* هەمی دەمان دەرگەهێ مە بو خەلكی یێ ڤەكری یە وب هەمی شیانێن خوهەولددەین خزمەتا خەلكی بكەین.
* جڤات برێكا دەنگێ دانێ دهێتە دانان و خەلك ئەندامین ڤێ جڤاكێ هەلدبژێریت.
* خەلكێ دهوكێ بشێوەكێ گشتی گەلەكێ باشەو پاقژیا و جوانیا باژێری دپارێزن.
* نەشیاینە هەمی داخازێن خەلكی بجه بینن بەلێ دشانێن مەدا بیت مەیێ ئەنجامدای.
* هەبونا مێشكەكێ پاقژ دبیتە ئەگەرێ پەیدابونا ژینگەهەكا پاقژ.
دیدار/ژێگر عبدلستار
هەرجار د گوڤارا سنێلەدا ئەم دیدارەكی ب سەروكاتیا باژێرڤانیێ دا دكەین و بەشەكێ ژ باژێرڤانێ بو سنێلان دیار دكەین كا چ كارئەنجام ددەن ئەڤ جارە مە دیدار دگەل سەروكێ جڤاكا باژێرڤانیا دهوكێ كری یە و دا پتر بزانین كا جڤاتا باژێرڤانێ كارێ وێ چی یە.عسمەت عبدالرحمن خلیل سەروكێ جڤاتا باژێرڤانیا دهوكێ
سنێلە/ جڤاتا سەروكاتیا باژێرڤانێ ژ چەند كەسان پێك دهێت؟
عسمەت:جڤاتا باژێرڤانیێ ژ(13)كەس پێك دێت(3) ژوان ئافرەتن.
سنێلە/ كارێ جڤاتا باژێرڤانیێ چی یە؟
عسمەت:بریارەكا بێتە دان ل باژێرڤانیا دهوكێ ب رێكا جڤاتا باژێرڤانیێ تێتەدان. ل باژێرڤانیا دوودەست هەلات هەنە ئێك جڤاتا باژێرڤانیێ یە و ئێك سەروكێ باژێرڤانی یە و دەستەكا باژێرڤانێ نە.
سنێلە/ئەڤ جڤاتە چەوان دهێتە دانان؟
عسمەت:ئەڤ جڤاتە برێكا دەنگێ دانێ دهێتە دانان و خەلك ئەندامین ڤێ جڤاكێ هەلدبژێریت.
سنێلە/هین چەند داخازێن خەلكی بجه تینن؟
عسمەت:هەمی دەمان دەرگەهێ مە بو خەلكی یێ ڤەكری یە وب هەمی شیانێن خوهەولددەین خزمەتا خەلكی بكەین و حەڤتیانە ئەم كومبونان دكەین ل سەر داخازو كارێن خەلكی رادوەستین.
سنێلە/ دڤان سالان دا گهورین كەتینە د باژێرێ دهوكێ دا؟
عسمەت:بەلێ گەلەك گهورین ین كەتینێ ئەگەر ئەم بەراوردیەكێ دناڤ سالێن (2000) تانوكە دێ بینین گهورینێن مەزن كەتینە دناڤ باژێری دا.
سنێلە/تو وەك سەروكێ جڤاتا باژێرڤانیێ چەندێ ژ خەلكێ دهوكێ رازی؟
عسمەت: خەلكێ دهوكێ بشێوەكێ گشتی گەلەكێ باشەو پاقژیا باژێری و جوانیا باژێری دپارێزن بەلێ من دڤێت پتر جوانی و پاقژیا باژێری بپارێزن.
سنێلە/ ئەو تشتێن خەلكی ژ وە دڤێن هین شیاینە وان تشتان هەمیان بو بكەن؟
عسمەت:ئەم نەشیاینە هەمی داخازێن خەلكی بجه بینن بەلێ ئەو تشتێ دشانێن مەدا بیت مەیێ ئەنجامدای و دێ دبەردەوام ژیك بین ل سەر خزمەت كرنا خەلكێ خو.
سنێلە/ دەما هین بریارەكێ دەرێخن ب رەزەمەندیا چەند ئەندامان بریار دێ هێتە بجهینان؟
عسمەت: هەركەسەكێ ئازادە بدانا هەر بریارەكێ و بریاردانا زورینە دێ بریار هێتە ئەنجام دان.
سنێلە/ دەما چونا سەیرانان تو چ داخازی ژ خەلكی دكەی؟
عسمەت:سروشتی كوردستانێ گەلەكێ جوانە بلاڤی سروشتی پارێزن چنكی جوانیا وی بو خەلكی یە و ئەم هەرسال كاردكەین ل سەر هندێ كو جوانیا وپاقژیا ژینگەهێ پارێزن.
سنێلە/ هین چەند ل سەر ئاڤاكرنا مێشكێ خەلكی كار دكەن؟
عسمەت: ئەم گەلەك ل سەر هندێ كار دكەین چنكی هەبونا مێشكەكێ پاقژ دبیتە ئەگەرێ پەیدابونا ژینگەهەكا پاقژ و ئەم بەردەوام ل سەر هندێ كاردكەینە ڤە.
سنێلە/ توچ شیرەت سنێلان دكەی؟
عسمەت: سنێلە پاشەروژا وەلاتێ مەنە ئەز گەلەكێ ژ سنێلێن باژێرێ مە یێ رازی مە و داخازێ ژ وان دكەم كو هەستێ بەر پرسیارەتێ ل دەڤ وان هەبیت خوب خودانێن ڤی وەلاتی بزانن و هەر دەم پاقژی و جوانیا باژێری خو پارێزن.
سنێلە/ تەچ داخازا ژ دەیك و بابێن سنێلان هەیە؟
عسمەت: پلان هەمی دەمان پەروەردەكا باژ بدەنە سنێلێن خو بەرێ وان بدەنە خاندن وزانینێ وەلاتەكێ ئاڤەدان كری ئاڤا بكەن.
*زۆترین زانست خوە زانینە(م.دی ئونامونو)
