سه‌نته‌رێ شاناز یێ جڤاكی بو ئافره‌تان ل خانكی كو سه ر ب ئنستتیوتا دهۆ ك بو ره‌وشه‌نبیریا گشتی( DIGC) یه به رده‌وامه‌ل سه ر كاروچالاكیێن خو ب پشته‌ڤانیا سندوقا نه‌ته‌وێن ئیكگرتی بۆ دانیشتوان ( UNFPA). د ڤئ حه‌فتیێ دا سه نته ر شیایه چه‌ندین چالاكین جودا جودا د خزمه‌تا ئافره‌ت و كچێن ئاواره ئه نجام بده ت مینا.
*چالاكیا ئێكێ :
-سمینار :
أ- ئه‌ڤ سمیناره ل روژا(سێ شه‌مبی ) ل رێكه‌فتی(5/1/2016 )ل ده‌مژمێر(10:00 ) ی سپیدێ ل خیڤه‌ته‌كێ ل ده‌ڤه‌راخانكی هاته ئه‌نجامدان و بابه‌تێ سمینارێ ل دوور (چاوانیا خوپاراستن ژ مه‌ترسیا زڤستانێ و خیڤه‌تان)ژلایێ (نارین نادر)كارمه‌ندا ده‌رونی ڤه ,پشتی نافهاتی بابه‌تێ خو پێشكه‌ش كری تێدا ب رون و ئاشكه‌را به‌حسێ :
1-یا گرنگه ئه‌م زاروكێن خوپاریزین ژ سه‌رمایێ دڤێت دهشیاربن دبه‌ركرنا جلوبه‌رگادا.
2-ل ده‌مێ نڤستنێ ب هیچ ره‌نگه‌نگی نابیت ئاڤری دمالدا بهێلینه هه‌ل.
3-دایك هشیاری ڤێكرنا خارنی بیت ل لینانگه‌هێ ڤه.
أ- ئه‌ڤ سمیناره ل روژا(چار شه‌مبی ) ل رێكه‌فتی(6/1/2016 )ل ده‌مژمێر(10:00 )ی سپیدێ ل هه‌یكه‌له‌كێ ده‌ڤه‌را خانكی هاته ئه‌نجامدان و بابه‌تیٌ سمیناریٌ ل دوور (ئافره‌ت پێتڤی ب چ هه‌یه هتاكو ده‌رونێ خوپارێزیت)ژلایێ (نارین نادر)كارمه‌ندا ده‌رونی ڤه ,پشتی نافهاتی بابه‌تێ خو پێشكه‌ش كری تێدا ب رون و ئاشكه‌را به‌حسێ :
1-یا گرنگه ژن خونه‌هێلته ب تنێ د ژوره‌كێ ڤه یان مینیت ب تنێ ل هه‌ر جهه‌كێ.
2- پێتڤیه ژن خو ب كاره‌كی ڤه مژیل كه‌ت ب هه‌ر كاره‌كی هه‌بیت و نه مینیت به‌تال و هزرا بكه‌ت.
3-ژن كه‌سه‌كا گرنگه د جڤاكی دا پێتڤیه گرنگی بده‌ته خو چنكو ژن ژیانه.
*چالاكیا دووێ:
– سه‌ره‌دانێن مه‌یدانی:
ئێك ژ به‌رنامێن مه ئه‌وه كو درێكا خۆبه‌خشاندا ئه‌م نامه و په‌یاما سه‌نته‌ری بگه‌هینه زێده‌ترین ئافره‌ت و كچان داكو قه‌ستا سه‌نته‌ری بكه‌ن دا سه‌نته‌ر ب باشترین شێواز خزمه‌تا وانا بكه‌ت , ژبه‌ر هندێ رۆژانه تیمێن مه ئانكو (خوبه‌خشێن ) سه‌نته‌ری و دگه‌ل تیم لێده‌ران قه‌ستا ناڤ خیڤه‌ت و هه‌یكه‌لان دكه‌ن داكو ژ نێزیك هایداری ره‌وشا ئافره‌ت و كچان ببن و ئه‌ڤ به‌رنامه ل رۆژا (سێ شه‌مبی) تاكو روژا ( پێنچ شه‌مبی ) ئانكو ل رێكه‌فتی5 /1/2016 تاكو7/1/2016 سه‌ره‌دانا ( 45) مالان كرینه و ( 1189) كه‌س دیتینه ژ وانا (218 ) ئافره‌ت و كچ بوینه و په‌یام و ناما سه‌نته‌ری گه‌هاندینه وانا و داخواز ژ وانا كرینه كو قه‌ستا سه‌نته‌ری بكه‌ن داكو باشترین خزمه‌ت وه‌ربگرن و ل ده‌مێ قه‌ستا سه‌نته‌ری دكه‌ن ژلایێ تیم لێده‌ر و خوبه‌خشان ڤه دهێنه پێشوازیكرن و رێزه‌كا مه‌زن ل وان دهێته گرتن.
