وارین حەجی:
*ئەز بەردەوام پەرتوك و كوڤاران دخوینم
*من دڤێت خزمەتا وەلاتێ خۆ بكەم بەری یا هەلبەستێ
*دەما هەلبستەكا باش د نڤێسم ئەز هەست پێ دكەم یا خزمەتا وەلاتی دكەم
*ئەز د دوو ڤیستەڤالان دا بەشدار بووم ل سەر ئاستێ دهوكێ
دیدار: كوڤارا سنێلە
(وارین حەجی مستەفا) ل پولا (نەهێ) یە و هەلبەستان دنڤێسیت و بەشداری د چەند ڤیستەڤالێن هوزان خواندنێ داكریە و ب سەركەفتیانە دەرچوویە مە ژی بفەر دیت دیدارەكێ دگەلدا بكەین.
سنێلە/ تو ل چ دەم هەلبەستێ دنڤێسی ؟
وارین/ ل دەما تشتەك سەرەنجا من رادكێشییت و دەما ئەز بتنێ دمینم ئەز هەلبەستا دنڤێسم.
سنێلە/ بابەتێن هەلبەستێن تە ل سەر چنە ؟
وارین/ ل سەر وەلاتی, ل سەر زانینێ,ل سەر قوتابخانێ, ل سەر هەڤالان .
سنێلە / تە بەشداری د فیستەڤالان دا كریە ؟
وارین / ئەز د دوو فیستەڤالان دا بەشدار بووم ل سەر ئاستێ دهوكێ ل سالا ئێكێ ئەز یا ئێكێ بووم و د سالا دووێ دا یا دوو دەركەفتم .
سنێلە/ كێ پالپشتیا تە دكر بۆ نڤێسنا هەلبەستێ؟
وارین/ بابێ من گەلەك هاریكارە ئەو ژی هەلبەستڤانە و هەلبەستا دنڤێسیت و ماموستایێن من و هەڤالێن من ژی پالپشتیێ ل من دكەن.
سنێلە / ئارمانجا تە ژ نڤێسینا هەلبەستێ چ یە ؟
وارین/ من دڤێت خزمەتا وەلاتێ خۆ بكەم بەری یا هەلبەستێ .
سنێلە/ تو ل قوتابخانێ یا زیرەكی ؟
وارین/ئەز ل قوتابخانێ یا زیرەكم , چونكە ئەز دەمێ خۆ رێك دئێخم ژ بو خواندنێ و و نڤێسینا هەلبەستێ .
سنێلە/تو ب چ تورە دبی؟
وارین/ ل دەما ئەز هەلبەستەكێ دنڤێسم و كەسەك بهێت و دگەل من باخڤیت ئەز گەلەك تورە دبم ژبەركوهزرێن من تێك دچن .
سنێلە/ تو ب چ كەیف خۆش دبی ؟
وارین/ ل دەما هەلبستەكا باش دنڤیسم ئەز هەست پێ دكەم یا خزمەتا وەلاتی دكەم .
سنێلە/ تو پەرتوكان دخوینی؟
وارین/بەلێ ئەز بەردەوام پەرتوكا و كوڤاران دخوینم , چونكە ئەز گەلەك مفای ژێ دبینم .
سنێلە/ تو چ دبێژی بۆ وان سنێلێن بەهرەمەند و گرنگێی ب بەهرەیا خۆ نە دەن ؟
وارین/ هیڤی دكەین هەموو سنێلە گرنگیێ ب بەهرەیا خو ب دەن , شیانێت خۆ ب دەنە دیاركرن .
سنێلە/ پەیڤا تە یا دوماهیكێ؟
وارین/ زور سوپاس بۆ هەوە د سەركەفتی بین .
پارچەك ژ هەلبەستا وارینێ
وەڵاتێ مە ئەی وەلات
جانێ مە بوتە خەلات
ب خەبات و باوەری
ئازادی ب دەست مە ڤە هات
ئاخا وەلات زیرینە
پری مێرگ و كانینە
دول و نەهال وگەلی
سەرێت چیا دبەفرینە
وەلاتێ مە كوردستان
خودان دیروك و داستان
هندی ئیك دەست و دل بین
ئەم ناكەڤین بن دەستان
درێیا راپەراندنا ئەركێ خۆدا یێ خوراگربە
