سەنتەرێ شاناز ل خانکی یی جڤاکی بو ئافرەتان بەرەڤ کەسایەتیەکا بھیٌزتر.

سەنتەرێ شاناز یێ جڤاکی بو ئافرەتان ل خانکی کو سە ر ب ئنستتیوتا دھۆک بو رەوشەنبیریا گشتی( DIGC) یە بە ردەوامەل سە ر کاروچالاکیێن خو ب پشتەڤانیا سندوقا نەتەوێن ئێکگرتی بۆ دانیشتوان ( UNFPA).د ڤئ حەفتیێ دا سەنتەر شیایە چەندین چالاکیێن جودا جودا د خزمەتا ئافرەت و کچێن ئاوارە ئەنجام بدە ت مینا .

*چالاکیا ئێکێ :
-سمینار :
ڕ- ئەڤ سمینارە ل روژا( دوو شەمبی ) ل رێکەفتی(١٢/١٠/٢٠١٥ )ل دەمژمێر١٠:٣٠ ی سپیدێ ل ھولا سەنتەرێ شاناز ل خانکی ھاتە ئەنجامدان و سمینارەک ل دوور (گرنگیا ساخلەمیا دەرونی بو کچ و ژنان)ژلایێ (نارین نادر)ڤەکولەرا دەرونی ڤە پشتی ناڤھاتی بابەتێ خو پێشکەش کری تێدا ب رون و ئاشکەرا بەحسێ :
١-ئەم دیٌ چاوا گرنگییٌ دەینە ساخلەمیا خو یا دەرونی.
٢-ئەم دیٌ چاوا ساخلەمیا خو یا دەرونی پاریزین.
٣-چ یا پێدڤی یە ئەم بکەین ژبو ساخلەمیا یا خویا دەرونی.

ب- ئەڤ سمینارە ل روژا(سیٌ شەمبی ) ل رێکەفتی(١٣/١٠/٢٠١٥ )ل دەمژمێر١١:٠٠ ی سپێدێ ل ھولا سەنتەرێ شاناز ل خانکی ھاتە ئەنجامدان و سمینارەک ل دوور (گرنگی دان ب دەمی و چاوانیا ریٌکخستنا دەمی بو ھەر کارەکی)ژلایێ (نارین نادر) ڤەکولەرا دەرونی ڤە پشتی ناڤھاتی بابەتێ خو پێشکەش کری تێدا ب رون و ئاشکەرا بەحسێ :
١-ئەم دیٌ چاوا دەمی دەست نیشان کەین بو ھەر کارەکیٌ د ژیانیٌ دا.
٢-دیارکرنا گرنگی دانیٌ ب دەمی د روژانێن ژیانیٌ دا.
٣-ھەرەوسا شروڤەکر نابیت مروڤ دەمیٌ خو ھەمیی تنیٌ بو ئیٌک کار تەرخان بکەن.

ج- ئەڤ سمینارە ل روژا(پیٌنج شەمبی ) ل رێکەفتی(١٥/١٠/٢٠١٥ )ل دەمژمێر١١:٠٠ ی سپیدێ ل ھولا سەنتەرێ شاناز ل خانکی ھاتە ئەنجامدان و سمینارەک ل دوور (ترسیان ژ جڤاکی)ژلایێ (دلال شەمو قاسم)تیم لیٌدەراسەنتەری ڤە پشتی ناڤھاتی بابەتێ خو پێشکەش کری تێدا ب رون و ئاشکەرا بەحسێ :

١-ھاتە دیار کو دوو جورێن ترسیٌ یێن ھەین ترسا تاکەسەکی و ترسا گشتی ئانکو ترسا جڤاکی.
٢-بەحسکرنا ئەگەرێن ترسیٌ ژوانا ترسا دەرونی ,ترس ژ ئاخفتنێن کەسێن بەرامبەری خو,کو ھندەک کەسا شیان یێن ھەین بەلیٌ ژ شەرما ئاخفتنا نەشیٌت وان کاران ئەنجام دەت.
٣-ھەردیسا شروڤەکرنا خالیٌن گرنگ دڤی بابەتی دا و چاوانیا بەرگریکرنا ترسا و نەھیٌلانا ترسیٌ ل دەڤ خو.

