سەنتەرێ شانازیێ جڤاکی بۆ ئافرەتا ل خانکێ مالاکا ئارامە بۆ کچ و ئافرەتن ئاوارە

سەنتەرێ شاناز یێ جڤاکی بۆئافرەتان ل خانکێ سەرب ئنستتیۆتا دهوک یا رەوشەنبیریا گشتی(DIGC)یەبەردەوامە سەرکارۆچالاکین خو ب پشتەڤانیا سندوقا نەتەوێن ئیکگرتی بو دانیشتوان(UNFPA). د ڤێ حەفتیێ دا سەنتەر شیایە چەندین چالاکین جودا جودا د خزمەتا ئافرەت و کچێن ئاوارە ئەنجام بدەت مینا.

*چالاکیا ئێکێ:
– سمینار :
ا-ئەڤ سمینارە ل روژا(چارشەمبی) ل رێکەفتی( 25/11/2015)ل دەمژمێر(10:30) ێ سپێدێ ل هولا سەنتەرێ شاناز ل خانکێ هاتە ئەنجامدان و سمینارەک ل دوور(تۆندۆتیژی دژی ئافرەتێ)ژ لایێ(ژیمان دەهام) رێڤەبەرا سەنتەری ڤە پشتی ناڤهاتی بابەتێ خو پێشکەش کری تێدا ب رون وئاشکەرا بە‌‌‌حسێ:

-1ب درێژی بەحسی گرنگیا بابەتی کر ل ناڤ هەمی مللەتن جیهانێ ب تایبەتی ل ناڤ جڤاکێ مە یێ کۆردەواری دا.
2-هەردیسان شروڤەکرنا جۆرن تۆندۆتیژیێ، ژ وانا تۆندۆتیژیا(خێزانی، زارۆکان،ئافرەتان.. . گەلەکن دی).
3-ۆ دیارکر کو ئەڤ دیاردە گەلەک کارتێکرنا خۆ دکەت د ناڤ جڤاکی دا ۆ گەلەک نەخۆشیان پەیدا دکەت.

*چالاکیا دووێ:
– خول:
ئەڤ خولە ل روژا(ئێک شەمبی)تا(پێنج شەمبی) ئانکو ل رێکەفتی(22/11/2015) تا کۆ (2015/11/26)ل دەمژمێر(9:00)ی سپێدێ ل هولا سەنتەرێ شاناز ل خانکێ بۆ(25) کچان هاتیە ڤەکرن و دێ بۆ(5)روژان ڤەکێشیت و روژانە بو ماوێ(2تا3) دەمژمێران دێ وانە ب رەنگەکێ تیوری هێتە گوتن و دبەرخۆلێ را دێ سمینارن جورا و جور بو پشکداران هێنە گوتن ودێ رینشتنێن تایبەت و بتنێ دگەل کارمەندا جڤاکی هێنە ئەنجام دان بو هندێ سەر ئەنجام مفایەکێ مەزن بگەهتە هەر پشکدارەکێ و هەژی گوتنێ یە ئەڤ خۆلە ژلایێ (نوژدار، پارێزەر،ماموستا،ئولێ ئاینی،ڤەکولارا دەرۆنی )ڤە دهێنە گوتن و شروڤەکرن کو شارەزایەکا باش د ئەڤی واری دا هەیە و ئەو بابەتێن دهێنەگوتن روژانە ب ئەڤی رەنگینە مینا(هوشیار کرنا کچان ژ مەترسین هەڤژینیا بلەز ل دەڤ زارۆکان ۆ بەختەوەریا خێزانێ بۆ ئاشتی
یا جڤاکی)ل گور باوەریا مە ئەم شیاین د دەمەکێ گەلەک کورت دا باشترین خزمەت پێشکەشی وان بکەین.

