سه‌نته‌رێ شاناز یێ جڤاكی بو ئافره‌تان ل خانكی كو سه ر ب ئنستتیوتا دهۆ ك بو ره‌وشه‌نبیریا گشتی( DIGC) یه به رده‌وامه‌ل سه ر كاروچالاكیێن خو ب پشته‌ڤانیا سندوقا نه‌ته‌وێن ئیكگرتی بۆ دانیشتوان ( UNFPA). د ڤئ حه‌فتیێ دا سه نته ر شیایه چه‌ندین چالاكین جودا جودا د خزمه‌تا ئافره‌ت و كچێن ئاواره ئه نجام بده ت مینا.
*چالاكیا ئێكێ :
-سمینار :
أ- ئه‌ڤ سمیناره ل روژا(ئێك شه‌مبی ) ل رێكه‌فتی(17/1/2016 )ل ده‌مژمێر(12:00 )ی سپیدێ ل هولا سه‌نته‌رێ شاناز ل خانكی هاته ئه‌نجامدان و سمیناره‌ك ل دوور (چاوانیا سه‌ره‌ده‌ریكرنێ دناڤبه‌را كچ و كوران دا)ژلایێ (نارین نادر)وه‌ك گه‌كوله‌را جڤاكی یا سه‌نته‌ری پشتی نافهاتی بابه‌تێ خو پێشكه‌ش كری تێدا ب رون و ئاشكه‌را به‌حسێ بابه‌تی كر و بوجهی مفا گه‌هشتنا گشت ئاماده‌بویا.
ب-ئه‌ڤ سمیناره ل روژا(سێ شه‌مبی ) ل رێكه‌فتی(19/1/2016 )ل ده‌مژمێر(12:00) ی سپیدێ ل هولا سه‌نته‌رێ شاناز ل خانكیٌ هاته ئه‌نجامدان وبابه‌تێ سمینارێ یێ تایبه‌ت بۆ ل دوور (ئاڤاكرنا كه‌سایه‌تیا گه‌نجان) ژلایێ (سعدا شه‌مو) پشتی بابه‌تێ خو پێشكه‌ش كری تێدا ب رون و ئاشكه‌را به‌حسێ بابه‌تی كر و بوجهی مفا گه‌هشتنا گشت ئاماده‌بویا.
*چالاكیا دووێ :
-خول :
دڤێ حه‌فتیێ دا ستاڤێ سه‌نته‌ری رابو ب ڤه‌كرنا دوو خوله‌كێ ل رۆژا (ئێك شه‌مبی تا پێنج شه‌مبی ) ل رێكه‌فتی (17/1/ 2016)تا(21/1/2016) ل هولا سه‌نته‌رێ شاناز خانكی بۆ(35) كچا و كوران به‌شداربون و هاتیه به‌رده‌وام كرن بۆ (5) رۆژان و رۆژانه بو ماوێ (2تا3) ده‌مژمێران دێ وانه ب ره‌نگه‌كێ تیوری و پراكتیكی هێته گوتن و دبه‌ر خولێ را دێ سمینارێن جوراوجور بو پشكداران هێنه گوتن و دێ روینشتنێن تایبه‌ت و بتنێ دگه‌ل كارمه‌ندا جڤاكی هێنه ئه‌نجام دان بۆ هندێ سه‌ر ئه‌نجام مفایه‌كێ مه‌زن بگه‌هیته هه‌ر پشكداره‌كێ و هه‌ژی گوتنێ یه ئه‌ڤ خوله ل سه‌ر ده‌ستێن راهێنه‌رێن شاره‌زا دهێنه گوتن و شروڤه‌كرن كو شاره‌زایه‌كا گه‌له‌ك باش د ئه‌ڤی واری دا هه‌یه و ئه‌وبابه‌تێن دهێنه گوتن رۆژانه ب ئه‌ڤی ره‌نگینه مینا(چاوانیا دانانا كالیونێ و شرینقا و چاوانیا گرتنا ئێشاشه‌كرێ و زخت و هه‌ردیسان چیكرنا سێلانێ) ل گور باوه‌ریا مه ئه‌م شیاین د ده‌مه‌كێ گه‌له‌ك كورت دا باشترین خزمه‌ت پێشكه‌شی وان بكه‌ین.