گرو ب تیٌروتەسەل شروڤەکر و پاشان بابەت ئیٌخستە بەر دان و ستاندنیٌ دگەل پشکداران داکو ھەموو پیٌکڤە تیٌدا مفاداربن ھەژی گوتنیٌ یە ئەڤ بابەتە نیٌزیکیٌ(١)دەمژمیٌر ڤەکیٌشا و(٢٥) ئافرەت وکچ تیٌدا بەژداربون و پشکداریٌن چالاکییٌ گەلەک دلخوش بون داخواز کرن ئەڤ جوریٌ چالاکیان دبەردەوام بن.

*چالاکیا دووێ :

-خول :
ئە ڤ خولە ل رۆژا (ئێک شەمبی ) ل رێکەفتی (١١/١٠/٢٠١٥) ل ھولا سەنتەرێ شاناز خانکی بۆ (٢٥) ئافرەت و کچان ھاتیە ڤەکرن و دێ بۆ (٥) رۆژان ڤەکێشیت و رۆژانە بو ماوێ (٣) دەمژمێران دێ وانە ب رەنگەکێ تیوری و پراکتیکی ھێنە گوتن و دبەر خولێ را دێ سمینارێن جوراوجور بو پشکداران ھێنە گوتن و دێ روینشتنێن تایبەت و بتنێ دگەل کارمەندا جڤاکی ھێنە ئەنجام دان بۆ ھندێ سەر ئەنجام مفایەکێ مەزن بگەھیتە ھەر پشکدارەکی و ھەژی گوتنێ یە ئەڤ خولە ل سەر دەستێن راھێنەرێن شارەزا دھێنە گوتن و شروڤەکرن کو شارەزایەکا گەلەک باش د ئەڤی واری دا ھەیە و ئەو بابەتێن دھێنە گوتن رۆژانە ب ئەڤی رەنگینە مینا (چەند روژ بۆ دیزاین کرنێ و روژێن دی بۆ دروونا جل و بە رگان ) ل گور باوەریا مە ئەم شیاین د دەمەکێ گەلەک کورت دا باشترین خزمەت پێشکەشی وان بکەین .

*چالاکیا سیێ:

-بەریکانە :

ھەبونا چالاکێن جوراوجور دناڤ سەنتەری دا بوینە ئەگەرێ ھندێ کو رۆژانە ئافرەت و کچا ب رەنگەکێ گەلەک بەرفرەە قەستا سەنتەری بکەن نەمازە ئەنجام دانا (بەریکانان ) شێوازێ چالاکیەکا نوویە و دلخوشیەکا مەزن ل دەڤ وان پەیدا دکەت و ژبلی مفا گەھاندنا وان لەورا ل رۆژا (سیٌ شەمبی ) ل رێکەفتی (١٣/١٠/٢٠١٥) ل دەمژمێر١١:٣٠ ل ھولا سەنتەرێ شاناز ل خانکیٌ بەریکانەک د ناڤبەرا (٣٠) ئافرەت و کچان دا ھاتە ئەنجام دان و تێدا بابەت یێ گرێدایی بوو ب (بەریکانەکا رەوشەنبیری ھزری پرسیار و بەرسڤ ) پشتی گروپ ھاتینە دروستکرن و لیژنا ھەلسەنگاندنێ بۆ ھاتیە دروستکرن و پرسیار ھاتنە ئاراستەکرن و نمرە بۆ ھەر گروپەکی ھاتنە دانان و ب دلخوشی و کەیفخوشی و گرنژین و دەست قوتان گروپ وەکھەڤ بون تێدا ,ھەژی گوتنێ یە ئەڤ بەریکانە بۆ ماوێ (٢) دەمژمێران ڤەکێشا پشکداران داخوازکرن کو ئەڤ جورێ چالاکیان بەردەوامیێ بدەنێ.

