سەنتەرێ شاناز ل کەبەرتو٢ خزمەتەکا بێ راوەستیان پێشکێش دکەت

سەنتەرێ شاناز یێ جڤاکی بو ئافرەتان ل کەمپا کەبەرتو ٢ کو سە ر ب ئنستتیوتا دھۆ ک بو رەوشەنبیریا گشتی( DIGC) یە بە ردەوامەل سە ر کاروچالاکیێن خو ب پشتەڤانیا سندوقا نەتەوێن ئیکگرتی بۆ دانیشتوان ( UNFPA).د ڤئ حەفتیێ دا سە نتە ر شیایە چەندین چالاکین جودا جودا د خزمەتا ئافرەت و کچێن ئاوارە ئە نجام بدە ت مینا .

*چالاکیا ئێکێ :
-سمینار :
ڕ- ب-ئەڤ سمینارە ل روژا( ئێک شەمبی ) ل رێکەفتی(٢٠/٩/٢٠١٥ )ل دەمژمێر١١:٠٠ ی سپیدێ ل ھولا سەنتەرێ شاناز ل کەبەرتو ٢ ھاتە ئەنجامدان و سمینارەک ل دوور ( بەختەوەریا خێزانێ)ژلایێ (رڤین رشید)رێڤەبەرا سەنتەری ڤە پشتی نافھاتی بابەتێ خو پێشکەش کری تێدا ب رون و ئاشکەرا بەحسێ :
١-چەوانیا گرنگی دانێ ب خێزانێ .
٢-ھەروەسا چەندین رێک بۆ ئاڤاکرنا خێزانەکا بەختەوەر ژی بۆ ئامادەبویان ھاتنە گوتن ل دوور بەختەوەریێ.
٣- دیسان رێکێن بەختە وەریا خێزانێ ,ھەروەسا دان وستاندن ل سەر بابەتی ھاتە کرن .
ب-ئەڤ سمینارە ل روژا( دووشەمبی ) ل رێکەفتی) ٢١/٩/٢٠١٥ )ل دەمژمێر١١:٠٠ ی سپیدێ ل ھولا سەنتەرێ شاناز ل کەبەرتە ٢ ھاتە ئەنجامدان وبابەتێ سمینارێ یێ تایبەت بۆ ل دوور ( سەرەدەریا کچێ دگەل دەیکێ )ژلایێ خوبەخشێن سەنتەری ڤە(ھزار و سناء) پشتی بابەتێ خو پێشکەش کری تێدا ب رون و ئاشکەرا بەحسێ :
١- چەوانیا سەرەدەریا باش دگەل ئێک و دوو.
٢- ھەروەسا د سمینارێدا بە حسێ سەرەدەریا باش دناڤ بەرا کچێ و دەیکێ ھاتە کرن و چەندین ئەنجامێن باش ھەنە و ئەگەر سەرەدەریەکا خراب بیت دێ چەندین ئەنجامێن خراب پەیدابن .
٣- ھەروەسا دانا چەندین شیرەت و ئاموژگاریا بۆ ئافرەت و کچان , دیسان چەندین نمونە ھاتنە بەحس کرن و شلوڤە کرن بۆ ئامادەبویان .

– ج- ب ھە ڤکاریا مە دگەل رێکخراوا (IMC) سمینارەک ل روژا( سێ شەمبی ) ل رێکەفتی(٢٢/٩/٢٠١٥ )ل دەمژمێر١١:٠٠ ی سپیدێ ل ھولا سەنتەرێ شاناز ل کەبەرتو ٢ ھاتە ئەنجامدان و سمینارەک ل دوور ( شیکرنا بلەز )ژلایێ (جیھان حسین ) کارمەندا دەروونی ڤە پشتی نافھاتی بابەتێ خو پێشکەش کری تێدا ب رون و ئاشکەرا بەحسێ :
١- بەحسێ کارتێکرنا ڤێ دیاردێ .
٢-ھەروەسا چەندین شیرەت و ئاموژگاری ژی بۆ ئامادەبویان ھاتنە گوتن .
٣- ھەروەسا دان وستاندن ل سەر بابەتی ھاتە کرن .ھەروەسا چارەسەری , و ل دیماھیێ ژی دان و ستاندن ل سەر بابەتی ژلایێ ئامادەبویان ڤە و ھەروەسا چەندین نمونە ل سەر بابەتی .
*چالاکیا دووێ :