*چالاكیا سیێ:
– سه‌ره‌دانێن مه‌یدانی:
ئێك ژ به‌رنامێن مه ئه‌وه كو درێكا خۆبه‌خشاندا ئه‌م نامه و په‌یاما سه‌نته‌ری بگه‌هینه زێده‌ترین ئافره‌ت و كچان داكو قه‌ستا سه‌نته‌ری بكه‌ن دا سه‌نته‌ر ب باشترین شێواز خزمه‌تا وانا بكه‌ت , ژبه‌ر هندێ رۆژانه تیمێن مه ئانكو (خوبه‌خشێن ) سه‌نته‌ری و دگه‌ل تیم لێده‌ران قه‌ستا ناڤ خیڤه‌ت و هه‌یكه‌لان دكه‌ن داكو ژ نێزیك هایداری ره‌وشا ئافره‌ت و كچان ببن و ئه‌ڤ به‌رنامه ل رۆژا (ئیك شه‌مبی) تاكو روژا ( پێنچ شه‌مبی ) ئانكو ل رێكه‌فتی17/1/2016 تاكو21/1/2016 سه‌ره‌دانا (77) مالان كرینه و (679) كه‌س دیتینه ژ وانا (340) ئافره‌ت و كچ بوینه و په‌یام و ناما سه‌نته‌ری گه‌هاندینه وانا و داخواز ژ وانا كرینه كو قه‌ستا سه‌نته‌ری بكه‌ن داكو باشترین خزمه‌ت وه‌ربگرن و ل ده‌مێ قه‌ستا سه‌نته‌ری دكه‌ن ژلایێ تیم لێده‌ر و خوبه‌خشان ڤه دهێنه پێشوازیكرن و رێزه‌كا مه‌زن ل وان دهێته گرتن.
*چالاكیا چارێ:
سه‌ره‌دانێن سه‌نته‌ری :
ل سه‌نته‌رێ مه توماره‌ك هاتیه دروستكرن یا تایبه‌ته ب وان ئافره‌ت و كچێن سه‌ره‌دانا سه‌نته‌ری دكه‌ن ب هه‌ر مه‌ره‌مه كێ بیت و پێشوازی ل وان دهێته كرن و ناڤێن وان دهێنه توماركرن له‌وا ل روژا( ئیك شه‌مبی ) تاكو روژا (پێنج شه‌مبی ) وئانكو ل رێكه‌فتی(17/1/2016) تاكو(21/1/2016) (16)ئافره‌ت و كچان سه‌ره‌دانا سه‌نته‌ری كرینه ب مه‌ره‌مێن جودا جودا (توماركرنا ناڤێن خو بۆخولا ) و (پێزانین ل دوور سه‌نته‌ری ) هه‌روه‌سا ب مه‌ره‌ما (پشكداری كرنێ د سمینار و به‌ریكانان دا ).
*چالاكیا پێنجی:
-كومبوونێن ستافێ كاری.
ل دووڤ ئه‌جندایه‌كا پێش وه‌خته حه‌فتیانه كومبونا ئاسایا ستافی كاری دهێته ئه‌نجام دان ب مه‌ره‌ما ده‌ستنیشانكرنا (خالێن بهێز و خالێن لاواز و تێبینی و پێشینیار بۆ سه‌ركه‌فتنا كاری )له ورا ل روژا (پینچ شه‌مبی ) ل رێكه‌فتی (21/1/2016 ) كومبونا ئاسایا سه‌نته‌ری ب ئاماده‌بونا ستافێ كاری و ب سه‌رپه‌رشتیا (ژیمان دهام ) وه‌كو رێڤه‌به‌را سه‌نته‌ری ل ده‌مژمێر (2:00 تا 3:00 ) ل هولا سه‌نته‌ری هاتیه ئه‌نجام دان و تێدا گه‌له‌ك ب كورتی ناڤه‌روكا كومبونێ ئه‌ڤ خاله بون :
1_هه‌می شیانیین خو مه‌زیخین بو باشتر كاركرنێ بۆ خزمه‌تكرنا ئافره‌ت و كچان ل سنورێ ده‌ڤه‌را خانكێ.
