه‌تی هاته كرن ژلایێ ئاماده بویان ڤه.
ب-ئه‌ڤ سمیناره ل روژا( چارشه‌مبی ) ل رێكه‌فتی(13/1/2016 )ل ده‌مژمێر12:00 ی سپیدێ ل هولا سه‌نته‌رێ شاناز ل كه‌به‌رته 2 هاته ئه‌نجامدان وبابه‌تێ سمینارێ یێ تایبه‌ت بۆ ل دوور ( سه‌ره‌ده‌ریا كچێ دگه‌ل ده‌یكێ )ژلایێ (سیرێ سلێمان )خوبه‌خشا سه‌نته‌ری ڤه پشتی بابه‌تێ خو پێشكه‌ش كری تێدا ب رون و ئاشكه‌را به‌حسێ :
1- چاوانیا سه‌ره‌ده‌ریه‌كا باشتر دناڤبه‌را كچێ و ده‌یكێ دا.
2- هه‌روه‌سا د سمینارێدا به حسێ سه‌ره‌ده‌ریا باش دناڤ به‌را كچێ و ده‌یكێ هاته كرن و چه‌ندین ئه‌نجامێن باش هه‌نه و ئه‌گه‌ر سه‌ره‌ده‌ریه‌كا خراب بیت دێ چه‌ندین ئه‌نجامێن خراب په‌یدابن .
3- هه‌روه‌سا دانا چه‌ندین شیره‌ت و ئاموژگاریا بۆ ئافره‌ت و كچان , دیسان چه‌ندین نمونه هاتنه به‌حس كرن و شلوڤه كرن بۆ ئاماده‌بویان.
*چالاكیا دووێ :
-خول :
1-ئه ڤ خوله ل رۆژا (ئێك شه‌مبی تا كو پێنج شه‌مبی ) ل رێكه‌فتی (10/1/2016 تاكو (14/1/2016) ل هولا سه‌نته‌رێ شاناز ل كه‌به‌رتو 2 ڤه‌كرنا( خوله كا فێركرنا كوافێریێ (صالون) بۆ (25) ئافره‌ت و كچان هاتیه ڤه‌كرن ل ده مژمێر 10:00 تا 12:00 و دێ بۆ (5) رۆژان ڤه‌كێشیت و رۆژانه بو ماوێ (3) ده‌مژمێران دێ وانه ب ره‌نگه‌كێ تیوری و پراكتیكی هێته گوتن و دبه‌ر خولێ را دێ سمینارێن جوراوجور بو پشكداران هێنه گوتن و دێ روینشتنێن تایبه‌ت و بتنێ دگه‌ل كارمه‌ندا جڤاكی هێنه ئه‌نجام دان بۆ هندێ سه‌ر ئه‌نجام مفایه‌كێ مه‌زن بگه‌هیته هه‌ر پشكداره‌كێ و هه‌ژی گوتنێ یه ئه‌ف خوله ل سه‌ر ده‌ستێن راهێنه‌رێن شاره‌زا دهێنه گوتن و شروڤه‌كرن كو شاره‌زایه‌كا گه‌له‌ك باش د ئه‌ڤی واری دا هه‌یه و ئه‌وبابه‌تێن دهێنه گوتن رۆژانه ب ئه‌ڤی ره‌نگینه مینا (حه‌فاف ,مێش , صبغ , تسریح ,مكیاج هه‌روه‌سا قوساندنا پرچێ ) ل گور باوه‌ریا مه ئه‌م شیاین د ده‌مه‌كێ گه‌له‌ك كورت دا باشترین خزمه‌ت پێشكه‌شی وان بكه‌ین.
2-ئه ڤ خوله ل رۆژا (ئێك شه‌مبی تا كو پێنج شه‌مبی ) ل رێكه‌فتی (10/1/2016 تاكو (14/1/2016) ل هولا سه‌نته‌رێ شاناز ل كه‌به‌رتو 2 ڤه‌كرنا( خوله كا فێركرنا چاره‌سه‌ریێن ده‌سپێكی اسعافات الاولیه ) بۆ (25) كور و كچان هاتیه ڤه‌كرن ل ده‌مژمێر 1:00 تا 3:00و دێ بۆ (5) رۆژان ڤه‌كێشیت و رۆژانه بو ماوێ (3) ده‌مژمێران دێ وانه ب ره‌نگه‌كێ تیوری و پراكتیكی هێته گوتن و دبه‌ر خولێ را دێ سمینارێن جوراوجور بو پشكداران هێنه گوتن و دێ روینشتنێن تایبه‌ت و بتنێ دگه‌ل كارمه‌ندا جڤاكی هێنه ئه‌نجام دان بۆ هندێ سه‌ر ئه‌نجام مفایه‌كێ مه‌زن بگه‌هیته هه‌ر پشكداره‌كێ و هه‌ژی گوتنێ یه ئه‌ف خوله ل سه‌ر ده‌ستێن راهێنه‌رێن شاره‌زا دهێنه گوتن و شروڤه‌كرن كو شاره‌زایه‌كا گه‌له‌ك باش د ئه‌ڤی واری دا هه‌یه و ل گور باوه‌ریا مه ئه‌م شیاین د ده‌مه‌كێ گه‌له‌ك كورت دا باشترین خزمه‌ت پێشكه‌شی وان بكه‌ین.
