چالاگێ»»
سەنتەرێ شاناز یێ جڤاکی بۆ ئافرەتان ل کومەلگەھا خانکێ کو سەر ب ئنستتیوتا دھۆک بۆ رەوشەنبیریا گشتی یە و ئەڤە بۆ ماوێ (٧) ھەیڤانە یێ بەردەوامە و دێ تاکو سەرێ سالێ ژی بەردەوام بیت و سندوقا نەتەوێن ئێکگرتی بۆ دانیشتوان سپۆنسەریا وێ دکەت د خزمەتا ئافرەت و کچێن ئاوارەدا . د حەفتیەکێ دا سەنتەر 
شیایە کومەکا چالاکیێن جودا جودا دخزمەتا ئافرەت و کچێن ئاوارەدا ئەنجام بدەت مینا:
١- ڤەکرنا خولەکا جوانکاریێ بۆ (٢٥) ئافرەت و کچان رۆژانە بۆ ماوێ (٣) دەمژمێران وانە ب رەنگێ تیوری و پراکتیکی بۆ پشکداران دھاتنە گوتن و بۆ ماوێ (٥) رۆژان ئانکو (١٥) دەمژمێران بەردەوام بوو ، دوماھیکێ باوەرنامە ب سەر ئامادەبویێن خولێ ھاتنە پارڤەکرن.
٢- ڤەکرنا خولەکا بەرگدووریێ بۆ ماوێ حەفتیەکێ و (٢٥) ئافرەت و کچان رۆژانە ب رەنگێ تیوری و پراکتیکی بۆ ماوێ (٣) دەمژمێران وانە وەردگرتن و گەلەک مفادار بوون و ببو جھێ دلخوشیەکا مەزن بۆ وان و دوماھیکێ باوەرنامێن خولێ د رێورە سمەکێ دا وەرگرتن و داخوازکرن ، کو ئەڤ جورە خولە د بەردەوام بن.
دیسان چەند سمینار ھاتینە پێشکەشکرن مینا:
١/ بەرھنگاربوونا توندوتیژی دژی ئافرەتان ژ لایێ (رەڤین رەشید) وەکو ریچڤەبەرا سەنتەری شیا سمینارەکا نموونەیی بۆ کومەکا ئافرەت و کچان پێشکەش بکەتن ، پشتی ناڤبری بابەت شروڤەکری ئێکسەر ئێخستە بەر دان و ستاندنێ و پشکدارێن سمینارێ کرنە پشکەک ل بابەتی.
٢/ شووکرنا بلەز ژلایێ (رەڤین رەشید) وەکو رێڤەبەرا سەنتەری و شارەزا د ئەڤی واری دا بابەت بۆ چەند ئافرەت و کچان شروڤەکر و ب تێرو تەسەلی ، پاشان ناڤەروکا سمینارێ کرە چەند پرسیارەک و ئێخستنە بەر دان و ستاندنێ دگەل وان ئافرەت و کچێن پشکداری د سمینارێ دا کرین و ھەردوولا پێکڤە گەھشتنە ھندەک خالان کو دێ خزمەتا جڤاکی کەن.
٣/ رەوشەنبیریا ساخلەمیا دەروونی ژ لایێ (سەبریا عەزیز) وەکو کارمەندا جڤاکی دگەل چەند ئافرەت و کچان دان و ستاندن ل دوور گرنگیا (رەوشەنبیریا ساخلەمیا دەروونی) کر و وەکو تایبەتمەندەک د ئەڤی واری دا روونکرنێن پێدڤی پێشکەشکرن و ببوو جھێ سەرنجراکێشانێ .
٤/ ھزرا ئەرێنی ژلایێ (سەبریا عەزیز حاجی) وەکو تایبەتمەند د وارێ دەروونی دا ، ئەڤ بابەتە بۆ کومەکا ئافرەت و کچان ھاتە پێشکەشکرن و گرنگیا بابەتی ب تێروتەسەلی ھاتە شرۆڤەکرن پشکدار گەلەک دلخوشکرن ، چونکە ھزرا ئەرێنی بۆ ھەر تاکەکێ ئێک ژ پێدڤیێن رۆژێ یە و مروڤی ھەردەم بەرەڤ گەشبینیێ ڤە دبەت. ھەروەسا روونشتن دگەل حالەتێن دەروونی ب رەنگەکێ بەردەوام کو ئێک ژ کارێن سەرەکیێن سەنتەری یە . دیسان د رێکا تیم لێدەر و خوبەخشان دا ب شێوازێ مەیدانی دناڤ ھەیکەل و خیڤەتگەھان دکەن. داکو ل نێزیک رەوشا ئاواران بھێتە زانین و پێدڤی و داخوازیێن وان بھێنە تومارکرن و ببنە بەرنامە بۆ خزمەتکرنا وان.
ھەژی گوتنێ یە کو سەنتەر دێ ل سەر بەرنامە و پلان و چالاکیێن خو دخزمەتا ئافرەت و کچان دا بەردەوام بیت.
راگەھاندنا
ئنستتیوتا دھۆک بۆ رەوشەنبیریا گشتی
نەڤ بابەتە (0) جارا هاتيە خواندن