2_ هه‌ردیسان دڤێ كومبونێدا چه‌ندین بریار هاتنه‌دان كو گرێدای ب كارو چالاكی و خزمه تێن مه‌ڤه بو ئافره‌ت و كچان ,دیسان چه‌وانیا ئه‌نجامدانا خولان و پێشكیشكرنا سمینارێن جوراو جور ژلاییٌ ستافی سه‌نته‌ری ڤه ,هه‌روه‌سا پێگیری كرن ب رێنمایا و كاروبارێن كارگێری ین سه‌نته‌ری و هه‌ردیسان ته‌مامكرنا ستافێ كاری ل دوور بریارن تایبه‌ت هاتینه دان.
3_ پتر هایداربوون ژ ره‌وشا ئاواران دناڤا سنوری ده‌ڤه‌را خانكێ دا چه‌وانیا سه‌ره‌ده‌ریێ و كارو خزمه‌تێ بو وان د رێكا تیم لێده‌ر و خوبه‌خشێن مه‌دا, هه‌روه‌سا توماركرنا ناڤ و داخازێن وان ئاگه‌هدار كرنا وان ژ كاروچالاكین سه‌نته‌ریٌ مه.
هه‌ژی گوتنی یه ئه م شیاین هه‌موو تێبینێن گه‌نگه‌شه بكه‌ین و پێگڤه بگه‌هینه هنده‌ك خال و بریاران دخزمه‌تا ئافره‌ت و كچێن ئاواره ل سنورێسه‌نته‌ری دا :
*چالاكیا حه‌فتێ:
روونشتن دگه‌ل حاله تێن ده‌روونی :
د ئه‌ڤێ حه‌فتیێ دا ئه‌م شیاینه (5) حاله‌تێن ده‌روونی ببینین وكارمه‌ندا جڤاكی روونشتنێن بتنێ وتایبه‌ت دگه‌ل دا ئه‌نجام بده‌ت و هنده‌ك ژوانا خشته‌یه‌كێ چه‌ند رۆژی بۆ دابنێت داكو ب به‌رده‌وامی چاڤدێریا وانا بهێته كرن و خزمه‌تا وانا بهێته كرن وبزڤرنه‌ڤه ژیانا سروشتیا به‌ری نوكه و ئه‌م تێدا د سه‌ركه‌فتی بوینه.
• پێشنیار بۆ پێشخستنا كاروبارێن سه‌نته‌ری :
– ئه م پێشینیار دكه‌ین كو (خولا فێركرنا هونه‌ری و كارێن ده‌ستی )بهیانه ڤه كرن كا ر بهێته كرن دخزمه‌تا ئاواران دا چونكه ئه‌وان داخواز كرینه.
*دوماهیك :
ئه‌م پێگڤه هه‌ول بده‌ین باشترین كارو خزمه‌ت پێشكه‌شی ڤی خه‌لكی بكه‌ین چونكه خزمه‌تكرنا وان ئه‌ركه‌كێ مروڤی و ئه‌خلاقی یه‌و دڤێت ئه‌م هه‌موو ل سه‌ر به‌رده‌وام بین
هه‌ژی گوتنێ یه كو ئه ڤ پروژه ب سپونسه‌ریا (UNFPA) سندوقا نه‌ته‌وێن ئیكگرتی بۆ دانیشتوان دهێته ئه‌نجامدان
دگه‌ل رێزگرتنێ
راگه‌هاندنا
ئینستتیوتا دهۆك بۆ ره‌وشه‌نبیریا گشتی