*چالاكیا سیێ:
به‌ریكانه :
هه‌بونا چالاكێن جوراوجور دناڤ سه‌نته‌ری دا بوینه ئه‌گه‌رێ هندێ كو رۆژانه ئافره‌ت و كچا ب ره‌نگه‌كێ گه‌له ك به‌رفره‌ه قه‌ستا سه‌نته‌ری بكه‌ن نه‌مازه ئه‌نجام دانا (به‌ریكانان ) شێوازێ چالاكیه‌كا نوویه و دلخوشیه‌كا مه‌زن ل ده‌ف وان په‌یدا دكه‌ت و ژبلی مفا گه‌هاندنا وان له‌ورا ل رۆژا (پێنج شه‌مبی ) ل رێكه‌فتی (14/1/2016) ل ده‌مژمێر1:30 ل هولا سه‌نته‌رێ شاناز ل كه‌به‌رتو2 به‌ریكانه‌ك د ناڤبه‌را (30) كور و كچان دا هاته ئه‌نجام دان و تێدا بابه‌ت یێ گرێدایی بوو ب (به‌ریكانه‌كا ره‌وشه‌نبیری هزری ) پشتی گروپ هاتینه دروستكرن و لیژنا هه‌لسه‌نگاندنێ بۆ هاتیه دروستكرن و پسیار هاتنه ئاراسته‌كرن و نمره بۆ هه‌ر گروپه‌كی هاتنه دانان و ب دلخوشی و كه‌یفخوشی و گرنژین و ده‌ست قوتان گروپێ (شنگال ) تێدا سه‌ركه‌فتی بو هه‌ژی گوتنێ یه ئه‌ف به‌ریكانه بۆ ماوێ(1) ده‌مژمێران ڤه‌كێشا پشكداران داخوازكرن كو ئه‌ڤ جورێ چالاكیان به‌رده‌وامیێ بده‌نێ.
*چالاكیا چارێ:
– سه‌ره‌دانێن مه‌یدانی:
ئێك ژ به‌رنامێن مه ئه‌وه كو درێكا خۆبه‌خشاندا ئه‌م نامه و په‌یاما سه‌نته‌ری بگه‌هینه خه‌لكی داكو قه‌ستا سه‌نته‌ری بكه‌ن دا سه‌نته‌ر ب باشترین شێواز خزمه‌تا وانا بكه‌ت , ژبه‌ر هندێ رۆژانه تیمێن مه ئانكو (خوبه‌خشێن ) سه‌نته‌ری و دگه‌ل تیم لێده‌ران قه‌ستا ناڤ خیڤه‌تان دكه‌ن داكو ژ نێزیك هایداری ره‌وشا ئاواران ببین و ئه‌ڤ به‌رنامه ل رۆژ (ئیك شه‌مبی) تاكو روژا ( پێنچ شه‌مبی ) ئانكو ل رێكه‌فتی 10/1/2016تاكو 14/1/2016 سه‌ره‌دانا ( 72)مالان كرینه و ( 400) كه‌س دیتینه ژوانا ( 192) ره‌گه‌زێ نێر بوون و ( 208) ره‌گه‌زێ مێ بوون و په‌یام و ناما سه‌نته‌ری گه‌هاندینه وانا و داخواز ژ وانا كرینه كو قه‌ستا سه‌نته‌ری بكه‌ن داكو باشترین خزمه‌ت وه‌ربگرن و ل ده‌مێ قه‌ستا سه‌نته‌ری دكه‌ن ژلایێ تیم لێده‌ر و خوبه‌خشان ڤه دهێنه پێشوازیكرن و رێزه‌كا مه‌زن ل وان دهێته گرتن.
