ڤیان بناخێ ژیانێ یە
ب هەلكەفتا (25) سالیا ئەنفالێن كوردستێ و ل ژێر دور شمێ (پەروەدە و رەوشەنبیریا سنێلان ئەركێ مە هەموویانە)
ئنستتیوتا دهوك بۆ رەوشنبیریا گشتی وەرزەكێ رەوشنبیری بۆ ماوێ (2) حەفتیان بۆ(25) سنێلان ڤەكر.
سمینارا حەفتێ حەفتیا دووێ بابە‌ت ( ڤیان) ل روژا دووشەمبی رێكەفت(22/4/2013) ل دەمژمێر (1 ) پشتی نیڤرو ژ لایێ (زانا واحد رەمەزان ) بە‌رپرسێ پەیامنێرا ل گوفارا سنێلە هاتە پێشكێشكرن 
ئەڤ سمینارە هاتە بەحسكرن
ـ پێناسە:
ڤیان بناخێ ژیانێ یە , وبێ ڤیان چ ژیان نینە ڤیان هەستەكا نازك و جوانە جهێ خو ددلێ دا دكەت وسیبەرا خو ددەتە هەمی رەخان ڤیان هەستەكا نازكە یا تژی دلوڤان یە, و شەوقە ژ دلێ مروڤی دنەفەسا مە دەردكەڤیت.
ژیان بێ ڤیان تشتەكێ بێ رامانە ئەگەر ئەو نەبیت مروڤ نەشێت د ژیانەكا كاریگەر دا بژیت ئەو دلێ خالی بیت ژ ڤیانێ دلەكێ كاڤلە ویێ وێرانە
هەڤالان ڤیان هەستەكا پاقژە ئێكا هند ژ مە چێدكەت ئەم تامەكا خوش ژ ژیانێ وەرگرین و بەختەوەربین و هەست ب تەناهیێ بكەین , وب دلەكێ رەحەت بژیت
و یا ژهەمی گرنكتر ڤیان وەل مە دكەت ئەم خێرێ بو خەلكی بخازین و ب باشی سەرەدەرێی دگەل وان بكەین
ـ ڤیانێ سێ بناخە هەنە:
1ـ هەست كرن ب پرسیارەتیێ: ئانكو مروڤ بەرانبەر وی كەسێ یان وی تشتی یێ حەز ژێ بكەت هەست ب بەرپرسیارەتیێ دكەت.
2ـ رێزگرتن: ژ ڤیانێ رێزگرتن پەیدا دبیت ,رێزگرتن ژی بەرهەمەكە ڤیان ددەت و دڤێت رێزێ ل هەمی كەسان بگرین ڤیانێ بەلاڤ بكەین برەنگەكێ جوان سەرەدەری دگەل كەسێن دەوروبەر بكەین.
3ـ مەردینی: ڤیان ژدلێ خو دەركە بو مەردینی وقوربانی دان وب هێزكرنا گیانێ خو گوریكرنێ و ئەم دڤێت دمەرد بین دگەل هەمی كەسان ڤیانێ پێشكێش بكەین.
ـ رەنگێن ڤیانێ
1ـ ڤیانا ئاینی و خودایی:هەڤالان یا ئاشكەرایە پەیوەندیا مە دگەل ئاینێ مە ڤێجا چ ئاین بیت یا ب ڤیانێ ڤە یا گرێدایە و دلێ مروڤی هەر ژ بچیكاتی تژیە ژڤیانا خودێ و ئەڤ ڤیانە دگەل مە مەزن دبیت و گەلەك جورێن دی یێن ڤیانێ ژێ پەیدا دبن.
2ـ ڤیانا مروڤی بو خوە: مروڤەك نینە حەز ژخونەكەت , بەلكو تشتێ ژهەمیێ گرنكتر ئەوە مروڤ حەز ژخو بكەت، چونكە ئەگەر ئەو حەز ژخونەكەت, خەمێ ژ خونا خوت و خو ناپارێزیت, و دێ ساخلەمیا وان تێك چیت.
3ـ ڤیانا تشتێت ژێك جودا: ئانكو ئەوتشتێن مروڤ دبینیت وەكی رەنگێن خوارنێ, جلكان, دیمەنێت سروشتی, رەنگێن ئافراندنا مروڤی, چێكرنیت دی وەك گول , باران , بەفر….
یان ئەو تشتێن ئەم گوه لێ دبین وەك دەنگێن خوش , یان ئەو تشتێن مروڤ دشێت دەست بكەتێ وەكی نەرمی , هەمبێزكرنا كەسەكێ خوشتڤی یان زاروكەكی یان هەڤالەكی
4ـ ڤیانا دەیك وبابا بو زاروكێن خو: ڤیانا وان دایك وبابان ئەوێن ئەوێن دلوڤان دگەل مە و ب هەمی رەنگا نەخوشی و زەحمەتێ دبەن ژبەر چ؟ بتنێ دا ئەم سەركەفتی بین وبەختەوەربژین لێ دڤێت ئەم ڤێ چەندێ بزانین و رێزگرتنێ ل دایك و بابێن خو بگرین, ڤیانا خو بۆ وان زێدە بكەین داكو ئەم پێكڤە دئێك جڤاك دا ب خوشی بژین
5ـ ڤیانا كارێن چاك: وەك قەنجی , مەردینی , درێژكرنا دەستێ هارێكاری ,رێزگرتن ل كەسێن بەرانبەر , زیرەكی , سەرەدەرییا باش ئەڤە كومەكا رەوشت و سالوخەتێن چاكێن هەر مروڤەكێ تێگەهشتی بهای دەتە ڤیانێ ئەو كەسێن ئەڤ رەوشتە ل دەڤ هەبن هەمی كەس حەژێ دكەن.
6ـ ڤیانا وەلات و گەل ومللەتی: فەرە سەر مە مروڤان ئەم حەز ژگەردوونی بكەین , وهەر مروڤەك حەز ژ ئەرد و وەلات و جهێ بوونا خوبكەت كەسێ ماف نینە رێكێ ل مروڤی بگریت لێ دگەل هندێ ژی نابیت ئەم كەربێت خو ژ مللەت و وەلات ێت دی راكەین
7ـ ڤیانا ژن و مێران:
8ـ ڤیانا براینیێ: دڤێت ئەم حەز ژ برایێت و مروڤانیێ بكەین ئانكو نابیت جوداهیێ دناڤ بەرا زەنگین و فەقیری دا بكەین یان رەش و سپی دا بكەین دڤێت ئەم حەز ژ هەمی مروڤێت رەوشت چاك بكەین و ئەومروڤێت رەفتارێت خراب دكەن ئەم پێكولێ بكەین رێكێ لێ بگرین و رێكا باش و دروست نیشان بدەین.ژێدەر پەرتوكا(پەروەردە ی ئیسلام زانی) ئەڤ سمینارە دەمژمێرەكێ ڤەكێشا.
