پەروەردەكرنا زاروكی دڤی سەردەمی دا

ئامینە عبدالقادر
زاروك :
زاروك ئەو مروڤێن دژیەكێ‌ بچك دا دژین وئەڤ قوناغە دەست پێدكەتن ژ دایكبونێ‌ تاكو قوناغا سنێلاتیێ‌ ،زاروك یەكەمین بلوكە بو ئاڤاكرنا خێزانێ‌ وگرنگترین خانەیێن جڤاكی نە ورولێ‌ مروڤێن بهێز وەردگریت د ئاڤاكرنا شارستانیەتێ‌ دا ودبنە بنیات بو ئاڤاكرنا پاشەروژێ‌ ،ئەڤ قوناغە گرنگترین قوناغا ژیانا مروڤی یە چونكە دبیتە بنیاتێ‌ قوناغێن ژیانێ‌ یێن ددیڤ دا دپەروەردا تاكە كەسی دا وئەڤ ژیە ژیێ‌ ڤێربونێ‌ و زانینێ‌ یە ووەرگرتنا هەمی تشتێن باش یان خراب دبنە ژێدەربوئاڤاكرنا كەسایەتیی و پاشەروژا زاروكی ،ئەڤجا یا ڤەر و پێدڤیە ل سەر دەیك و باب و ماموستایان پەروەردەكا سەركەڤتیانە هەلبژێرن بو زاروكان داكو ڤێری بەرپرسیارەتیێ‌ و ئێمناهیێ‌ وب گشتی رەفتارێن باش ببن لدیڤ پەروەدە و فێركرنا ماموستا و دەیك و بابان ،هەروەسا بهێنە دیر ئیخستن ژ قوتان و زوری وتورەبون وتوندوتیژیێ‌ ورەفتارێن خراب ب شێوەكێ‌ گشتی ،هەروەسا پێدڤی ومافێن زاروكی بو بهێنە دابین كرن وجێجەجێ‌ كرن ورێكێن باش نیشابدەن داكو باوەری ل نك وان پەیدا ببیت چونكە زاروكینی قوناغا تژیكرنا مێشكێ‌ مروڤی یە ئەڤجا یاپێدڤیە ئەڤ مێشكە ب شیرەت و زانیاری و تشتێن مڤا بهێتە تژیكرن وئەو خەلەتیێن ل نك هەر زاروكەكی بهێنە راستڤەكرن ودیرخستنا زاروكی ژهەر زیانەكا هەبیت ژلایێ‌ وان كەسانێن دەوروبەرێن زاروكی كودگەل دژین ،دڤێ‌ قوناغێ‌ دا زور تێكەلاتی ل نك زاروكان چێدبن ژئەگەرێ‌ چونا زاروكی بو داینگەه و باخچە و قوتابخانا و تێكەلیا وان دگەل گەلەك جورێن مروڤان یێن باش و خراب و تورە وخودان نەخوشیێن دەرونی ….هتد لڤێرە تێكەلیا زاروكی دگەل تەخێن خراب دبیتە جهێ‌ لا وازیا كەسایەتیا زاروكی وخرابی دگەل ژیێ‌ زاروكی مازن دبن هەروەسا ئەگەرێ‌ پاشڤەچونا وان زاروكان دژیانێ‌ دا وب زەحمەت بشێین ڤان جورە لاوازیان چارەسەر بكەین چونكە ئەڤ كەسە د زاروكاتیا خودا ل سەر بنیاتێن خراب هاتیە ئاڤاكرن و مێشكێ‌ وی ب هەروەیی وبێ‌ مڤا هاتیە تژیكرن ،ئەڤجا یاپێدڤی و گرنگ ئەوە دیڤچونەكا باش ل زاروكان بهێتەكرن و ب پەروەردەكا سەركەڤتی زاروكان پەروەردەبكەن وپیتەكێ‌ باش بڤێ‌ تەخا جڤاكی بهێتە دان داكو نە بنە رێگر دئاڤاكرنا كەسایەتیا زاروكی دا و ب تایبەت ئەو پاشەروژا ل سەردەستێ‌ وان ئاڤادبیت چونكە خێزان و جڤاك و شارستانیەتێ‌ ….هتدزور پێدڤی ب تەخا زاروكینیێ‌ هەیە بو ئاڤاكرنا پاشەروژا گەل ومللەتی وب تایبەت پاشەروژا تاكە كەسی كو بنیاتێ‌ شارستانیەتێ‌ نە د ژیانێ‌ دا.