هێرش ئاكره‌یی:
هونه‌رمه‌ندێن سه‌رده‌م هونه‌رێ كوردی یێ زه‌نگین كری
* ب دیتنا من كچ دكلیپێ دا نه‌بیت یا جوان نابیت
* گومان تێدا نینه چ كارێ مرۆڤ دكه‌ت دێ گازنده ژی هه‌بن
* گه‌لیێ دهوكێ گه‌له‌ك جهه‌كێ خۆشه
دیدار/محه‌مه‌د كه‌ریم خان
خزمه‌تكرن ب هه‌ر كاره‌كی تشته‌كێ پیرۆزه نه‌خا سمه هونه‌ر كو ئێك ژ باشترین رێكایه مرۆڤ خزمه‌تا وه‌لاتێ خۆ بكه‌ت و بده‌ته نیاسین بۆ هه‌موو جیهانێ (هێرش ئاكره‌یی) ئێك ژ وان هونه‌رمه‌ندێن گه‌نجێن باژێرێ ئاكرێ یه كو ب هونه‌رێ خۆ خزمه‌تا وه‌لاتێ خۆ دكه‌ت بو پتر نیاسینا ئه‌ڤی هونه‌رمه‌ندی دگه‌ل ڤێ دیدارێ
.
سنێله/ بۆچی هێرش ئاكره‌یی ؟
هێرش: چونكه ئه‌ز بخۆ ئاكره‌یی مه و حه‌ز دكه‌م ناڤێ ئاكرێ بلند كه‌م .
سنێله/ هاتنا ته بۆ ناڤ جیهانا هونه‌ری چه‌وا بۆ ؟
هێرش: هه‌ر ژ زارۆكینیا خۆ من حه‌ز ژ هونه‌ری كریه، و من گوهداریا هونه‌رمه‌ندان دكر و به‌رده‌وام من ستران دگه‌ل دگوتن تا نوكه یێ به‌رده‌وامم .
سنێله/ تو هونه‌رمه‌ندێن سه‌رده‌م چه‌وا دبینی ؟
هێرش: گه‌له‌ك باش دبینم و ڤان هونه‌رمه‌ندێن سه‌رده‌م هونه‌رێ كوردی یێ زه‌نگین كری.
سنێله/ ته چه‌ند به‌رهه‌م و كلیپ هه‌نه ؟
هێرش: وه‌ك به‌رهه‌م من نوكه نینن، چونكه ئه‌ز تازه هاتیمه دناڤ جیهانا هونه‌ری دا، به‌لێ خۆدانێ دووكلیپانم و به‌رهه‌ڤكه‌رێ سیێه‌م كلیپم.
سنێله/ تو چه‌ند دگه‌ل ستایلێ نوكه دچی ؟ و بوچی؟
هێرش: ب راستی شێم بێژم (80%) دگه‌ل ستایلێ نوكه دچم چونكه حه‌زا منه و ئه‌ز وه‌ك گه‌نجه‌ك ئه‌ز ژی وه‌كی هه‌موو گه‌نجان دبه‌ر كه‌شخا خورا دچم و من ژی ستایلێ خۆ یێ تایبه‌ت هه‌یه.
سنێله/ تۆ وه‌ك گه‌نجه‌ك و هونه‌رمه‌ند ه‌ك تۆ چه‌ند دگه‌ل هندێ كو مرۆڤ دژیێ سنێله‌ی دا سترانا بێژیت ؟
هێرش: به‌لێ ئه‌ز دگه‌ل هندێ مه و داخوازا سه‌ركه‌فتنێ بۆ هه‌رسنێله‌كێ به‌هره‌مه‌ند دكه‌م تایبه‌ت سنێلێن هونه‌رمه‌ند ژبه‌ركو پاشه‌روژا هونه‌رێ كوردینه .
سنێله/ تو كارێ هونه‌ری ل كوردستانێ و تایبه‌ت ل دهوكێ چه‌وا دبینی ؟
هێرش: گه‌له‌ك ب باش دبینم و جهێن به‌رپرسیار ژی د هاریكارن دگه‌ل هه‌موو هونه‌رمه‌ندان.
سنێله/ ب دیتنا ته كچا رووت ره‌وشه‌كێ دده‌ته شاشا كوردی ؟
هێرش: ب دیتنا من كچ دكلیپێ دا نه‌بیت یا جوان نابیت و روتیا كچێ هه‌تا راده‌یه‌كێ نه ب شێوه‌یه‌كێ گه‌له‌ك رووت .
سنێله/ پشتی تو هاتیه دناڤ جیهانا هونه‌ری دا بوته گازنده هاتینه؟
هێرش: گومان تێدا نینه چ كارێ مرۆڤ دكه‌ت دێ گازنده ژی هه‌بن و ده‌ست خوشی ژی بۆ من هاتینه به‌لێ ده‌ست خوشی پتر هاتینه و پشته‌ڤان پتر هه‌بون .
سنێله/ كرێت ترین تشت ل ده‌ڤ ته ؟
هێرش/كرێترین تشت ل ده‌ڤ من ئه‌وه كه‌سه‌ك مایێ خو دكارێ كه‌سه‌كێ دی بكه‌ت.
سنێله / تۆ ئه‌ڤینداری ؟
هێرش: به‌لێ ئه‌ڤیندارێ هونه‌رێ كوردی مه .
سنێله / تۆ چه‌وا دبینی ده‌مێ مرۆڤ دژیێ سنێله‌یدا ئه‌ڤیندار دبیت؟
هێرش: براستی ژیێ سنێله‌ی ژیه‌كێ هه‌ستیاره و دڤێت مرۆڤ به‌س ل به‌رخو راوه‌ستێت و خۆ توشی چ ئاریشان نه‌كه‌ت چونكه ئه‌ڤینی گه‌له‌ك زیانێن هه‌ین و بۆ سنێله‌ی خرابه.
سنێله/ خۆشترین ده‌م ل ده‌ڤ ته ؟
هێرش: خۆشترین ده‌م ل ده‌ڤ من سپێدێ یه چونكه ده‌مێ مرۆڤ ژ خه‌و هشیار دبیت مێشكێ مروڤی یێ ڤالایه (سافیه).
سنێله/ جوانترین ره‌نگ ل ده‌ڤ ته ؟
هێرش: جونترین ره‌نگ ل ده‌ڤ من ره‌شه و ره‌نگێ من یێ سه‌ره‌كی یه.
سنێله/ جوانترین جه ل دهوكێ ل ده‌ڤ ته ؟
هێرش:ئه‌ز ل دهوكێ هه‌میێ گه‌ریام به‌لێ جوانترین جه و خوشترین جه من دیتی وحه‌ز ژێ كری گه‌لیێ دهوكێ بوو
سنێله/ په‌یڤا ته بو سنێلێن به‌هره‌مه‌ند؟
هێرش: ئه‌ز داخوازا سه‌ركه‌فتنێ بو هه‌ر سنێله‌كێ دكه‌م و هه‌ر به‌هره‌یه‌كا ل ده‌ڤ هه‌بیت
سنێله/ په‌یڤاته بۆ كوڤارا سنێله؟
هێرش: ئێكه‌م جاره كوڤارا سنێله دخوینم به‌لێ سه‌رنجا من راكێشا و بابه‌تێن ب مفا تێدا نه و به‌ره‌ڤ پێشڤه‌جونێ یه سه‌ركه‌فتنێ بۆ دخوازم.
دژوارترین پێنگاڤ، پێنگاڤا ئێكێ یه (و.به‌لجیكی)