*چالاكیا پێنجێ :
سه‌ره‌دانێن سه‌نته‌ری :
ل سه‌نته‌رێ مه توماره‌ك هاتیه دروستكرن یا تایبه‌ته ب وان كه‌سێن سه‌ره‌دانا سه‌نته‌ری دكه‌ن ب هه‌ر مه‌ره‌مه كێ بیت و پێشوازی ل وان دهێته كرن و ناڤێن وان دهێنه توماركرن له‌وا ل روژا ( ئیك شه‌مبی ) تاكو روژا (پێنج شه‌مبی ) وئانكو ل رێكه‌فتی (10/1/2016) تاكو (14/1/2016) ( 41 )كه‌سان سه‌ره‌دانا سه‌نته‌ری كرینه ب مه‌ره‌مێن جودا جودا (توماركرنا ناڤێن خو بۆخولا ) و (پێزانین ل دوور سه‌نته‌ری ) هه‌روه‌سا ب مه‌ره‌ما (پشكداری كرنێ د سمینار و به‌ریكانان) دا.
*چالاكیا شه‌شێ:
-كومبوونێن ستافێ كاری.
ل دووڤ ئه‌جندایه‌كا پێش وه‌خته حه‌فتیانه كومبونا ئاسایا ستافی كاری دهێته ئه‌نجام دان ب مه‌ره‌ما ده‌ستنیشانكرنا (خالێن بهێز و خالێن لاواز و تێبینی و پێشینیار بۆ سه‌ركه‌فتنا كاری )له ورا ل روژا (پێنج شه‌مبی ) ل رێكه‌فتی(14/1/2016 ) كومبونا ئاسایا سه‌نته‌ری ب ئاماده‌بونا ستافێ كاری و ب سه‌رپه‌رشتیا (رڤین رشید ) وه‌كو رێڤه‌به‌را سه‌نته‌ری ل ده‌مژمێر (9:30 تا10:30 ) ل هولا سه‌نته‌ری هاتیه ئه‌نجام دان و تێدا گه‌له‌ك ب كورتی ناڤه‌روكا كومبونێ ئه‌ڤ خاله بون :
1_ چه‌وانیا باشتر كاركرنێ ژبۆ خزمه‌تكرنا ئاواران ل سنورێ كه‌مپا كه‌به‌رتو2.
2_ هه‌روه‌سا دڤێ كومبونێدا چه‌ندین بریار هاتنه‌دان كو گرێدای ب كارو چالاكی و خزمه تێن مه‌ڤه ,دیسان چه‌وانیا ئه‌نجامدانا خولان و پێشكیشكرنا سمینارێن جوراو جور ,هه‌روه‌سا پێگیری كرن ب رێنمایا و كاروبارێن كارگێری ین سه‌نته‌ری.
3_ هه‌روه‌سا هایداربوون ژ ره‌وشا ئاواران دناڤا كه‌مپا كه‌به‌رتو 2 دا چه‌وانیا سه‌ره‌ده‌ریێ و كارو خزمه‌تێ بو وان د رێكا تیم لێده‌ر و خوبه‌خشێن مه‌دا, هه‌روه‌سا توماركرنا ناڤ و داخازێن وان.
هه‌ژی گوتنی یه ئه م شیاین هه‌موو تێبینێن گه‌نگه‌شه بكه‌ین و پێگڤه بگه‌هینه هنده‌ك خال و بریاران دخزمه‌تا ئاواران دا ل سنورێ سه‌نته‌ری.
• پێشنیار بۆ پێشخستنا كاروبارێن سه‌نته‌ری :
– ئه م پێشینیار دكه‌ین كو (خولا فێركرنا زمانێ ئێنگلیزی )بهێنه ڤه كرن كا ر بهێته كرن دخزمه‌تا ئاواران دا چونكه ئه‌وان داخواز كرینه.
*دوماهیك :
ئه‌م پێگڤه هه‌ول بده‌ین باشترین كارو خزمه‌ت پێشكه‌شی ڤی خه‌لكی بكه‌ین چونكه خزمه‌تكرنا وان ئه‌ركه‌كێ مروڤی و ئه‌خلاقی یه‌و دڤێت ئه‌م هه‌موو ل سه‌ر به‌رده‌وام بین هه‌ژی گوتنێ یه كو ئه ڤ پروژه ب سپونسه‌ریا (UNFPA) سندوقا نه‌ته‌وێن ئیكگرتی بۆ دانیشتوان دهێته ئه‌نجامدان
دگه‌ل رێزگرتنێ
راگه‌هاندنا
ئینستتیوتا دهۆك بۆ ره‌وشه‌نبیریا گشتی
