باوە ری دناڤبەرا دە یك و بابا و سنێلا دا
هەلات مەهدی: یا ڤەرە دەیك و باب زارۆكین خۆ فێری هەبوونا باوەریێ بكە ن
ژێهات حەجی: دڤێت هەر خێزانەكێ باوەریەكا مەزن ب زارۆكێن خۆ هەبیت
پەیام سلێمان: ئەگەر مالا سنێلەی باوەری پێ نەبیت دێ سنێلە بەرەڤ كارێن خراب ڤە چیت
مەم ئەسكەندەر: باوەری شەنگستێ هێزا ئاڤەدانیا خێزان و كومەلگەهێ یە
دڤیت هەركەسەكی باوەری بخۆ و خیزانا خۆ هەبیت داكو خێزانەكا بەختەوەر ئاڤا بكەن، مە ب ڤەر دیت بابەتەكی ل دوور هەبوونا باوەریێ دناڤبەرا دایك و باب و سنێلا دا ئامادەكەین و ڤان بووچوونێن خوارێ وەرگرین.
دووڤچوون/مزگینا مەهدی
هەلات مەهدی وەك دەیكەك دبێژیت: باوەری تشتەكێ جوانە دڤیت ل دەڤ هەركەسەكی هەبیت، دڤێت دەیك و باب وەك نێزیكترین كەس بۆ سنێلەی باوەریێ بدەنێ ئەگەر خۆ زارۆكێن وان شاشیەك ژی ئە نجام دا، داكو زارۆكێن وان لاواز نەبن وان بخۆ ژی باوەری بخۆ هەبیت، یا فەرە دەیك و باب زارۆكین خۆ فێری هەبوونا باوەریێ بكە ن.
ژێهات حەجی: باوەری گەلەكا گرنگە دژیانا هەر كەسەكی دا تایبەتی دناڤبەرا خێزانان دا دڤیت هەر خێزانەكێ باوەریەكا مەزن ب زارۆكێن خۆ هەبیت چونكی ب رێكا هە بوونا باوەریێ ژلایێ دەیك و بابان ڤە دبیتە پشتەڤانی بۆ زارۆكین وان كو د هەر كارەكی دا ب سەركەڤن چونكی نەبوونا باوەریی ژلایێ خێزانێ بۆ زارۆكی دێ بیتە ئەگەرێ پەیدا بوونا ئاریشا دناڤبەرا خێزانێ و زارۆكێن وان دا و دێ بیت ئەگەرێ دیركەفتنا زارۆكی ژ خێزانا وی.
پەیام سلێمان: باوەری تشتەكێ پیرۆزە ل دەڤ من و ئەگەر باوەری نەبیت مرۆڤ نەشێت ژیانا خۆ ب خۆشی ببورینیت و دڤێت هەبوونا باوەریێ دناڤبەرا سنێلەی و خێزانا وی دا یا بهێز بیت چونكە هەر دوو تەمامكەرێن ئێكن، هەروەسا ئەگەر مالا سنێلەی باوەری پێ نەبیت دێ سنێلە بەرەڤ كارێن خراب ڤە چیت و دێ هەست ب خەمۆكیێ كەت لەوما یا فەرە هەموو دەیك و باب باوەریێ دناڤبەرا خۆ زارۆكێن خۆدا پەیدا كەن.
مەم ئەسكەندەر: باوەری شەنگستێ هێزا ئاڤەدانیا خێزان و كومەلگەهێ یە، پەیداكرنا باوەری دناڤ خێزانێ دا ئەركی دەیك و بابایە، ژێدەرێ هێز و خۆ راگریا سنێلەی دناڤ خێزانێ دا، دایك و بابن، مرۆڤ دقۆناغا سنێلەێ دا پێدڤی سەرەدەریەكا ساخلەمە، قۆناغا سنێلەیێ هەستیارترین و ب مەترسیترین قۆناغا ژیانا مرۆڤانە، چونكە دڤێ قۆناغێدا ژێر خانا هزرێ و كەسایەتیا مرۆڤی ئاڤا دبیت، دڤێت بشێن باوەریێ بۆ سنێلەی دروست بكەین ب رێیا خواندنا هزرا وی و وەرگرتنا بیرو بووچوونێن وی و راوێژ پێكرن ل سەر گەلەك بابەتا، ئەڤ چەندە دبیتە هوكارێ ئاڤا بوونا كەسایەتیا سنێلەی و ئاراستەكرنا وی بۆ باشی و سەركەفتنێ.
ئەو كەسی باوەری ب خۆ هەبیت پێدڤی نینە كەس پێ هەلبژریت.(گۆستا و لۆبۆن)