*چالاکیا سیێ:
-بەریکانە:
هەبونا چالاکین جوراوجور دناڤ سەنتەری دا بوینە ئەگەرێ هندێ کو روژانە ئافرەت و کچ ب رەنگەکێ گەلەک بەرفره قەستا سەنتەری بکەن نەمازە ئەنجام دانا(بەریکانان) شێوازێ چالاکیەکا نوویە و دلخوشیەکا مەزن دەڤ وان پەیدا دکەت و ژ بلی مفا گەهاندنا وان لەورا ل رۆژانن(ئیک ،دۆۆ،سێ شەمبی) ل رێکەفتی( 22. 23. 24/11/2015)ل دەمژمێر(12:00) ێ هولا سەنتەرێ شاناز ل خانکێ بەریکانە د ناڤبەرائافرەت و کچان دا هاتە ئەنجام دان و تێدا بابەت یێ گرێدایی بوو ب (بەریکانەکا رەوشەنبیری و هزری)پشتی گروپ هاتینە دروستکرن و لیژنا هەلسەنگاندنێ بو هاتیە درۆستکرن و پسیار هاتنە ئاراستەکرن و نمرە بۆ هەر گرۆپەکی هاتنە دانان و ب دلخوشی وکەیڤخۆشی و گرنژین و دەست قوتان گرۆپێ(رۆژ) تێدا سەرکەفتی بو هەژی گوتنێ یە ئەف بەریکانە بو ماوێ(2)دەمژمێران ڤەکێشا پشکداران داخوازکرن کو ئەڤ جورێ چالاکیان بەردەوامیێ بدەنێ.

*چالاکیا چارێ:

-سەرەدانن مەیدانی:
ئێک ژ بەرنامێن مە ئەوە کو د رێکا خۆبەخشاندا ئەم نامە و پەیاما سەنتەری ب گەهینە زێدەترین ئافرەت و کچان دا کو قەستا سەنتەری بکەن دا سەنتەر ب باشترین شێواز خزمەتا وانا بکەت ژبەر هندێ روژنە تیمێن مە ئانکو( خوبەخشێن) سەنتەری و د گەل تیم لێدەران قەستا ناڤ خیڤەت و هەیکەلان د کەن دا کوژ نێزیک هایداری رەوشا ئافرەت و کچێن ببن و ئەڤ بەرنامە ل رۆژا (ئێک شەمبی) تاکو روژا (پێنچ شەمبی) ئانکو ل رێکەفتی(22 /11/2015 )تاکو(26/11/2015)سەرەدانا(78) مالان کرینە و|(579) کەس دیتینە ژ وانا(289) ئافرەت و کچ بوینە و پەیام و ناما سەنتەری گەهاندینە وانا و داخواز ژ وانا کرینە کو قەستا سەنتەری بکەن دا کو باشترین خزمەت وەربگرن ل دەمێ قەستا سەنتەری دکەن ژ لایێ تیم لێدەر و خوبەخشان ڤە دهێنە پێشوازی کرن و رێزەکا مەزن ل وان دهێتە گرتن.

*چالاکیا پینجێ:
سەرەدانن سەنتەری:
ل سەنتەرێ مە تومارەک هاتیە دروستکرن یا تایبەتە ب وان ئافرەت و کچێن سەرەدانا سەنرەی دکەن ب هەر مەرەمەکێ بیت و پێشوازی ل وان دهێتە کرن و ناڤێن وان دهێنە تومارکرن لەوا ل روژا (ئێک شەمبی )تاکو روژا (پێنچ شەمبی) ئانکو ل رێکەفتی (22/11/2015) تاکو(26/11/(2015(20) ئافرەت و کچان سەرادانا سەنتەری کرینە ب مەرەمێن جوداجودا (تومارکرنا ناڤێن خو بو خولا) و ( پێزانین ل دوور سەنتەری) هەروەسا ب مەراما ( پشکداری کرنێ د سمینار و بەریکانان دا).

