ئاڤا كرنا كەسایەتیا گەنجان بۆ گەنجێن روژئاڤا
ل روژا دووشەمبی رێكەفتی (15/4/2013) ل دەمژمێر (5) ئێڤاری ل دووڤ داخوازیا سەنتەرێ رزگاری یێ رەوشەنبیری ل دومیز (عبدالعزیزمحسن) سەروكێ ئنستتیوتا دهۆك بۆ رەوشەنبیریا گشتی سمینارەك ل دوور (ئاڤاكرنا كەسایەتیا گەنجان) ژ بۆی كومەكا كچ و كورێن روژئاڤا یێ كوردستانێ پێشكەشكر ل دەستپێكێ بەحسێ گرنگیا ئاڤاكرنا گەنجان كرو پاشان پێناسەیەك دا ل سەر كەسایەتی و پاشان بەحسێ پێناسا گەنجان كرو گووت كانێ چەندا گرنگە ژ بۆی قوناغا ئەڤروكە گەنجان خودان كەسایەتیەكا ب هێز بن و بشێین خو ئاڤا بكەن چونكە ئایندێ وەلاتی ل سەر دەستێ وانە ل دووڤ دا هاتە ل سەر
بەحسێ دروستێ ئاڤاكرنا كەسایەتیا گەنجان بۆ نموونە (مەژی، زانیاری، هزركرن، تێگەهشتن، پێگەهشتن، بجهئینان، شروڤەكرن، هەلسەنگاندن، ئافراندن) وە گەلەك خالێن دی و رێكێن خو ئاڤاكرنێ هەر د ئەڤێ روونشتنێ دا سەروكێ ئنستتیوتێ بەشداربووی پشكدار دكرن دراو بیرو بۆ چوونان دا داكو بزانن كانێ ئاریشە ئاڤاكرنێ ل كیرێ یە. وە دێ چاوا شیێن رێكێن دروسێن ئاڤاكرنێ ب كار ئینین. هەژی گووتنێ یە ئەڤێ سمینارێ نێزیكێ دوو دەمژمێران ڤەكێشا و ب وێنەگرتنێ خاترا خو ژ هەڤدو خواستن.
