Duhok-DIGC ئنستتیوتا دهوك بۆ ره‌وشه‌نبیریا گشتى
نەڤیێن پاشایێ مەزن دەولەتا رەوشەنبیری راگەهاندن
عبدالعزیز محسن عبدالرحیم
ئەگەر وەكو دەستپیكەك بچووك ژی بەحسێ فیستیڤالا رەوشەنبریا سۆران بكەین رەنگە ئەز وەكو پێدڤی نەشێم دەرحەق دەر بكەڤم، ب تایبەت ژی پشتی ژ نێزك هایداری بەرنامەو پلانا فیستیڤالێ بوویم ، دگەل ئەڤێ چەندێ ژی رامان ئەو نینە كو بێ كێماسی فیستیڤال یا ب رێڤەدچیت و كەسەكێ چ تێبینی و رەخنە ل سەر نینە و هەموو ئامادەبوویێن فیستیڤالێ ب گران بها د هەژمێرن و یان ئەوێن چاڤدێریا فیستیڤالێ
دكەن ، لێ سەرەرای وان هەموو كێماسیێن كو هەین ب هەموو بیرو باوەرڤە دێ بێژم پشكا شێری ب بەر نەڤیێن پاشایێ مەزن كەفتن ، چونكە نەڤیێن پاشای شیان هەر چوار پارچێن كوردستانێ دناڤبەرا هەر چوار چیایێن ب ناڤ و دەنگێن كوردستانێ كوم ڤە بكەن ، كو ل دووڤ باوەریا من ئەڤ هەر چوار چیایە رامانا وان هەر چوار پارچێن كوردستانێ نە ئەوژی ( گورەز وكورەك و هندرێن و زوزك و هتد ) ل دەمێ من ئەڤ گووتارە دنڤیسی ل رەواندوزا سەركەش دناڤ بەهارەكا جوان و خەملاندی دا ل هنداڤی وان هەر چوار چیایان دا و ل بەر دەنگێ چیوە چیوا چیچیكین و خودایێ مەزن ئافراندین د نڤیسینا هەر پەیڤەكێ دا هەموو جوانی و خووشی وەكو شاشەكا تیلەفزیونیا سافی ل بەر چاڤێن من د كەفتن دووبارە مێژوویا جوان و بەرخودانا پاشایێ مەزن دهاتە بیرا من ، بیكو ئەز هزرا خو ل هندەك كێماسی و خەلەتیێن وی سەردەمی یێن پاشایێ مەزن بكەم ، ل بن سێبەرا ڤان چیایێن خورا گرو كورد فێری خوراگریێ كرین دووبارە بیرا من ل شورەشا ئەیلولا مەزن ئیناڤە دەمێ ( بارزانیێ نەمر ) شیای ب هزرو بیرمەندیا خو ئەڤێ شورەشێ بگەهینتە باراپتری دەڤەرێن كوردستانێ و د هەمان دەم دا ژی ئەڤێ شورەشێ بكەتە گەفەك ل سەر ( تورك و فارس و عەرەبان ) لەورا ژی د پەراوێزا كونفرانسەكێ ئیسلامی دا ل ئەنقەرە كومبوونێن دوو قولی دروست دبن و سەر ئەنجام نسكو ب شورەشا ئەیلولێ دكەڤیت و نەتەوا كورد وەكو گەلەك جارێن دیكە تووشی ئاوارەیێ دەربەردەریێ دبیتن و دوژمن دبێژم تەمام كورد هاتنە قركرنێ ئێدی تەمام نە كورد مان و نە كەس ما بەرگریێ لی َ بكەتن ،لێ خوراكری و بەرخودانا كوردان خورتر لی دبیتن و چیایێن كوردستانێ دبنە مەزنترین پەناكە و دوستێن گەلێ كورد و ناهێلن خەونا دوژمنان ب جه بهێتن ، ژ بەر هندێ ژلی ل گوور باوەریا من قەت چجاران چێ نابیتن ئەم ڤان چیایان ژ بیر بكەین، ل ئەڤێ دەڤەرێ ئەوا پاشایێ مەزن گەلەك بەرخودان لێ كرین دووبارە نەڤیێن وی هەر چوار پارچێن كوردستانێ لی خرڤەكرنەڤە و ب پارچا ئێكەتیا سەڤیەتا بەرێ ژی كو وەرن ئەگەر ئەڤرو دەفەت نەبیتن دەولەتا كوردی ئانكو كیانێ شیاسی رابكەهینین وەرن وەرن وەرن دا دەولەتا رەوشەنبیری یا هەر ( 5 ) پاچان رابكەهیین و ب بێژنینە دوست و دوژمنێن نەتەوا خو ئەڤە ئەمین و مە دەولەت راكەهاند و دێ د خەباتا خو دا بەردەوام بین ژ بۆی دەولەتا دی ژی، دگەل ئەڤێ چەندێ ژی ئەوا ژ بۆی من جهی دلگرانیێ ئیو دان و ساتاندن بوون ئەوێن دناڤ هولێ دا دهاتنە كرن و هەر ئێكێ هەول ددان ل مێژوویا خویا تیژی ل ئێش و ئازارێن كەڤن ب زفرن و هەر ئێكێ یی دیتر تومەت بار دكرن و هەر ئێكێ مێژوویا رەش دهاڤێتە ل سەر ملللێن یێن دی تر و خو پێ باش دكرن، ئەز تووشی سەرسورمانێ بووم گەلەك هەڤالان هەول دان كونترولا هولێ بكەن ، ژ وانا ژی ( دەڤەردارێ سۆران ) لی َ جهێ داخێ یە ئەوژی نەشیا بۆ من خەما دیتر دروست بوو كو ئەگەر ئەڤە رەوشەن هزرین مەبن و رێنیشاندەرێن مە بن و وەسا هزر بكەن باشە كەسەكێ خەلكێ گوندان وەكو من و مروڤەكێ نە خویندەوار دێ چاوا هزر كەتن و دێ چاوا ئاخفیتن و دێ چاوا رەفتارێ كەتن ، ل گوور باوەریا من دڤێت د روژێن وەسا دا ئەم هەموو پێگڤە بكەڤینە د قادا خەباتێ دا ژ بۆی كێماسیێن مێژوویا خو مفاێ ژێ وەربگرین و و دەستكەفت و پیروزیێن میژوویا خو ژی بەر چاڤ بكەین و ببنە بەرنامەو پروگرام ژ بۆی نەڤیێن داهاتی داكو ئەژی ب جوانترین و ب بهاترین شێوە بكەنە د خزمەتا گەل و وەلاتێ خودا، ل دەمێ ڤەكرنا پێشانگەها فولكلوری دا ئەو دیمەنێن جوان ل جهەكی كەڤنارێ پاشایێ مەزن دا دیسان ئەز برمە د هزرو خەیالەكێ دا كو رەنگە ئەز نەزانم دێ چوا دەربرینێ ژێ كەم ، ئەو دیمەنێن وان و ئەو خوارنا ب رێك و پێك و ئەو لەرزینا جوانا كچ و كوەرێن دەڤەرا بارزانا سەر كەش و بالەكایەتیا خوراگردا و بیهیستنا سترانێن تەژی ژ پەیڤێن سێكسی و كو من و هوزانڤانەكێ دگوت باشە ئەگەر نەتەوا كورد خودانێ ئەڤی فولكلورێ هندێ دەولەمەند بیتن چەند سالان بەری خەلكێ دی یە ئەڤێن نها ب ناڤێ مەدەنیەت و شارستانیەتێ د ئاخفن ، لێ دیسان مە ژ بۆی وێ ژی مفا ژێ نە وەگرتیە،
خالەكا دیتر من دڤێت بەحس لێ بكەن من هندەك تێبینی ل سەر داخوازی و میهڤان و گازیكرنا هندەك میهفان هەبوو چونكە بتنێ روژا ئێكێ بەرهەڤی فیستیڤالێ ببوون و كو من نەڤێت ناڤێن وان بێژم وەكو ئەڤ میهڤانەژی ل سەر خەرجیاتێن فیستیڤالێ ل ئەوروپا و پاچێن دیتر هاتیە شینوارێن پاشایێ مەزن پشتی ریو رەسمێن دەستپێكی نەهاتنە دیتن و بخو چوون بگەرێن ، باشو ژ بۆی فیستیڤالێن داهاتی گەلەك ب شارەزایی خەلك بهێنە دەست نیشانكرن و گازیكرن داكو فیستیڤال بگەهیتە سەر ئەنجامەكی ب تایبەت ئەگەر بهێت و فیستیڤالا سۆران وەكو نمونە وەربگرین و بگەهیتە دروشمێ فیستیڤال بۆ هاتیە ئەنجام دان كو ( پێگڤە بەرەڤ ئایندەیەكێ گەشتر ) ل گوور باوەریا من ئایندەیەكێ گەشتر راگەهاندنا دەولەتا كوردی یە كو خەونا هەر تاكەكێ كوردە ئەزێ گەلەكێ ب ئومێدم كو گەلەك نەمایە دڤێت بهێتە هەبوونێ داكو ئەو خەباتا بەری هنگی ژی ل پێناڤی ئەوێ چەندێ هاتیە ئەنجام ل فیرو دان نەچیتن، دەستێن لیژنا بەرهەڤكارا فیستیڤالێ خووش بیتن و دێ بێژمە هەوە ، هەوە ب خو سەروەریەكا گەلەك مەزن تومار كرو هەوە پشكا شێری ژ بەر شینوارێن پاشایێ مەزن ئێخستن و هوون شیان ب گرنژنیێن و ئاخفتنێن خو یێن گەلەك جوان ب خێر هاتنا هەموو میهڤانێن خو بكەن و بێژنێ ب خێر بهێن ژ بۆی سۆرانا جهێ پیگڤە ژیانێ و رەواندوزا جوان و قەشەنگاكوردستانێ و مێرگەسوورا جهێ لاندكا شێران و چەمانا جهێ بارزانێ نەمرو مە هوون هەمبێز كرن و هوون ژی ب هەموو جوانیا دەڤەرێ ب خێر بچن و فیجا دوورا پێنووسێن هەوەیە و هوزانێن هەوەیە و سترانێن هەوەیە و كو ئەم هەموو پێڤە بكەڤینە د قاتا خەباتێ دا ژ بۆی راگەهاندنا كیانێ دەولەتا كوردی ئەگەر ئیرو ل ئەڤێ پاچێ بیتن بەردەوام بین ژ خەباتا خو داكو د ئایندەیەكێ نێزك دا ل پارچێن دی ژی دەولەت بهێتە راگەهاندن و هەتا كو دەولەتا مەزن و سنوورێن دەست كرد نە مین و ئەم هەموو پێگڤە ئیك و دوو هەمبێز بكەین ، من هندەك سەر قەلەمك ئینانە بیرا خواندەڤانان و هیڤیدارم هوون ژی شاشیێن من راستڤە بكەن و تیبینیێن خو بێخە سەر روپەلێن روژنامێ د چوار چوڤێ رێزگرتن و لیبوین و پێگڤەژیانێ دا
