هه‌رمان محه‌مه‌د:
سوزێ دده‌م كو ژ به‌رنامه‌یه‌ك بیت ژ (ART)گه‌له‌ك باشتر بیت
مروڤ هه‌ست ب برینه‌كا له‌شێ خو دكه‌ت كو هه‌رده‌م دئێشیت
داخوازا لێبورینێ ژ وی كه‌سه‌ی دكه‌م یێ مه سه‌رێ وی شكاندی
كوڤارا سنێله
هه‌رمان محه‌مه‌د تاهر ژ دایك بو یێ 13/1/1982 و ده‌رچوویێ په‌یمانگه‌ها ماموستایانه زمانێ كوردی و گه‌له‌ك حه‌ز ژ كارێ هونه‌ری كریه هه‌ر ژ قوتابخانێ به‌شداری د چه‌ند شانوگه‌ریاندا كریه لێ ب شێوه‌یه‌كی فه‌رمی ل سالا (1999-2000) چوویه پشكا دوبلاژی ل دهوك تی فی ده‌ست بكاربویه بو پتر پێزانین دگه‌ل ڤێ دیدارێ .
سنێله /بوچی هه‌رمانی كارێ هونه‌ری هه‌لبژاد نه‌ك ماموستا ؟
هه‌رمان :هه‌تا روژا ده‌رچوونێ ژی ل په‌یمانگه‌هێ ماموستا وه‌یسی گوته من ئه‌ڤه تو ده‌ر چووی وه‌ك ماموستا لێ ئه‌ز دبینم تو ده‌رچووی وه‌ك هونه‌رمه‌ند ,لێ چێدبیت ئه‌ز نه‌شیا بام بهایێ ماموستایێ بده‌مێ ژبه‌ر كو من حه‌ز ژ كارێ هونه‌ری كر و من خو پتر دناڤ كارێ هونه‌ری دا دیت كو ئه‌ز بهایێ وێ ب دروستی بده‌مێ له‌وما من ئه‌ڤ كاره هه‌لبژارد .
سنێله /د چه‌ند فلم و زنجیره‌یان دا به‌شداری كریه ؟
هه‌رمان : ئێك زنجیره بناڤێ دیلان و چوار كورته فلمان دا و دوو فلمێن درێژ دا ژی كریه .
سنێله /جهه‌كێ تایبه‌ت هه‌یه بو خو و كارێ هونه‌ری ؟
هه‌رمان :به‌لێ بو كاری ئوفیسا شه‌ڤین یا كارێن هونه‌ری یه وجهه‌كێ تایبه‌ت ژی لێ هه‌یه بو بهێنڤه‌دانێ ئه‌و ژی شقا منه .
سنێله / ئاریشه یه‌كا خو بو مه بێژه كو دناڤ زنجیره و فلماندا په‌یدا بوی ؟
هه‌رمان : ب لێ بورین ڤه دبێژم ئه‌م ل جاده‌یه‌كا دهوكێ مژوولی كارێ وێنه‌گرتنێ بووین براده‌ره‌ك كو خه‌لكێ دهوكێ یه تشته‌ك گوته كچه‌كا دگه‌ل مه و مه‌ژی گه‌له‌ك هیڤی ژێكرن و مه گوتێ ئه‌ڤه ره‌فتاره‌كا خه‌له‌ته تو دكه‌ی لێ ئه‌و هه‌ر ما ل سه‌ر گوتنا خو و ئه‌م ب شه‌ر چووین و مه سه‌رێ وی شكاند و پاشی چووینه ناڤ مالا وی و نوكه‌ژی داخوازا لێبورینێ ژێ دكه‌م.
سنێله / ب چ رێك كچان ب ده‌ست خو ڤه دئینن؟
هه‌رمان: ئینانا كچا د زڤریته به‌رهه‌م هێنه‌رێ درامایێ و ده‌رهێنه‌ری و نه‌بونا كچان ل ده‌ور و به‌رێن خو مروڤ هه‌ست ب برینه‌كا له‌شێ خو دكه‌ت كو هه‌رده‌م دئێشیت .
سنێله /هه‌تا نه كه ته چ پێنگاڤ بو پێك ئینانا خێزانێ هاڤێتینه ؟
هه‌رمان : تا نوكه من چ پێنگاڤ نه‌هاڤێتی نه لێ وه‌كو هه‌ر گه‌نجه‌كی هزر د پاشه‌روژێ دا دكه‌م و ئه‌گه‌ر ئه‌وا من دڤیا هاته پێش سه‌دا سه‌د دێ هه‌موو زانن.
سنێله /حه‌ز ژ چ كه‌سایه‌تی دكه‌ی ؟
هه‌رمان :ئه‌ز بخو پیچه‌ك یێ ئه‌زووكی مه (ئه‌نانی)و پیچه‌ك حه‌ز ژ تشتێ خو دكه‌م ئه‌گه‌ر بێژی تو حه‌ز ژ كێ دكه‌ی دبێژم حه‌ز ژ كه‌سه‌كێ دكه‌م پتری ژ خو بتنێ ژبه‌ركو گه‌له‌ك حه‌ز ژ خو دكه‌م .
سنێله/چه‌ند سیم كارت هه‌نه ؟
هه‌رمان :پێنچ سیم كارت هه‌نه و ئێك یێ سه‌ره‌كی یه و یێ دوویێ بو كه‌سه‌ك گه‌له‌ك بها بكاردئینم .
سنێله /ل سالا 2012 چ ل به‌ر ده‌ستێ ته هه‌یه ؟
هه‌رمان :ب رێكا كوڤارا سنێله سالا نوو ل هه‌موو كوردان پیروزدكه‌م و نه وه‌كو سووز لێ ئه‌ز نوكو مژوولی نڤێسینا به‌رنامه‌یه‌كی مه كو دكاری دوماهیكێ دایه وسوزێ دده‌م كو ژ به‌رنامێ (ART)گه‌له‌ك باشتر بیت كو ژ دوو جینا پێك دهێت كو مێهڤان دوو جاران دبیته مێهڤان و د پێنج قوناغان دا ده‌ر باز بیت كو شه‌ڤ و روژه‌ك ژ ده‌رڤه‌نه و شه‌ڤه‌ك ل (TV)یێ نه .
بزاڤێ بكه ئه‌ركێ خو ب باشی بزانی
