سه‌میر زاخۆیی:
ئه‌گه‌ر ئه‌ز ل زاخۆ نه‌بام ئه‌ز نه دبومه هونه‌رمه‌ند
*عود و لاپتوپ نێزیكترین هه‌ڤالێن منن
*ل ژیێ سنێله‌یێ من گه‌له‌ك حه‌ز ژ مه‌له‌ڤانیا دكر
دیدار: ژێگر عه‌بدولستار
سه‌میر زاخۆیی ئێكه ژ وان هونه‌رمه‌ندێن مه‌زن یێ كو شیایی گه‌له‌ك خزمه‌تا ستران و موزیكا كوردی بكه‌تن، كوڤارا سنێله ژی ب فه‌ر دیت دیداره‌كێ دگه‌ل سازبكه‌ت.
سنێله/ ده‌ست پێكا ته‌یا هونه‌ری یا چه‌وایه؟
سه‌میر: هه‌ر ژ زارۆكینیا خۆ من حه‌ز ژ ستران گوتنێ و موزیكێ دكر و ئه‌ز ژ مالباته‌كا هونه‌ری دا مه‌زن بومه
.
سنێله/ جڤاكێ زاخۆ چه‌ندێ هاریكار بۆ، كو تو بویه هونه‌رمه‌ند؟
سه‌میر: خه‌لكێ زاخۆ حه‌ز ژ سه‌یرانان و داوه‌تان و كه‌یفێ دكه‌تن و گه‌له‌ك پالپشتیا هونه‌رمه‌ندا دكه‌تن و ئه‌گه‌ر ئه‌ز ل زاخۆ نه‌بام ئه‌ز نه دبومه هونه‌رمه‌ند.
سنێله/ ته چه‌وا سترانان توماردكرن؟
سه‌میر: ل وی ده‌می توماركرنا سترانان یا ب زه‌حمه‌ت بوو چونكی مه ل زاخۆ چ ستودیو نه‌بوون بتنێ مه مسه‌جل هه‌بون ئه‌و ژی دكێم بوون من ل سالا (1972) دا بیرامن دهێت من مسه‌جله‌ك بره مال و من تانكا مه یا ئاڤێ خالی كر و من مسه‌جل كره تێدا بتنێ دا بیچه‌كا (ئیكو) تێدا بده‌ركه‌ڤیت و داباش بهێتن.
سنێله/ ته‌چه‌ند هاریكاریا هونه‌ر مه‌ندان كریه؟
سه‌میر: من گه‌له‌ك یا هاریكاریا هونه‌رمه‌ندێن به‌رێ كری و یێن نوكه و چ پێدڤی ب من بویه منا بوكری و تانوكه نێزیكی(80) سترانبێژان من ئاواز و په‌یڤ داینێ.
سنێله/ چ ده‌م بو دروستكرنا هوزانه‌كێ یان ئاوازه‌كێ دخۆشن؟
سه‌میر: چ ده‌م بۆ دانانا هوزان و ئاوازان نینن به‌لێ پرانیا جاران ده‌مێ ئه‌ز یێ خه‌مگین بم.
سنێله/تو ب چ خه‌مگین دبی؟
سه‌میر:ئه‌و ده‌مێ كه‌سه‌ك ژینگه‌هێ نه‌پارێزیت و پیس بكه‌تن و ده‌مێ كه‌سه‌ك دره‌وان بكه‌تن.
سنێله/ نێزیكترین هه‌ڤال بۆ ته كیژكه؟
سه‌میر: (عود و لاپتوپ) بۆ من نێزیكترین هه‌ڤالن.
سنێله/ ده‌مێ تو سنێله ته گه‌له‌ك حه‌ز ژ چ دكر؟
سمیر: ژبلی موزیكێ من حه‌ز ژ مه‌له‌ڤانیا دكر.
سنێله/ تو چه‌ند هاریكاریا وان سنێلان دكه‌ی ئه‌وێن به‌هره‌مه‌ند؟
سه‌میر:من گه‌له‌ك جاران هاریكاریا سنێلان یا كری ودێ یێ به‌رده‌وام بم و هه‌می ده‌مان دێ خۆ وه‌كی بابه‌كی بۆ وان بینم.
سنێله/ دێ چه‌وا ستران زیندی مینیت؟
سه‌میر:ئه‌گه‌ر مروڤ ب دل سوزی بێژیت.
سنێله/ ته ئه‌ڤینی كریه؟
سه‌میر:به‌لێ منا كری و تا نوكه ژی ئه‌ز ئه‌ڤیندارم.
سنێله/ تو حه‌ز ژ كیژ ده‌می دكه‌ی؟
سه‌میر:ئه‌ز حه‌ز ژ شه‌ڤێ دكه‌م و ده‌مێ یێ بتنێ بم.و وه‌رزێ بۆهارێ.
سنێله/ ته چ په‌یڤ بۆ ده‌یك و بابێن سنێلان هه‌یه؟
سه‌میر: داخازێ ژ وان دكه‌م وه‌كی هه‌ڤالان بن دگه‌ل كچ و كورێن خۆ و رێزێ ل بیرو بۆچوونێن وان بگرن.
سنێله/ته چ په‌یڤ بۆ سنێلان هه‌یه؟
سه‌میر: دبێژمێ د چ كارێن خۆدا بێ هیڤی نه‌بن و حه‌ز ژ وه‌لاتێ خۆ بكه‌ن و گه‌له‌ك بخوینن.
هه‌می عه‌وران باران ژێ ناهێت(م.كوردی)
