سنێلە دناڤبەرا كێم و گەلەك وەرگرتنا پارا دا
كەڤین حەجی:دڤێت مامۆستا دگەل قوتابیان یێ هاریكار بیت و گەلەك تشتا ژێ نەخوازیت
سەهەند عەبدال:دڤێت ئەو زەحمەتا دایك و باب ب مەڤە دبەن ئەم ژ بیرنەكەین و باش بەرچاڤ وەگرین
داڤین حەمید: ئەگەر دایك و بابێن من پاران ژی نەدەنە من ئەز ژێ تۆرە نابم
ئامەد خێری:ئەو پارێن دایك و بابێن من ددەنە من ئەز بخۆ پێداوستی یێن قوتابخانێ پێ دكرم
ریپورتاژ/بەختیار قادر
بۆ دابینكرنا پێدڤیێن سنێلان یێن رۆژنە ل گەل ڤەبوونا دەرگەهێ قوتابخانان، قوتابیێن سنێلە دەست ب كرینا تشتان بخۆ دكەن،كو رۆژانە دایك و باب پاران ددەنە زارۆكێن خۆ ل قوتابخانێ، 
دیتنا قوتابیێن سنێلە چییە ل دوور ڤی بابەتی مە ئەڤ ریپۆرتاژە بەرهەڤكر.
سنێلە/ وەرگرتنا پاران ژ دایك و بابان یا باشە؟
كەڤین حەجی:گەلەك باشە دایك و باب پاران بدەنە مە كو پێدڤیێن خۆ یێن قوتابخانێ پێ دابین بكەین،لێ دڤێت مامۆستا دگەل قوتابیان د هاریكار بن و گەلەك تشتا ژێ نەخوازن،ژبەركو هندەك خێزان هەژارن و پێ چێنابیت رۆژانە پاران بدەنە زارۆكێن خۆ.
سنێلە/ دایك و بابێن تە پاران ددەنە تە؟
ئامەد خێری: بۆ من گەلەك باشە دایك و بابێن من پاران ددەنە من و ئەز بخۆ پێداوستی یێن قوتابخانێ پێ دكرم و گەلەك هاریكاریا من دكەن هەتا ئەز دچمە قوتابخانێ و زەحمەتەكا زێدە ب مەڤە دبەن.
سنێلە/ توو چاوا دبینی دەمێ دایك وباب پاران ددەنە قوتابیێن خۆ؟
داڤین حەمید:ئەز دبینم ئەڤ چەندە گەلەك یاباشە و پتر هاریكاریا قوتابیێن سنێلە دهێتەكرن،كو بەردەوامیێ بدەنە خواندنا خۆ، هەروەسا ئەگەر دایك و بابێن من پاران ژی نەدەنە من ئەز ژێ تۆرە نابم.
سنێلە/ دایك و باب حەز زاروكێن خۆ یێن قوتابی دكەن؟
سەهەند عەبدال/دایك و باب گەلەك حەژ زارۆكێن خۆ دكەن و باش وان بۆ قوتابخانێ بەرهەڤ دكەن و رۆژانە دایك وبابێن من پاران ددەنە من دا بخۆ تشتێن قوتابخانێ بكرم،لەوما دڤێت ئەم زەحمەتا ئەوان ژ بیر نەكەین.
ئەوێ حسابا وی پاقژبیت ژ لێپرسینێ ناترسیت.(سەعدی شیرازی)