-خول :
ئە ڤ خولە ل رۆژا (ئێک شەمبی ) ل رێکەفتی (٢٠/٩/٢٠١٥) ل ھولا سەنتەرێ شاناز ل کەبەرتو ٢ بۆ (٢٥) ئافرەت و کچان ھاتیە ڤەکرن و دێ بۆ (٥) رۆژان ڤەکێشیت و رۆژانە بو ماوێ (٣) دەمژمێران دێ وانە ب رەنگەکێ تیوری و پراکتیکی ھێتە گوتن و دبەر خولێ را دێ سمینارێن جوراوجور بو پشکداران ھێنە گوتن و دێ روینشتنێن تایبەت و بتنێ دگەل کارمەندا جڤاکی ھێنە ئەنجام دان بۆ ھندێ سەر ئەنجام مفایەکێ مەزن بگەھیتە ھەر پشکدارەکێ و ھەژی گوتنێ یە ئەف خولە ل سەر دەستێن راھێنەرێن شارەزا دھێنە گوتن و شروڤەکرن کو شارەزایەکا گەلەک باش د ئەڤی واری دا ھەیە و ئەوبابەتێن دھێنە گوتن رۆژانە ب ئەڤی رەنگینە مینا (چەند روژ بۆ دیزاین کرنێ و روژێن دی بۆ دروونا جل و بە رگان ) ل گور باوەریا مە ئەم شیاین د دەمەکێ گەلەک کورت دا باشترین خزمەت پێشکەشی وان بکەین .

*چالاکیا سیێ:

– بەریکانە :
ھەبونا چالاکێن جوراوجور دناڤ سەنتەری دا بوینە ئەگەرێ ھندێ کو رۆژانە ئافرەت و کچا ب رەنگەکێ گەلە ک بەرفرەە قەستا سەنتەری بکەن نەمازە ئەنجام دانا (بەریکانان ) شێوازێ چالاکیەکا نوویە و دلخوشیەکا مەزن ل دەف وان پەیدا دکەت و ژبلی مفا گەھاندنا وان لەورا ل رۆژا (چار شەمبی ) ل رێکەفتی (٢٣/٩/٢٠١٥) ل دەمژمێر١١:٣٠ ل ھولا سەنتەرێ شاناز ل کەبەرتو٢ بەریکانەک د ناڤبەرا (٣٠) ئافرەت و کچان دا ھاتە ئەنجام دان و تێدا بابەت یێ گرێدایی بوو ب (بەریکانەکا رەوشەنبیری ھزری ) پشتی گروپ ھاتینە دروستکرن و لیژنا ھەلسەنگاندنێ بۆ ھاتیە دروستکرن و پسیار ھاتنە ئاراستەکرن و نمرە بۆ ھەر گروپەکی ھاتنە دانان و ب دلخوشی و کەیفخوشی و گرنژین و دەست قوتان گروپێ (ئازادی) تێدا سەرکەفتی بو ھەژی گوتنێ یە ئەف بەریکانە بۆ ماوێ (٢) دەمژمێران ڤەکێشا پشکداران داخوازکرن کو ئەڤ جورێ چالاکیان بەردەوامیێ بدەنێ.

*چالاکیا چارێ:
– سەرەدانێن مەیدانی:
ئێک ژ بەرنامێن مە ئەوە کو درێکا خۆبەخشاندا ئەم نامە و پەیاما سەنتەری بگەھینە زێدەترین ئافرەت و کچان داکو قەستا سەنتەری بکەن دا سەنتەر ب باشترین شێواز خزمەتا وانا بکەت , ژبەر ھندێ رۆژانە تیمێن مە ئانکو (خوبەخشێن ) سەنتەری و دگەل تیم لێدەران قەستا ناڤ خیڤەت و ھەیکەلان دکەن داکو ژ نێزیک ھایداری رەوشا ئافرەت و کچان ببن و ئەڤ بەرنامە ل رۆژا (ئیک شەمبی) تاکو روژا ( پێنچ شەمبی ) ئانکو ل رێکەفتی٢٠ /٩/٢٠١٥ تاکو٢٤/٩/٢٠١٥ سەرەدانا (٤٩) مالان کرینە و (٢٥٧) کەس دیتینە ژ وانا (١٣٦) ئافرەت و کچ بوینە و پەیام و ناما سەنتەری گەھاندینە وانا و داخواز ژ وانا کرینە کو قەستا سەنتەری بکەن داکو باشترین خزمەت وەربگرن و ل دەمێ قەستا سەنتەری دکەن ژلایێ تیم لێدەر و خوبەخشان ڤە دھێنە پێشوازیکرن و رێزەکا مەزن ل وان دھێتە گرتن.

