خزمەت وچالاکیێن سەنتەرێ شاناز ل زاویتە دبەردەوامن ژبوو کچ و ژنێن ئاوارە:

رێکخراوا (DIGC) سەنتەرێ شاناز یێ جڤاکی یێ ئافرەتان ل زاویتە ب چاڤدێریا رێکخراوا (UNFPA)یا نیڤ دەولەتی بەردەوام سەرەدانێن مە یدانی بو گوندێن ناحیا زاویتەی و گوندێن دەوروبەر دکەن. دڤێ حە فتیێدا مە سەرەدانا گوندێ باگێرا و ئێتیتێ و بانیێ کر. ژبو نێزیک لێ نێرین ل رەوشا وان و ئارامیا وان ژلایێ دەروونی ڤە و رینشتنێن بتنێ دگەل بارێن دەروونی و رەوانەکرنا نەخوشان.
چالاکیا ئێکێ:
-سەرەدانێن مەیدانی
ئێک ژ بەرنامێن مە ئەوە کو د رێکا خوبەخشان دا ئەم نامە و پەیاما سەنتەری بگەھینە زێدەترین ئافرەت و کچان داکو قەستا سەنتەری بکەن. تیما مە و خوبەخشێن سەنتەری و دگەل تیم لێدەران قەستا ناڤ خیڤەت و ھەیکەلان دکەن دکومەلگەھێ داکو ژ نێزیک ھایداری رەوشا ئافرەت و کچان ببن و ئەڤ بەرنامە ل روژائێک شەمبی تاکو روژا پێنج شەمبی ل رێکەفت١-١١-٢٠١٥ تاکو ٤-١١-٢٠١٥ د بەردەوام بون. و ل روژا پێنج شەمبی ٥-١١-٢٠١٥ مە سەرەدانا گوندێ بانییێ کر و ب ھە ڤکاری دگە ل رێکخراوا (Zahira) و جلو بەرگ ھاتنە بەلاڤکرن لسەر خێزانێن ئاواران.

چالاکیا دووێ:
کومبونێن ستافێ کاری:

ل دووڤ ئەجیندایەکا پێش وەختە حەفتیانە کومبونا ئاساییا ستافی کاری دھێتە ئەنجام دان ب مەرەما دەستنیشانکرنا (خالێن بھێز و لاواز و تێبینی و پشنیار بو سەرکەفتنا کاری) لەورا ل روژا (پێنج شەمبی) رێکەفتی (٥-١١-٢٠١٥) کومبونا ئاساییا سەنتەری ب ئامادەبونا ستافی و ب سەرپەرشتیا (ڤیان ) وەکو رێڤەبەرا سەنتەری ل دەمژمێر (٩:١٥)سپێدێ ل ھولا سەنتەری ھاتیە ئەنجام دان . وب کورتی ناڤەروکا کومبونێ ژ ئەڤان خالێن ل خوارێ پێک ھاتبوون:
١-خوبەخشان ئاگەھدار بکەین کو پتر پێگیریا کاری بکەن.
٢-چاوانیا برێڤەبرنا خولان د حەفتیا بھێت دا.
٣-خو بەرھەڤکرن ژبو ئامادەکرنا سمیناران.

-ھەژی گوتنێ یە ئەم شیاین ھەموو تێبینیان گەنگەشە بکەین و پێکڤە بگەھینە ھندەک خال و بریاران د خزمەت و ئافرەت و کچێن ئاوارە ل سنورێ سەنتەری دا.
-دئەڤێ حەفتیێ دا ئەم شیاینە چەند حالەتێن دەروونی بینین و کارمەندا جڤاکی روونشتنەکا بتنێ دگەل نەخوشەکا دەروونی ھەبوو و یا سەرکەفتی بوو.
-دڤێ حەفتیێدا(٧) نەخوش یێن ھاتینە رەوانەکرن.
*ھەژی گوتنێ یە دڤێ حەفتیێ دا(١٦٨) کچ و ئافرەت مفادار بوینە.
*پشنیار بو پێشئێخستنا کاروبارێن سەنتەری:
ئەم پشنیار دکەین کو (خولێن جورا و جور بھێنە ڤەکرن, و کەل و پەل لسەر بھێنە بەلاڤ کرن)د خزمەتا ئاواران دا چونکە ئەوان داخاز کرینە.

*دوماھیک:
ئەم پێکڤە ھەول بدەین باشترین کارو خزمەت پێشکێشی ڤی خەلکی بکەین ڤونکە خزمەتکرنا وان ئەرکەکێ مروڤی ئەخلاقی یە دڤێت ئەم ھەموو ل سەر بەردەوام بین.

دگەل رێزگرتنێ
راگەھاندنا
ئنستتیوتا دھوک بو رەوشەنبیریا گشتی