*پێدڤی یە چ دایك و باب رێگریێ ل بەهرەیێن سنێلێن خۆ نەگرن
*دەما من دڤێت كارەكی بكەم و نەشێم تورەدبم
بەرهەڤكرن/ ژێگر عەبدولستار
هەر كەسەك ژمە كومەكا هەستان ل دەڤ پەیدا دبیت بەلێ هەرئێك ژ مە ب رەنگەكێ دەربرینێ ژ وان هەستان دكەتن چ ب دروست كرنا وێنەكێ یان ب ژەنینا ئامیرەكێ موزیكێ یان ب ئاخفتنێ یان ژیك ب نڤێسینا هەلبەستان و چیروك و رومان و بەخشانان بیت كوڤارا سنێلە هەر جار دیدارەكێ ل بەر پەرێ ئەدەبی دا دگەل كەسەكێ بەهرەمەند ب نڤێسینا تێكستێن ئەدەبی 
ساز دكەتن ئەڤ جارە ژیك مە دیدارەك دگەل ئایات عەبدولحەمید كریە ل پولا نەهێ یە ل قوتابخانا گومەل دخوینیت.
سنێلە/ ئەڤە ژ گەنكی وەرە تو هەلبەستان دنڤێسی؟
ئایات: ئەڤە ژ زاروكینی وەرە ئەز هوزانانن دنڤێسم هەر ژ پولائێكێ سەرەتایی هەتا نوكە یا بەردەوامم.
سنێلە/ تە كوڤارێن خو بەلاڤ كری نە؟
ئایات: بەلێ تا نوكە من كومەكا هەلبەستێن خو ل كوڤارا سڤورە و زێوە ژیك بەلاڤ كرینە.
سنێلە/ پرانیا بابەتێن هەلبەستێن تە ل سەر چنە؟
ئایات: هەموو هەلبەستێن من سەركەفتن تێدا یا دیارە و كامن چ ئارمانج هەیە ئەز ل سەر وی بابەتی هەلبەستا دنڤێسم.
سنێلە/ تو هەلبەستان دخوینی؟
ئایات: ئەز گەلەك حەز ژ هەلبەستێن هەلبەستڤانان شعبان سلێمان دكەم و ئەز بەردەوام هەلبەستێن وی دخینم و گوهداریێ دكەم.
سنێلە/ تو چ بو وان دایك و بابان دبێژی ئەوێن سنێلێن بەهرەمەند هەین؟
ئایات: ئەز داخوازێ ژ وان دكەم كورێكێ ب دەنە سنێلێن خو كو بەرەڤ ئارمانجا خو بچن و پال پشتیا وان بكەن.
سنێلە/تو ب چ تورە دبی؟
ئایات: ئەز تورە دبم دەما من دڤێت كارەكی بكەم و ئەز نەشێم بكەم .
سنێلە/ دەما تورەدبی تو چ دكەی و دەما تو بكەیف دكەڤی تو چ دكەی؟
ئایات: ئەز هەردووك هەلویستان دا هەلبەستان دنڤێسم.
سنێلە/ تو خواندنا خو یا قوتابخانێ دا یا سەركەفتی؟
ئایات: بەلێ ئەز گەلەكا سەركەفتی مە و ئەز دەمێ خو رێك دئێخم بو خواندنا وانێن خوو بوو نڤێسینا هەلبەستان.
سنێلە/ پەیڤاتە یا دوماهیێ ؟
ئایات: بلا هەر كەسەكێ بەهرەك هەبیتن خوماندی بكەتن.
كو بەهرەیا خو پێشڤە ببەتن و بلا كەس رێگریێ لێ نەگریت دا كو بشێت بگەهیتە ئارمانجا خو.
سەركەفتن
سەركەفتن ئارمانجا من نە
خەونا ل بەر چاڤێ منە
هیڤیا وارێ منە
خوزییا گەلێ منە
سەركەفتن من پێشڤە دبەت
ئایندەی نیشان د دەت
پاشە رۆژی گەش دكەت
ژیانێ ل من خوش دكەت
رێكا بو من روون دكەت
هەموو دەرگەهان ڤە دكەت
دێ سەركەڤم دێ سەركەڤم
دێ سەر ئێخم وارێ خۆ
سەر فەراز كەم مالاخۆ
ب هیڤی ئێخم ژیانا خۆ
دێ بم ستێرەكا گەش ل ئەسمانی
روناهی بو هەموو وار
دێ خەونا خو ب جهـ ئینم
سەركەفتنێ ب دەست ڤە ئینم
باشترین رێك بو دل خوشكرنا تە ، دل خوشكرنا كەسێن دییە