*چالاکیا شەشێ:
کومبونێن ستافێ کاری:
ل دووڤ ئەجندایەکا پێش وەختە حەفتییانە کومبونا ئاسایا ستافی کاری دهێتە ئەنجام دان ب مەرەما دەسنیشانکرنا( خالێن بهێز و لاواز و تێبینی و پێشنیار بو سەرکەفتنا کاری) لەورا ل روژا(سێ شەمبی) ل رێکەفتی(24/11/2015) کومبونا ئاسایا سەنتەرێ ب ئامادەبونا ستافی کاری و ب سەرپەرشتیا(ژیمان دهام)وەکو رێڤەبەرا سەنتەری ل دەمژمێر(10:00)سپیدی ل هولا سەنتەری هاتیە ئەنجامدان و تێدا گەلەک ب کورتی ناڤەروکا کومبونێ ئەڤ خالە بون:

1–هەولدان بو باشتر لێکرنا کاری بو خزمەتا کچ و ئافرەتان ل سنورێ دەڤەرا خانکێ.
2-د ڤێ کومبونێ دا چەندین بریار هاتنەدان گرێدای بزاف و چالاکین سەنتەرێ مە، هەردیسان چاوانیا پێشکێشکرنا سمینارن جورەوجور و گشت بابەتان بخوڤە بگریت ، پێگری کرن ب رێنمایێن سەنتەری ژ لایەنێ هاتنۆ چونێ ڤە ۆ پا‌قژیا سەنتەری.
3-ژ هەمیا گرنگترهایداری رەوشا ئاوارا و خەلکێ دەڤەرێ ب رێکا خوبەخش و تیم لیدەرن سەنتەری ڤە،و تومارکرنا ناڤ و داخازین وان بۆ سمینار ۆ خۆلان.

هەژی گوتنێ یە ئەم شیاین هەموو تێبینین گەنگەشە بکەین و پێکڤە بگەهینە هندەک خال و بریاران دخزمەتا ئافرەت و کچێن ئاوارە ل سنورێ سەنتەری دا.

چالاکیا حەفتێ:
رونیشتن دگەل حالەتن دەروونی:
د ئەڤێ حەفتیێ دا ئەم شییاینە(5 )حالەتێن دەروونی ببینین و رەوانە کرن بۆ نەخۆشخانان(5)کارمەندا جڤاکی رونشتنێن بتنێ و تایبەت دگەل ەنجام بدەت و هندەک ژوانا خشتەیەکێ چەند روژی بو دابنێت داکو ب بەردەوامی چاڤدێریا وانا بهێتە کرن و خزمەتا وانا بهێتە کرن و بزڤرنەڤە ژیانا سروشتیا بەرێ نوکە و ئەم تێدا د سەرکەفتی بوینە.

*چالاکیا هەشتێ:
بەلاڤکرنا کەل و پەلان:
ب هەفکاری کرنا مە دگەل رێکخراوا سندۆقا نیڤ دەولەتی بۆ دانیشتۆانی(UNFPA) سەنتەرێ شاناز ل خانکێ سەر ب ئنستتیۆتا دهۆک یا رەوشنبیریا گشتی (DIGC) ل ڤێ حەڤتیێ دا رابۆیە ب بەلاڤکرنا چەندین کەلۆپەلن تەندرۆستین ئافرەتان ل سەر كچ ۆ ژنن ئاوارە، ژمارا وان کەلۆپەلن هاتینە بەلاڤکرن د ڤێ حەڤتیی دا(24) بۆن.

پێشینیار بۆ پێشخستنا کاروبارێن سەنتەری:
-ئەم پێشنیار دکەین کو( خولا کوافێرێ) بهێتە ڤە کرن کار بهێتە کرن د خزمەتا ئاواران دا چونکە ئەوان داخواز کرینە.

*دوماهیک:
-ئەم پێکڤە هەول بدەین باشترین کارو خزمەت پێشکەشی ڤی خەلکی بکەین چونکە خزمەتکرنا وان ئەرکەکێ مروڤی و ئەخلاقی یە و دڤێت ئەم هەموو ل سەر بەردەوام بین

هەژی گوتنێ یە کو ئەڤ پروژە ب سپونسەریا(UNFPA) سندوقا نەتەوێن ئیکگرتی بۆ دانیشتوان دهێتە ئەنجامدان.

دگەل رێزگرتنا
راگەهاندنا
ئنستتیۆتا دهوک یا رەوشەنبیریا گشتی