ئافرەت وکچێن ئاوارە ل خانکێ ب بەردەوامی خزمەتا وان دھیتەکرن

سەنتەرێ شاناز یێ جڤاکی بۆئافرەتان ل خانکێ سەرب ئنستتیۆتا دھوک یا رەوشەنبیریا گشتی(DIGC)یەبەردەوامە سەرکارۆچالاکین خو ب پشتەڤانیا سندوقا نەتەوێن ئیکگرتی بو دانیشتوان(UNFPA).د ڤێ حەفتیێ دا سەنتەر شیایە چەندین چالاکین جودا جودا د خزمەتا ئافرەت و کچێن ئاوارە ئەنجام بدەت مینا.

*چالاکیا ئێکێ:
– سمینار :
ا-ئەڤ سمینارە ل روژا(ئێک شەمبی) ل رێکەفتی( ١٥/١١/٢٠١٥)ل دەمژمێر(١٢:٠٠) ێ سپێدێ ل ھولا سەنتەرێ شاناز ل خانکێ ھاتە ئەنجامدان و سمینارەک ل دوور(بھەلکەفتا رۆژا جیھانیا نەخۆشیا شەکرێ)ژ لایێ(ژیمان دەھام) رێڤەبەرا سەنتەری ڤە پشتی ناڤھاتی بابەتێ خو پێشکەش کری تێدا ب رون وئاشکەرا بەحسێ:
-١ب درێژی بەحسی گرنگیا رۆژێن جیھانی کر و گرنگیا ساخکرنا وان و بتایبەتی نەخۆشتن دۆم درێژ مینا نەخۆشیا شەکرێ.
٢-ھەردیسان شروڤەکرنا رێکن خۆ پاراستن ژ ڤێ نەخۆشیا گران ۆ چاوانیا سەرەدەریکرنێ ب تایبەتی ل دەڤ کەسن ب ناڤسال ڤەچۆی ۆ ب تەمەن.
٣-ۆ دیارکر کو ئەڤ نەخۆشیە کا د چ تەمەن دا پەیدا دبیت ۆ ژ ئەگەرێ چ پەیدا دبیت.

ب-ئەڤ سمینارە ل روژا(سێ شەمبی) ل رێکەفتی( ١٧/١١/٢٠١٥)ل دەمژمێر(١٢:٠٠) ێ سپێدێ ل ھولا سەنتەرێ شاناز ل خانکێ ھاتە ئەنجامدان و سمینارەک ل دوور(چاوانیا رەفتارکرنێ د گەل ئامیری ئاگر ڤەمراندنێ)ژ لایێ خۆبەخشا سەنتەری( دلمان حمید)ڤە پشتی ناڤھاتی بابەتێ خو پێشکەش کری تێدا ب رون وئاشکەرا بەحسێ:
١-ھوشیارکرنا کچ ۆ ئافرەتان ژئاگری دەمێ کارکرنی ب تایبەتی ل لێنانگەھا ڤە.
٢-چاوانیا سەرەدەری کرنێ د گەل ئامیرێ ئاگرڤەمراندنێ،ھەردیسان د چ دەمدا دێ بکارینن ۆ گرنگیا وێ ل ھەمی دەم ۆ جھان.
٣-ب درێژایێ بەحسی دەمێ ئاگر بەربیتە چھەکی دێ ب چ شێوە ڤەمرینی دا کۆ گیانێ خۆ و یێ کەسن بەرامبەر پارێزی.

