عه‌مه‌ر مشه‌ختی:
یا فه‌ره مرۆڤی ڤیانا شولكرنێ هه‌بیت
*هه‌ر كه‌سێ په‌ز هه‌با ژیانا وی یا خوش بو و یێ پشت راست بوو
* به‌رێ مه ب گیانه‌وه‌ران(گا و ده‌وارا) زه‌ڤی و چه‌مێن خۆ دكێلان و شوین دكرن
*ژ ئه‌گه‌رێ هشكه‌سالیێ گه‌له‌ك جه نه دهاتنه شوینكرن
گوهه‌رزێ : ره‌ڤه‌ند موسا
ئێكه ژ جوتیارێن خودان ئه‌زمون دبیاڤێ شوینكرنا زه‌ڤی و بیستانان كو نها دژیێ(78) سالیێ دا دژیتن ئانكو ل سالا(1934) ل گوندێ گوهه‌رزێ ژدایك بویه ، ب گوتنا وی دبێژیت : مه گه‌له‌ك زه‌حمه‌ت یا بری هه‌تا ڤێ گاڤێ ده‌مێ مه جوتیاری وه‌كی نوكه یا ب ساناهی نه‌بوو هاتن و چوونا مه‌ژی گه‌له‌ك ده‌مێ مه دبر هه‌موو ب پیان و ده‌واران بی مه شوول و كریارێن خۆ ب ماندی بۆنه‌كا مه‌زن برێڤه دبرن ، بو ڤێ هژمارێ مامێ عه‌مه‌ر مشه‌ختی هوسا بو گوڤارا سنێله گوت :
سنێله/چه‌وا ڤیانا شولكرنێ بۆته چێبو ب تایبه‌ت به‌ری ژیێ گه‌نجاتیێ مانه شولكرن یاب زه‌حمه‌ت بۆ ؟
عه‌مه‌ر مشه‌ختی: ئه‌ز دگه‌ل بابێ خۆ دچوومه ناف زه‌ڤی و بیستانا و جوت كێلانێ و مه ده‌خل و جه‌ه و برنج دكرن هنگی وه‌سا بی ڤیابا هه‌موویا شولكربا .
سنێله/ژیانا دناڤبه‌را ژیێ (15-20)سالیێ یا ئالوزه بۆ خۆ برێڤه‌برنێ بۆته یا چاوابۆ ل وی ده‌می ؟
عه‌مه‌ر مشه‌ختی: من شول دكرن و من پاره هه‌بوون ئه‌ز دچومه كاروانا و ب ساناهی من ژیانا خۆ ب رێڤه دبر .
سنێله/ قوتابخانه ل وی سه‌رده‌می هه‌بوو ؟
عه‌مه‌ر مشه‌ختی: ئه‌ز دژیێ (15) سالیێدا بۆم چ قوتابخانه نه‌هاتبۆنه گوندێ مه و به‌س هنده‌كا ل به‌رده‌ستێ مه‌لایا دخواند ل مزگه‌فتا خه‌لكی وه‌نه‌دكر قوتابخانه بهێنه ڤه‌كرن دگوتن دێ زاروكێن مه ل به‌رده‌ستێ مه چنه ده‌رێ، به‌لێ ئه‌گه‌ر وه‌سانه‌با دا گه‌له‌ك مروڤێن باش و زانا هنگی په‌یدا بن ل ده‌ڤه‌رێ .
سنێله/ بۆ پرۆسه‌یا ژن ئینانێ ئیمكانیاتێن هه‌وه دچاوا بۆن هه‌وه چاوا داوه‌تێن خۆ دكرن ؟
عه‌مه‌ر مشه‌ختی: دوی ده‌میدا كێم كه‌س دشیان ده‌وات و شه‌هیانێن خۆبكه‌ن به‌س گوندیا هاریكاریا ئێك و دوو دكر، ئه‌ز شیام ده‌واتا خۆ بكه‌م به‌س من ب بێ ده‌نگی كر .
سنێله :چه‌ند ساله تۆ زه‌ڤی و بیستانان شوین دكه‌ی و تۆ ل سه‌ر ملكێ باب و باپیران به‌رده‌وامیێ ده‌یه ژیانا خۆ؟
عه‌مه‌ر مشه‌ختی: نزیكێ (35–40) سالایه ئه‌ز جوتیارم و ل سه‌ر ملكی خۆمه ، شوینكرنا زه‌ڤیان و شولێ جوتیاریێ یێ زه‌حمه‌ت و هنگی مه ب گا و ده‌واران زه‌ڤی و چه‌مێن خۆ دكێلان و شوین دكرن به‌لێ هه‌ر كه‌سێ په‌ز هه‌با ژیانا وی یا خۆش بۆ و یێ پشت راست بۆ به‌لێ هه‌میا نه‌بوو ڤێ گاڤێ یاب ساناهی تر كه‌فتی ژوی ده‌می .
سنێله/ حكومه‌تێ چه‌ند خۆ ل هه‌وه جوتیارا كریه خۆدان؟
عه‌مه‌ر مشه‌ختی: وه‌كی جوتیارا دڤێت پشته‌ڤانیا وان نه‌هاتیه‌كرن راسته بۆمه هنده‌ك ناسنامه یێن چێكرین به‌لێ یێن دبه‌ریكا مه‌دا هه‌لگرتینه. به‌س هه‌رچاوابیت حكومه‌تا مه باشتره ژیا به‌ری نوكه ل ده‌مێ به‌عسیا بخۆ جوتیارا چ مه‌عیشه‌ت نه‌بوو خه‌لك نه‌دشیا بۆ خۆ شوله‌كێ ب دروستی بكه‌ت .
سنێله/ هشكه‌سالیێ و بێ ئاڤیێ چه‌ند كارتێكرن ل سه‌ر زه‌ڤی و بیستانێن هه‌وه كریه؟
عه‌مه‌ر مشه‌ختی: كارتێكرنا ل سه‌ر چه‌مێ مه‌كری ، زه‌ڤیا من مێوێن تری و سێڤ و مژمژه و هژیر و ….. هتد، مه چ فایده لێ نه‌دیت و هه‌می هشك بوون و گه‌له‌ك جه چه‌ند سالان نه‌هاتنه شوینكرن .
سنێله/ ژ لایێ كاری ڤه چ جیاوازی دناڤبه‌را گه‌نجێن نوكه و یێن به‌رێ دا هه‌یه؟
عه‌مه‌ر مشه‌ختی : گه‌نجێ هنگێ هه‌موو ده‌ما دگه‌ل بابێ خۆ دایكا خۆ دناف شولاندا بوون ، نوكه بارا پتر یێن بوینه خۆدان ده‌وام، به‌س ئه‌ز دبێژم كه‌س نینه نه‌شێت شول بكه‌ت به‌س یا فه‌ر ئه‌وه مروڤی ڤیانا شولكرنێ هه‌بیت.
ژیانا بێ كریار مرنه‌كا به‌روه‌خته
