سەنتەرێ شانازیێ جڤاکی بۆ ئافرەتا ل خانکێ پلاندانان بۆ دەستڤە ئینانا خزمەتن باشتر بۆ پاشەروژێ.

سەنتەرێ شاناز یێ جڤاکی بۆئافرەتان ل خانکێ سەرب ئنستتیۆتا دھوک یا رەوشەنبیریا گشتی(DIGC)یەبەردەوامە سەرکارۆچالاکین خو ب پشتەڤانیا سندوقا نەتەوێن ئیکگرتی بو دانیشتوان(UNFPA).د ڤێ حەفتیێ دا سەنتەر شیایە چەندین چالاکین جودا جودا د خزمەتا ئافرەت و کچێن ئاوارە ئەنجام بدەت مینا.
*چالاکیا ئێکێ:
– سمینار :
ا-ئەڤ سمینارە ل روژا(سێ شەمبی) ل رێکەفتی( ١٠/١١/٢٠١٥)ل دەمژمێر(١٢:٠٠) ێ سپێدێ ل ھولا سەنتەرێ شاناز ل خانکێ ھاتە ئەنجامدان و سمینارەک ل دوور(چاوا دێ بیە کەسەکا سەرکەفتی)ژ لایێ(ژیمان دەھام) رێڤەبەرا سەنتەری ڤە پشتی ناڤھاتی بابەتێ خو پێشکەش کری تێدا ب رون وئاشکەرا بەحسێ:
-١ب درێژی بەحسی گرنگیا ئاڤاکرنا کەسایەتیا خۆ و باوەری بخو ھەبونێ.
٢-ھەردیسان شروڤەکرنا رێکن سەرکەڤتنێ بو ھەر کارەکی مروڤ ئەنجام دەت ل ھەر ئاستەکی.
٣-و چاوان دێ بیە کەسەکا سەرکەڤتی د ناڤ جڤاکی دا.

ب-ئەڤ سمینارە ل روژا(سێ شەمبی) ل رێکەفتی( ١٠/١١/٢٠١٥)ل دەمژمێر(١٠:٠٠) ێ سپێدێ ل ناڤێنجیا (دیرۆک) یا تێکەل ل خانکێ ھاتە ئەنجامدان و سمینارەک ل دوور(کاریگەریا شیکرنا بلەز)ژ لایێ(نارین نادر) ڤەکولەرا دەرونی ڤە پشتی ناڤھاتی بابەتێ خو پێشکەش کری تێدا ب رون وئاشکەرا بەحسێ:
١-ھوشیارکرنا سنێلان ژ ڤێ کاریگەریا شویکرنا بلەز و زۆری ، چاوا دێ خو ژ ڤێ چەندێ پارێزن.
٢-ئەگەرن پەیدابونا ڤێ چەندێ ل دەڤ سنێلان و خرابیا ھەڤژینیا زاروکینێ د ناڤ جڤاکێ مەدا.
٣-ب درێژایێ بەحسی توژبۆنا نەخوشین دەرونی دەمێ ل تەمەنێ سنێلەیێ ھەڤژینیا زاروکینێ پێک دێنین.

ج-ئەڤ سمینارە ل روژا(پێنچ شەمبی) ل رێکەفتی( ١٢/١١/٢٠١٥)ل دەمژمێر(١١:٣٠) ێ سپێدێ ل ھولا سەنتەرێ خانکێ ھاتە ئەنجامدان و سمینارەک ل دوور(خۆ پاراستن ژ نەخوشیا پەرسیفی)ژ لایێ(نارین نادر) ڤەکولەرا دەرونی ڤە پشتی ناڤھاتی بابەتێ خو پێشکەش کری تێدا ب رون وئاشکەرا بەحسێ:
١-چ یا باشە ئەم بکەن داکۆ خو ژ پەرسیفێ پاریزین.
٢-دڤێت ئەم جل و بەرگا ل دیڤ وەرزی بەرخۆبکەن.
٣-دەمێ دھێتە مرۆڤی دڤێت مرۆڤ دەستپێکێ ھاریکاریا خۆ بکەت دیڤ وێ چەندا مرۆڤی پێ چتبیت بۆ خۆ بکەت ۆ ئەگەر گەلەک زۆر بۆ دڤێت بچینە لایێ نوژداری.