*چالاکیا دووێ:
– خول:
ئەڤ خولە ل روژا(ئێک شەمبی)تا(پێنج شەمبی) ئانکو ل رێکەفتی(١٥/١١/٢٠١٥) تا کۆ (٢٠١٥/١١/١٩)ل دەمژمێر(٩:٠٠)ی سپێدێ ل ھولا سەنتەرێ شاناز ل خانکێ بۆ(٢٥) ئافرەتان (دایکا)ن ھاتیە ڤەکرن و دێ بۆ(٥)روژان ڤەکێشیت و روژانە بو ماوێ(٢تا٣) دەمژمێران دێ وانە ب رەنگەکێ تیوری ھێتە گوتن و دبەرخۆلێ را دێ سمینارن جورا و جور بو پشکداران ھێنە گوتن ودێ رینشتنێن تایبەت و بتنێ دگەل کارمەندا جڤاکی ھێنە ئەنجام دان بو ھندێ سەر ئەنجام مفایەکێ مەزن بگەھتە ھەر پشکدارەکێ و ھەژی گوتنێ یە ئەڤ خۆلە ژلایێ (نوژدار، پارێزەر،ماموستا،ئولێ ئاینی،ڤەکولارا دەرۆنی )ڤە دھێنە گوتن و شروڤەکرن کو شارەزایەکا باش د ئەڤی واری دا ھەیە و ئەو بابەتێن دھێنەگوتن روژانە ب ئەڤی رەنگینە مینا(ھوشیار کرنا دایکان ژ مەترسین ھەڤژینیا بلەز ل دەڤ زارۆکان ۆ بەختەوەریا خێزانێ بۆ ئاشتییا جڤاکی)ل گور باوەریا مە ئەم شیاین د دەمەکێ گەلەک کورت دا باشترین خزمەت پێشکەشی وان بکەین.

– خول:
ئەڤ خولە ل روژا(ئێک شەمبی)تا(پێنج شەمبی) ئانکو ل رێکەفتی(١٥/١١/٢٠١٥) تا کۆ (٢٠١٥/١١/١٩)ل دەمژمێر(١١:٠٠)ی سپێدێ ل ھولا سەنتەرێ شاناز ل خانکێ بۆ(٢٥)ئافرەت و کچان ھاتیە ڤەکرن و دێ بۆ(٥)روژان ڤەکێشیت و روژانە بو ماوێ(٢تا٣) دەمژمێران دێ وانە ب رەنگەکێ تیوری و پراکتیکی ھێتە گوتن و دبەرخۆلێ را دێ سمینارن جورا و جور بو پشکداران ھێنە گوتن ودێ رینشتنێن تایبەت و بتنێ دگەل کارمەندا جڤاکی ھێنە ئەنجام دان بو ھندێ سەر ئەنجام مفایەکێ مەزن بگەھتە ھەر پشکدارەکێ و ھەژی گوتنێ یە ئەڤ خۆلە لسەر دەستێن ریفەبەر ۆ ڤەکۆلەرا دەرۆنی ێن سەنتەری شاناز دھێنە گوتن و شروڤەکرن کو شارەزایەکا باش د ئەڤی واری دا ھەیە و ئەو بابەتێن دھێنەگوتن روژانە ب ئەڤی رەنگینە مینا(بەرنامێن کۆمپیوتەری ب شێوەیەکێ گشتی و مایکرۆسۆفت ۆرد دکیۆمینت) ل گور باوەریا مە ئەم شیاین د دەمەکێ گەلەک کورت دا باشترین خزمەت پێشکەشی وان بکەین.

*چالاکیا سیێ:

-سەرەدانن مەیدانی:
ئێک ژ بەرنامێن مە ئەوە کو د رێکا خۆبەخشاندا ئەم نامە و پەیاما سەنتەری ب گەھینە زێدەترین ئافرەت و کچان دا کو قەستا سەنتەری بکەن دا سەنتەر ب باشترین شێواز خزمەتا وانا بکەت ژبەر ھندێ روژنە تیمێن مە ئانکو( خوبەخشێن) سەنتەری و د گەل تیم لێدەران قەستا ناڤ خیڤەت و ھەیکەلان د کەن دا کوژ نێزیک ھایداری رەوشا ئافرەت و کچآن ببن و ئەڤ بەرنامە ل رۆژا (ئێک شەمبی) تاکو روژا (پێنچ شەمبی) ئانکو ل رێکەفتی(١٥ /١١/٢٠١٥ )تاکو(١٩/١١/٢٠١٥)سەرەدانا(٧٧) مالان کرینە و(٧٥٠) کەس دیتینە ژ وانا(٣٩٤) ئافرەت و کچ بوینە و پەیام و ناما سەنتەری گەھاندینە وانا و داخواز ژ وانا کرینە کو قەستا سەنتەری بکەن دا کو باشترین خزمەت وەربگرن ل دەمێ قەستا سەنتەری دکەن ژ لایێ تیم لێدەر و خوبەخشان ڤە دھێنە پێشوازی کرن و رێزەکا مەزن ل وان دھێتە گرتن.

