وارێ رزگار رەشید:
بەرهەڤكرن:جنان لوقمان
* شانویێ خوشی و راستی تێدایە و هەرگاڤ كەسایەتیەكی تێدا دبینم
*هەر حەفتیێ جارەكێ ئەز دگەل هەڤالێن خۆ كورتە شانویەكێ پێشكێش دكەم
* هیڤیدكەم هەر كەسێ بەهرەیەك هەبیت بلا بێ ترس بێ شەرم دیار بكەتن
سنێلا بەهرەمەند (وارێ رزگار رەشید) شانو ڤانەكا چەلەنگە قوتابیا پولا (حەفتێ) بنەرەتی یە كوڤارا سنێلە ب فەر دیت فێ دیدارێ دگەل دا ساز بكەت و كەسایەتیا و هزر و بیر و بوچونێن 
(وارێ) تێدا دیار بكەین.
سنێلە/ كەنگی حەزا شانویێ ل دەڤ تە پەیدا بوویە؟
وارێ: هەر ژ زاروكینیێ حەزا شانویێ ل دەڤ من پەیدا بوویە ئەو ژی كاریگەریا وان كاران ئەوێن بابێ من ل شانویێ ئەنجام د داین.
سنێلە/ كێ دەستپێكی هاریكاریا تە كر؟
وارێ : بابێ من و ماموستایێن من و گروپێ زاروكان ل ناوەندا وەرزشی و لاوان.
سنێلە/ هەستێ تە چی یە بەرامبەری وان كەسێن نوكە هاریكاریا تە دكەن؟
وارێ : هەستەكێ گەلەكێ خوشە.
سنێلە/ تە پشكداری د چەند ڤیستەڤالان دا كریە و دێ كەی؟
وارێ: من ل هەموو ئاهەنگێن زاروكان ل ئاكرێ پشكداری كریە لێ تا نوكە چ ڤیستەڤالێن زاروكان نەهاتینە كرن .
سنێلە/ تو ب كیش ڤیستەڤالێ هاتیە نیاسین؟
وارێ : ل ڤیستەڤالێن قوتابخانێ و رۆژا جیهانی یا زاروكان.
سنێلە/ تو حەز ژ كیش هونەرمەندا سنێلە یا كورد دكەی؟
وارێ:ئەز حەز ژ هەموو هونەرمەندێن پێلستانك و هەروەسا گروپێ شانویا زاروكان یا ناوەندا وەرزشی و لاوان.
سنێلە/ تە ل بەرە ل پاشە رۆژێ چ بكەی؟
وارێ: نوكە هندەك نڤێسین یێن بەر دەستێ من و دێ كەمە شانو ب هاریكاریا بابێ خو دێ شێم تەمام كەم
سنێلە/ ئەرێ تو حەز ژ وەرزشێ دكەی و كیش یاریێ ؟
وارێ : بەلێ ئەز گەلەك حەز ژ وەرزشێ دكەم ب تایبەت یاریا تەپاپێ .
سنێلە/ تو بو وان سنێلان چ دبێژی یێن بەهرە هەین و دیار نەكەن؟
وارێ: هیڤیدكەم هەر كەسێ بەهرەیەك هەبیت بلا بێ ترس بێ شەرم دیار بكەن.
سنێلە/ تو چەند هاریكاریا هەڤالێن خو دكەی ئەوێن حەزا شانویێ هەی؟
وارێ: ئەم گروپەكێن ل بهێن ڤەدانا هاڤینێ ئەم كار دكەین هەروەسا ل وانا سرودێ ل قوتابخانێ هەر حەفتیێ جارەكێ ئەز دگەل هەڤالێن خو كورتە شانویەكێ پێشكێش دكەم.
سنێلە/ تە بو چ كارێ شانویێ هەلبژارد؟
وارێ: چونكو خوشی و راستی تێدایە و هەرگاڤ كەسایەتیەكی تێدا دبینم.
سنێلە/ تو خەلكێ كوردستانێ چاوا دبینی ب گشتی و یێ ئاكرێ ب تایبەت؟
وارێ: ئەز حەز ژ هەموویان دكەم و كوردستان بەهەشتە.
سنێلە/ دوماهیك پەیڤاتە؟
وارێ: گەلەك سوپاس بو كوڤارا سنێلە و هیڤی دكەم چەند دانەیەكا ل كوڤارا سنێلە هەر هەیڤ ب دەنە قوتابیان بو هندێ دا كو پتر شارەزای بەهرە و توا نایێن هەڤالێن خو بن.
بێدەنگی بو مروڤی جوانترە ژ گوتنەكێ كو نەیا دجهێ خودابیت