*چالاکیاچاریٌ:
– سەرەدانێن مەیدانی:
ئێک ژ بەرنامێن مە ئەوە کو درێکا خۆبەخشاندا ئەم نامە و پەیاما سەنتەری بگەھینە زێدەترین ئافرەت و کچان داکو قەستا سەنتەری بکەن دا سەنتەر ب باشترین شێواز خزمەتا وانا بکەت , ژبەر ھندێ رۆژانە تیمێن مە ئانکو (خوبەخشێن ) سەنتەری و دگەل تیم لێدەران قەستا ناڤ خیڤەت و ھەیکەلان دکەن داکو ژ نێزیک ھایداری رەوشا ئافرەت و کچان ببن و ئەڤ بەرنامە ل رۆژا (ئیک شەمبی) تاکو روژا ( پێنج شەمبی ) ئانکو ل رێکەفتی١١ /١٠/٢٠١٥ تاکو١٥/١٠/٢٠١٥ سەرەدانا (٧٧) مالان کرینە و (٨٠٩) کەس دیتینە ژ وانا (٣٩١) ئافرەت و کچ بوینە و پەیام و ناما سەنتەری گەھاندینە وانا و داخواز ژ وانا کرینە کو قەستا سەنتەری بکەن داکو باشترین خزمەت وەربگرن و ل دەمێ قەستا سەنتەری دکەن ژلایێ تیم لێدەر و خوبەخشان ڤە دھێنە پێشوازیکرن و رێزەکا مەزن ل وان دھێتە گرتن.

*چالاکیا پێنجێ:
سەرەدانێن سەنتەری :
ل سەنتەرێ مە تومارەک ھاتیە دروستکرن یا تایبەتە ب وان ئافرەت و کچێن سەرەدانا سەنتەری دکەن ب ھەر مەرەمەکێ بیت و پێشوازی ل وان دھێتەکرن و ناڤێن وان دھێنە تومارکرن لەورا ل روژا( ئێک شەمبی ) تاکو روژا (پێنج شەمبی ) وئانکو ل رێکەفتی (١١/١٠/٢٠١٥) تاکو (١٥/١٠/٢٠١٥) (٢٢) ئافرەت و کچان سەرەدانا سەنتەری کرینە ب مەرەمێن جودا جودا (تومارکرنا ناڤێن خو بۆخولا ) و (پێزانین ل دوور سەنتەری ) ھەروەسا ب مەرەما (پشکداری کرنێ د سمینار و بەریکانان دا ) .

*چالاکیا شەشێ:
سەرەدانێن شاندان بۆ سەنتەری :

ل روژا(چار شەمبی ) رێکەفتی (١٤/١٠/٢٠١٥) ل دەمژمێر ١١:٠٠)) (سەنتەریٌ ژین) سەر ب رێکخراوا (IRC)بەشی WPE) ) ب مەرەما (زانینا کارو چالاکی و خزمەتێن دھێنە پێشکێشکرن ل سەنتەرێ مە و ھاریکاری کرنا مە دگەل وان دا بو ئەنجامدانا چالاکیەکیٌ) سەرەدانا سەنتەرێ مەکر پشتی بخێرھاتنێ و پێشوازیکرنا وان مە بەحسێ (کارو چالاکی و خزمەتێن سەنتەرێ خو کرن و ھەروەسا وان ژی بەحسێ کارێ خو کر ) کرو پشتی گەنگەشەکا دوور و درێژ مە بریاردا کو ( ھاریکاربین دگەل ئێک داکو بشێن پێکڤە باشتر خزمەتا باشتر بکەین ) ئەنجام دەین , ھەژی گوتنێ یە د ئەڤێ سەرەدانێ دا ئە م ھەردولا مفاداربووین .