*چالاكیا سیێ:
– به‌ریكانه :
هه‌بونا چالاكێن جوراوجور دناڤ سه‌نته‌ری دا بوینه ئه‌گه‌رێ هندێ كو رۆژانه ئافره‌ت و كچا ب ره‌نگه‌كێ گه‌له ك به‌رفره‌ه قه‌ستا سه‌نته‌ری بكه‌ن نه‌مازه ئه‌نجام دانا (به‌ریكاناگوستیركانێ ) شێوازێ چالاكیه‌كا نوویه و دلخوشیه‌كا مه‌زن ل ده‌ف وان په‌یدا دكه‌ت و ژبلی مفا گه‌هاندنا وان له‌ورا ل رۆژن (پێنچ شه‌مبی) ل رێكه‌فتی (7/1/2016) ل ده‌مژمێر(11:00)ل هولا سه‌نته‌رێ شاناز ل خانكیٌ به‌ریكانه‌ك د ناڤبه‌را (25) ئافره‌ت و كچان دا هاته ئه‌نجام دان و تێدا بابه‌ت یێ گرێدایی بوو ب (به‌ریكانه‌كا ره‌وشه‌نبیری هزری و هونه‌ری ) پشتی گروپ هاتینه دروستكرن و لیژنا هه‌لسه‌نگاندنێ بۆ هاتیه دروستكرن و پسیار هاتنه ئاراسته‌كرن و نمره بۆ هه‌ر گروپه‌كی هاتنه دانان و ب دلخوشی و كه‌یفخوشی و گرنژین و ده‌ست قوتان گروپێ (شنگال) تێدا سه‌ركه‌فتی بو هه‌ژی گوتنێ یه ئه‌ف به‌ریكانه بۆ ماوێ (2) ده‌مژمێران ڤه‌كێشا پشكداران داخوازكرن كو ئه‌ڤ جورێ چالاكیان به‌رده‌وامیێ بده‌نێ.
*چالاكیا چارێ:
-كومبوونێن ستافێ كاری.
ل دووڤ ئه‌جندایه‌كا پێش وه‌خته حه‌فتیانه كومبونا ئاسایا ستافی كاری دهێته ئه‌نجام دان ب مه‌ره‌ما ده‌ستنیشانكرنا (خالێن بهێز و خالێن لاواز و تێبینی و پێشینیار بۆ سه‌ركه‌فتنا كاری )له ورا ل روژا (پیٌنچ شه‌مبی ) ل رێكه‌فتی (7/1/2016 ) كومبونا ئاسایا سه‌نته‌ری ب ئاماده‌بونا ستافێ كاری و ب سه‌رپه‌رشتیا (ژیمان دهام) وه‌كو رێڤه‌به‌را سه‌نته‌ری ل ده‌مژمێر (9:30 تا 10:30 ) ل هولا سه‌نته‌ری هاتیه ئه‌نجام دان و تێدا گه‌له‌ك ب كورتی ناڤه‌روكا كومبونێ ئه‌ڤ خاله بون :
1_ به‌حسكرن و گرینگیدان ب ده‌میٌ هاتن و چونا ل ناڤا سه‌نته‌ری.
2_ پێگیری كرن ب رێنمایا و كاروبارێن كارگێری ین سه‌نته‌ری,و چاوانیا ره‌فتاركرنیٌ دگه‌ل ئافره‌ت و ژنن سه‌ره‌دانا سه‌نته‌ری دكه‌ن و ل ده‌مێ سه‌ره‌دانێن مه‌یدانی
3¬_چاوانیا راگرنتا پاقژییٌ و هوژداری كرنا خه‌لكی ب فیٌ چه‌ندیٌ داكو دیر بن ژ نه‌خوشیا.
هه‌ژی گوتنی یه ئه م شیاین هه‌موو تێبینێن گه‌نگه‌شه بكه‌ین و پێگڤه بگه‌هینه هنده‌ك خال و بریاران دخزمه‌تا ئافره‌ت و كچێن ئاواره ل سنورێسه‌نته‌ری دا :
• پێشنیار بۆ پێشخستنا كاروبارێن سه‌نته‌ری :
– ئه م پێشینیار دكه‌ین كو (خولا فێركرنا درواریٌ و كوافێرێ)بهێنه ڤه كرن كا ر بهێته كرن دخزمه‌تا ئاواران دا چونكه ئه‌وان داخواز كرینه.
*دوماهیك :
ئه‌م پێگڤه هه‌ول بده‌ین باشترین كارو خزمه‌ت پێشكه‌شی ڤی خه‌لكی بكه‌ین چونكه خزمه‌تكرنا وان ئه‌ركه‌كێ مروڤی و ئه‌خلاقی یه‌و دڤێت ئه‌م هه‌موو ل سه‌ر به‌رده‌وام بین
هه‌ژی گوتنێ یه كو ئه ڤ پروژه ب سپونسه‌ریا (UNFPA) سندوقا نه‌ته‌وێن ئیكگرتی بۆ دانیشتوان دهێته ئه‌نجامدان
دگه‌ل رێزگرتنێ
راگه‌هاندنا
ئینستتیوتا دهۆك بۆ ره‌وشه‌نبیریا گشتی