*چالاکیا چارێ:
سەرەدانن سەنتەری:
ل سەنتەرێ مە تومارەک ھاتیە دروستکرن یا تایبەتە ب وان ئافرەت و کچێن سەرەدانا سەنرەی دکەن ب ھەر مەرەمەکێ بیت و پێشوازی ل وان دھێتە کرن و ناڤێن وان دھێنە تومارکرن لەوا ل روژا (ئێک شەمبی )تاکو روژا (پێنچ شەمبی) ئانکو ل رێکەفتی (١٥/١١/٢٠١٥) تاکو(١٩/١١/(٢٠١٥ (٢٠) ئافرەت و کچان سەرادانا سەنتەری کرینە ب مەرەمێن جوداجودا (تومارکرنا ناڤێن خو بو خولا) و ( پێزانین ل دوور سەنتەری) ھەروەسا ب مەراما ( پشکداری کرنێ د سمینار و بەریکانان دا).

*چالاکیا پێنجێ:
سەرەدانێن شاندان بو سەنتەری:
ل روژا (چارشەمبی ) رێکەفتی (١٨/١١/٢٠١٥) ل دەمژمێر(١١:٣٠) شویکرنا بلەز (خەلەف ‌عرسان) و ھەڤالن وی ژ رێکخراوا (UPP) (ب مەرەما زانینا کاروچالاکی و خزمەتێن دھێنە پێشکێشکرن ل سەنتەرێ مە)سەرەدانا سەنتەرێ مە کر پشتی بخێرھاتنێ و پێشوازیکرنا وان مە بەحسێ(کاروچالاکی و خزمەتێن سەنتەرێ خو کرن و ھەروەسا وان ژی بەحسی کارێ خو کر)و پشتی گەنگەشەکا دوور و درێژ مە بریاردا کو( ھاریکاربین دگەل ئێک داکو بشێن پێکڤە باشتر خزمەتا باشتر بکەین)ئەنجام دەین،ھەژی گوتنێ یە د ئەڤێ سەرەدانێ دا ئەم ھەردەلا مفاداربوین.

*چالاکیا شەشێ:
کومبونێن ستافێ کاری:
ل دووڤ ئەجندایەکا پێش وەختە حەفتییانە کومبونا ئاسایا ستافی کاری دھێتە ئەنجام دان ب مەرەما دەسنیشانکرنا( خالێن بھێز و لاواز و تێبینی و پێشنیار بو سەرکەفتنا کاری) لەورا ل روژا(پێنچ شەمبی) ل رێکەفتی(١٩/١١/٢٠١٥) کومبونا ئاسایا سەنتەرێ ب ئامادەبونا ستافی کاری و ب سەرپەرشتیا(ژیمان دھام)وەکو رێڤەبەرا سەنتەری ل دەمژمێر(١٠:٠٠) سپیدی ل ھولا سەنتەری ھاتیە ئەنجامدان و تێدا گەلەک ب کورتی ناڤەروکا کومبونێ ئەڤ خالە بون:

١–ھەولدان بو باشتر لێکرنا کاری بو خزمەتا کچ و ئافرەتان ل سنورێ دەڤەرا خانکێ.
٢-د ڤێ کومبونێ دا چەندین بریار ھاتنەدان گرێدای بزاف و چالاکین سەنتەرێ مە، ھەردیسان چاوانیا پێشکێشکرنا سمینارن جورەوجور و گشت بابەتان بخوڤە بگریت ، پێگری کرن ب رێنمایێن سەنتەری ژ لایەنێ ھاتنۆ چونێ ڤە ۆ پا‌قژیا سەنتەری ۆ ھەردیسان نۆیکرنا چەند خۆبەخسن سەنتەری ل جھی وان خۆبەخشن کار ب جھیلای.
٣-ژ ھەمیا گرنگترھایداری رەوشا ئاوارا و خەلکێ دەڤەرێ ب رێکا خوبەخش و تیم لیدەرن سەنتەری ڤە،و تومارکرنا ناڤ و داخازین وان بۆ سمینار ۆ خۆلان.