*چالاکیا دووێ:
– خول:
ئەڤ خولە ل روژا(ئێک شەمبی)تا(پێنج شەمبی) ئانکو ل رێکەفتی(١ /١١/٢٠١٥) تا کۆ (٥-١١-٢٠١٥)ل دەمژمێر٩:٠٠ی سپێدێ ل ھولا سەنتەرێ شاناز ل خانکێ بۆ(٢٥)گەنج و سنێلان ھاتیە ڤەکرن و دێ بۆ(٥)روژان ڤەکێشیت و روژانە بو ماوێ(٢تا٣) دەمژمێران دێ وانە ب رەنگەکێ تیوری ھێتە گوتن و دبەرخۆلێ را دێ سمینارن جورا و جور بو پشکداران ھێنە گوتن ودێ رینشتنێن تایبەت و بتنێ دگەل کارمەندا جڤاکی ھێنە ئەنجام دان بو ھندێ سەر ئەنجام مفایەکێ مەزن بگەھتە ھەر پشکدارەکێ و ھەژی گوتنێ یە ئەڤ خۆلە ژلایێ (نوژدار، پارێزەر،ماموستا،ئولێ ئاینی،ڤەکولارا دەرۆنی )ڤە دھێنە گوتن و شروڤەکرن کو شارەزایەکا باش د ئەڤی واری دا ھەیە و ئەو بابەتێن دھێنەگوتن روژانە ب ئەڤی رەنگینە مینا(ھوشیار کرنا سنێلان ژ مەترسین ھەڤژینیا بلەز ۆ بەختەوەریا خێزانێ بۆ ئاشتییا جڤاکی)ل گور باوەریا مە ئەم شیاین د دەمەکێ گەلەک کورت دا باشترین خزمەت پێشکەشی وان بکەین.

– خول:
ئەڤ خولە ل روژا(ئێک شەمبی)تا(پێنج شەمبی) ئانکو ل رێکەفتی(١ /١١/٢٠١٥) تا کۆ (٥-١١-٢٠١٥)ل دەمژمێر١١:٠٠ی سپێدێ ل ھولا سەنتەرێ شاناز ل خانکێ بۆ(٢٥)ئافرەت و کچان ھاتیە ڤەکرن و دێ بۆ(٥)روژان ڤەکێشیت و روژانە بو ماوێ(٢تا٣) دەمژمێران دێ وانە ب رەنگەکێ تیوری و پراکتیکی ھێتە گوتن و دبەرخۆلێ را دێ سمینارن جورا و جور بو پشکداران ھێنە گوتن ودێ رینشتنێن تایبەت و بتنێ دگەل کارمەندا جڤاکی ھێنە ئەنجام دان بو ھندێ سەر ئەنجام مفایەکێ مەزن بگەھتە ھەر پشکدارەکێ و ھەژی گوتنێ یە ئەڤ خۆلە لسەر دەستێن راھێنەرێن شارەزا دھێنە گوتن و شروڤەکرن کو شارەزایەکا باش د ئەڤی واری دا ھەیە و ئەو بابەتێن دھێنەگوتن روژانە ب ئەڤی رەنگینە مینا(بەرنامێن کۆمپیوتەری ب شێوەیەکێ گشتی و نیشادانا گرنگترین پرۆگرامن کومپیوتەری) ل گور باوەریا مە ئەم شیاین د دەمەکێ گەلەک کورت دا باشترین خزمەت پێشکەشی وان بکەین.

*چالاکیا سیێ:
-سەرەدانن مەیدانی:
ئێک ژ بەرنامێن مە ئەوە کو د رێکا خۆبەخشاندا ئەم نامە و پەیاما سەنتەری ب گەھینە زێدەترین ئافرەت و کچان دا کو قەستا سەنتەری بکەن دا سەنتەر ب باشترین شێواز خزمەتا وانا بکەت ژبەر ھندێ روژنە تیمێن مە ئانکو( خوبەخشێن) سەنتەری و د گەل تیم لێدەران قەستا ناڤ خیڤەت و ھەیکەلان د کەن دا کوژ نێزیک ھایداری رەوشا ئافرەت و کچآن ببن و ئەڤ بەرنامە ل رۆژا (ئێک شەمبی) تاکو روژا (پێنچ شەمبی) ئانکو ل رێکەفتی(٨ /١١/٢٠١٥ )تاکو(١٢/١١/٢٠١٥)سەرەدانا(٧٧) مالان کرینە و(٨٩٠) کەس دیتینە ژ وانا(٤٦٥) ئافرەت و کچ بوینە و پەیام و ناما سەنتەری گەھاندینە وانا و داخواز ژ وانا کرینە کو قەستا سەنتەری بکەن دا کو باشترین خزمەت وەربگرن ل دەمێ قەستا سەنتەری دکەن ژ لایێ تیم لێدەر و خوبەخشان ڤە دھێنە پێشوازی کرن و رێزەکا مەزن ل وان دھێتە گرتن.

*چآلاکیاچارێ:
سەرەدانن سەنتەری:
ل سەنتەرێ مە تومارەک ھاتیە دروستکرن یا تایبەتە ب وان ئافرەت و کچێن سەرەدانا سەنرەی دکەن ب ھەر مەرەمەکێ بیت و پێشوازی ل وان دھێتە کرن و ناڤێن وان دھێنە تومارکرن لەوا ل روژا (ئێک شەمبی )تاکو روژا (پێنچ شەمبی) ئانکو ل رێکەفتی (٨/١١/٢٠١٥) تاکو(١٢/١١/(٢٠١٥ (١٨) ئافرەت و کچان سەرادانا سەنتەری کرینە ب مەرەمێن جوداجودا (تومارکرنا ناڤێن خو بو خولا) و ( پێزانین ل دوور سەنتەری) ھەروەسا ب مەراما ( پشکداری کرنێ د سمینار و بەریکانان دا).