*چالاکیا حەفتیٌَ:
-کومبوونێن ستافێ کاری .
ل دووڤ ئەجندایەکا پێش وەختە حەفتیانە کومبونا ئاسایا ستافێ کاری دھێتە ئەنجام دان ب مەرەما دەستنیشانکرنا (خالێن بھێز و خالێن لاواز و تێبینی و پێشینیار بۆ سەرکەفتنا کاری )لەورا ل روژا (چار شەمبی ) ل رێکەفتی (١٤/١٠/٢٠١٥ ) کومبونا ئاسایی یا سەنتەری ب ئامادەبونا ستافێ کاری و ب سەرپەرشتیا (ژیمان دھام ) وەکو رێڤەبەرا سەنتەری ل دەمژمێر (٩:٣٠تا١٠:٣٠) ل ھولا سەنتەری ھاتیە ئەنجام دان و تێدا گەلەک ب کورتی ناڤەروکا کومبونێ ئەڤ خالە بون :
١_ ھەولدان بو باشتر کارکرنێ ژبۆ خزمەتکرنا ئافرەت و کچان ل دەڤەرا خانکیٌ.
٢_ ھەروەسا دڤێ کومبونێدا گەلەک بریار ھاتنەدان گرێدای ب کارو چالاکی و خزمەتێن مەڤە بو ئافرەت و کچان , چەوانیا ئەنجامدانا خولان و پێشکیشکرنا سمیناران و بابەتن ھەمە جور ,ھەروەسا پێگیری کرن ب رێنمایا و کاروبارێن کارگێری یێن سەنتەری.
٣_دیسان ھایداربوون ژ رەوشا ئاواران دناڤا دەڤەرا خانکیٌ دا چەوانیا سەرەدەریێ و کارو خزمەتێ بو وان د رێکا تیم لێدەر و خوبەخشێن مەدا, ھەروەسا تومارکرنا ناڤ و داخازێن وان .

ھەژی گوتنی یە ئە م شیاین ھەموو تێبینیان گەنگەشە بکەین و پێگڤە بگەھینە ھندەک خال و بریاران دخزمەتا ئافرەت و کچێن ئاوارە ل سنورێ سەنتەری دا :

*چالاکیا ھەشتێ:
روونشتن دگەل حالە تێن دەروونی :
د ئەڤێ حەفتیێ دا ئەم شیاینە (١٠) حالەتێن دەروونی ببینین وکارمەندا جڤاکی روونشتنێن بتنێ و تایبەت دگەل دا ئەنجام بدەت و ھندەک ژوانا خشتەیەکێ چەند رۆژی بۆ دابنێت داکو ب بەردەوامی چاڤدێریا وانا بھێتەکرن و خزمەتا وانا بھێتەکرن و بزڤرنەڤە ژیانا سروشتیا بەری نوکە و ئەم تێدا د سەرکەفتی بوینە.

•پێشنیار بۆ پێشخستنا کاروبارێن سەنتەری :
-ئە م پێشینیار دکەین کو (خولا فێرکرنا ھەوارھاتنا دەستپیٌکی)( اسعافات الاولیە)بھێنە ڤەکرن کا ر بھێتە کرن دخزمەتا ئاواران دا چونکە ئەوان داخواز کرینە .

*دوماھیک :
ئەم پێگڤە ھەول بدەین باشترین کارو خزمەت پێشکەشی ڤی خەلکی بکەین چونکە خزمەتکرنا وان ئەرکەکێ مروڤی و ئەخلاقی یەو دڤێت ئەم ھەموو ل سەر بەردەوام بین

ھەژی گوتنێ یە کو ئە ڤ پروژە ب سپونسەریا (UNFPA) سندوقا نەتەوێن ئێکگرتی بۆ دانیشتوان دھێتە ئەنجامدان

دگەل رێزگرتنێ
راگەھاندنا
ئینستتیوتا دھۆک بۆ رەوشەنبیریا گشتی