ھەژی گوتنێ یە ئەم شیاین ھەموو تێبینین گەنگەشە بکەین و پێکڤە بگەھینە ھندەک خال و بریاران دخزمەتا ئافرەت و کچێن ئاوارە ل سنورێ سەنتەری دا.

چالاکیا حەفتێ:
رونیشتن دگەل حالەتن دەروونی:
د ئەڤێ حەفتیێ دا ئەم شییاینە(٢)حالەتن تۆندۆتیژی و(٨ )حالەتێن دەروونی ببینین و رەوانە کرن بۆ نەخۆشخانان(٨)کارمەندا جڤاکی رونشتنێن بتنێ و تایبەت دگەل ەنجام بدەت و ھندەک ژوانا خشتەیەکێ چەند روژی بو دابنێت داکو ب بەردەوامی چاڤدێریا وانا بھێتە کرن و خزمەتا وانا بھێتە کرن و بزڤرنەڤە ژیانا سروشتیا بەرێ نوکە و ئەم تێدا د سەرکەفتی بوینە.

*چالاکیا ھەشتێ:
بەلاڤکرنا کەل و پەلان:
ب ھەفکاری کرنا مە دگەل رێکخراوا سندۆقا نیڤ دەولەتی بۆ دانیشتۆانی(UNFPA) سەنتەرێ شاناز ل خانکێ سەر ب ئنستتیۆتا دھۆک یا رەوشنبیریا گشتی (DIGC) ل ڤێ حەڤتیێ دا رابۆیە ب بەلاڤکرنا چەندین کەلۆپەلن تەندرۆستین ئافرەتان ل سەر کچ ۆ ژنن ئاوارە، ژمارا وان کەلۆپەلن ھاتینە بەلاڤکرن د ڤێ حەڤتیی دا(١٧) بۆن.

چالاکیا نەھێ:
ب ھەفکاری کرنا مە دگەل رێکخراوا (UPP) ل رۆژا پێنج شەمبی رێکەڤتی ١٩/١١/٢٠١٥ ل ناڤا ھۆلا سەنتەرێ شاناز ل خانکێ ،ئەم شیاینە سمینارەکا تایبەت بۆ(٢٥) ئافرەت ۆ ژنن ئاوارە پێشکێشکەن ژ لایێ نۆژدار (خلیل مێگفی) ۆ پارێزەر (دلشاد جندی)نافھاتی ب درێژی بەحسی کاریگەریا ھەڤژینیا بلەز ۆ زۆری کر ژ لایەنێ تەندرۆستی ڤە، ھەر دیسان سمینار ب شێوەیەکێ ریکخستیانە برێڤەچۆ.

پێشینیار بۆ پێشخستنا کاروبارێن سەنتەری:
-ئەم پێشنیار دکەین کو( خولا کوافێرێ) بھێتە ڤە کرن کار بھێتە کرن د خزمەتا ئاواران دا چونکە ئەوان داخواز کرینە.

*دوماھیک:
-ئەم پێکڤە ھەول بدەین باشترین کارو خزمەت پێشکەشی ڤی خەلکی بکەین چونکە خزمەتکرنا وان ئەرکەکێ مروڤی و ئەخلاقی یە و دڤێت ئەم ھەموو ل سەر بەردەوام بین

ھەژی گوتنێ یە کو ئەڤ پروژە ب سپونسەریا(UNFPA) سندوقا نەتەوێن ئیکگرتی بۆ دانیشتوان دھێتە ئەنجامدان.

دگەل رێزگرتنا
راگەھاندنا
ئنستتیۆتا دھوک یا رەوشەنبیریا گشتی