*چالاکیا پێنچێ:
کومبونێن ستافێ کاری:
ل دووڤ ئەجندایەکا پێش وەختە حەفتییانە کومبونا ئاسایا ستافی کاری دھێتە ئەنجام دان ب مەرەما دەسنیشانکرنا( خالێن بھێز و لاواز و تێبینی و پێشنیار بو سەرکەفتنا کاری) لەورا ل روژا(پێنچ شەمبی) ل رێکەفتی(١٢/١١/٢٠١٥) کومبونا ئاسایا سەنتەرێ ب ئامادەبونا ستافی کاری و ب سەرپەرشتیا(ژیمان دھام)وەکو رێڤەبەرا سەنتەری ل دەمژمێر(١٢:٠٠) ل ھولا سەنتەری ھاتیە ئەنجامدان و تێدا گەلەک ب کورتی ناڤەروکا کومبونێ ئەڤ خالە بون:

١-دڤێت باشتر کارکەین بو خزمەتا کچ و ئافرەتن ئاوارە ل سنورێ دەڤەرا خانکێ.
٢-د ڤێ کومبونێ دا چەندین بریار ھاتنەدان گرێدای بزاف و چالاکین سەنتەرێ مە، ھەردیسان چاوانیا پێشکێشکرنا سمینارن جورەوجور و گشت بابەتان بخوڤە بگریت ، پێگری کرن ب رێنمایێن سەنتەری بھێتە کرن.
٣-ژ ھەمیا گرنگترھایداری رەوشا ئاوارا و خەلکێ دەڤەرێ ب رێکا خوبەخش و تیم لیدەرن سەنتەری ڤە،و تومارکرنا ناڤ و داخازین وان.

ھەژی گوتنێ یە ئەم شیاین ھەموو تێبینین گەنگەشە بکەین و پێکڤە بگەھینە ھندەک خال و بریاران دخزمەتا ئافرەت و کچێن ئاوارە ل سنورێ سەنتەری دا.

چالاکیا شەشێ:
رونیشتن دگەل حالەتن دەروونی:
د ئەڤێ حەفتیێ دا ئەم شییاینە( ٤)حالەتێن دەروونی ببینین و کارمەندا جڤاکی رونشتنێن بتنێ و تایبەت دگەل ەنجام بدەت و ھندەک ژوانا خشتەیەکێ چەند روژی بو دابنێت داکو ب بەردەوامی چاڤدێریا وانا بھێتە کرن و خزمەتا وانا بھێتە کرن و بزڤرنەڤە ژیانا سروشتیا بەرێ نوکە و ئەم تێدا د سەرکەفتی بوینە.

*چالاکیا حەفتێ:
بەلاڤکرنا کەل و پەلان:
ل رۆژن چارشەمبی و پێنچ شەمب رێکەڤتی١١-١٢/١١/٢٠١٥سەنتەرێ مە رابویە ب بەلاڤ کرنا جل و بەرگان لسەر خەلکێ ئاوارە ،ئەڤ جل و بەرگە ھاتبونە ئامادەکرن ژلایێ ستاڤێ سەنتەری بخو، وئەڤ چەندە بۆ جھێ دلخۆشیا خەلکێ دەڤەرا خانکێ.

چالاکیا ھەشتێ:

سەرەدانێن شاندا:
سەرەدان وھەڤکاریا مە د گەل سەنتەرێ (ژین) یێ بەرەنگاریا توندوتێژی دژی ئافرەتان سەر ب رێکخراوا(IRC).ئەم شیاینە سمینارەکا تایبە ت بۆ(١٥) کچ و ژنێن ئاوارە و خەلکێ ل سنۆرێ دەڤەرا خانکێ، سمینار ژلایێ(ڤیان عبدللە) ھاتە پێشکێشکرن ل دوور)تۆندۆتیژیا خێزانی ۆ کاریگەریا وێ ل سەر زارۆکی).ئەڤێ سمینارێ گەلەک کارتێکرنا خو ھەبو ل سەر ئامادەبویان و شروڤەکرنا گەلەک خالێن گرنگ کو پێتڤیە کچ و ژن بزانن،ھەر دیسان بو جھێ مفا وەرگرتنا ھەمیان.

پێشینیار بۆ پێشخستنا کاروبارێن سەنتەری:
-ئەم پێشنیار دکەین کو( خولافێرکرنا دروارێ) بھێتە ڤە کرن کار بھێتە کرن د خزمەتا ئاواران دا چونکە ئەوان داخواز کرینە.

*دوماھیک:
-ئەم پێکڤە ھەول بدەین باشترین کارو خزمەت پێشکەشی ڤی خەلکی بکەین چونکە خزمەتکرنا وان ئەرکەکێ مروڤی و ئەخلاقی یە و دڤێت ئەم ھەموو ل سەر بەردەوام بین

ھەژی گوتنێ یە کو ئەڤ پروژە ب سپونسەریا(UNFPA) سندوقا نەتەوێن ئیکگرتی بۆ دانیشتوان دھێتە ئەنجامدان.

دگەل رێزگرتنا
راگەھاندنا
ئنستتیۆتا دھوک یا رەوشەنبیریا گشتی