*چالاکیا پێنجێ:
سەرەدانێن سەنتەری :
ل سەنتەرێ مە تومارەک ھاتیە دروستکرن یا تایبەتە ب وان ئافرەت و کچێن سەرەدانا سەنتەری دکەن ب ھەر مەرەمە کێ بیت و پێشوازی ل وان دھێتە کرن و ناڤێن وان دھێنە تومارکرن لەوا ل روژا( ئیک شەمبی ) تاکو روژا (پێنج شەمبی ) وئانکو ل رێکەفتی (٢٠/٩/٢٠١٥) تاکو (٢٤/٩/٢٠١٥) (٤٠) ئافرەت و کچان سەرەدانا سەنتەری کرینە ب مەرەمێن جودا جودا (تومارکرنا ناڤێن خو بۆخولا ) و (پێزانین ل دوور سەنتەری ) ھەروەسا ب مەرەما (پشکداری کرنێ د سمینار و بەریکانان دا ) .

*چالاکیا شەشێ:
سەرەدانێن شاندان بۆ سەنتەری :

ل روژا (ئێک شەمبی ) رێکەفتی (٢٠/٩/٢٠١٥) ل دەمژمێر ١١:٣٠)) ( بێریڤان شە عبان ) ژ رێکخراوا (Save the children) ب مەرەما (زانینا کارو چالاکی و خزمەتێن دھێنە پێشکێشکرن ل سەنتەرێ مە ) سەرەدانا سەنتەرێ مەکر پشتی بخێرھاتنێ و پێشوازیکرنا وان مە بەحسێ (کارو چالاکی و خزمەتێن سەنتەرێ خو کرن و ھەروەسا وان ژی بەحسێ کارێ خو کر ) کرو پشتی گەنگەشەکا دوور و درێژ مە بریاردا کو ( ھاریکاربین دگەل ئیک داکو بشێن پێکڤە باشتر خزمەتا باشتر بکەین ) ئەنجام دەین , ھەژی گوتنێ یە د ئەڤێ سەرەدانێ دا ئە م ھەردولا مفاداربووین .

*چالاکیا حەفتێ:
-کومبوونێن ستافێ کاری .
ل دووڤ ئەجندایەکا پێش وەختە حەفتیانە کومبونا ئاسایا ستافی کاری دھێتە ئەنجام دان ب مەرەما دەستنیشانکرنا (خالێن بھێز و خالێن لاواز و تێبینی و پێشینیار بۆ سەرکەفتنا کاری )لە ورا ل روژا (چار شەمبی ) ل رێکەفتی (٢٣/٩/٢٠١٥ ) کومبونا ئاسایا سەنتەری ب ئامادەبونا ستافێ کاری و ب سەرپەرشتیا (رڤین رشید ) وەکو رێڤەبەرا سەنتەری ل دەمژمێر (٩:٣٠ تا ١٠:٣٠ ) ل ھولا سەنتەری ھاتیە ئەنجام دان و تێدا گەلەک ب کورتی ناڤەروکا کومبونێ ئەڤ خالە بون :
١_ چەوانیا باشتر کارکرنێ ژبۆ خزمەتکرنا ئافرەت و کچان ل سنورێ کەمپا کەبەرتو٢.
٢_ ھەروەسا دڤێ کومبونێدا چەندین بریار ھاتنەدان کو گرێدای ب کارو چالاکی و خزمە تێن مەڤە بو ئافرەت و کچان ,دیسان چەوانیا ئەنجامدانا خولان و پێشکیشکرنا سمینارێن جوراو جور ,ھەروەسا پێگیری کرن ب رێنمایا و کاروبارێن کارگێری ین سەنتەری.
٣_ ھەروەسا ھایداربوون ژ رەوشا ئاواران دناڤا کەمپا کەبەرتو ٢ دا چەوانیا سەرەدەریێ و کارو خزمەتێ بو وان د رێکا تیم لێدەر و خوبەخشێن مەدا, ھەروەسا تومارکرنا ناڤ و داخازێن وان .

ھەژی گوتنی یە ئە م شیاین ھەموو تێبینێن گەنگەشە بکەین و پێگڤە بگەھینە ھندەک خال و بریاران دخزمەتا ئافرەت و کچێن ئاوارە ل سنورێسەنتەری دا :

*چالاکیا ھەشتێ:
روونشتن دگەل حالە تێن دەروونی :
د ئەڤێ حەفتیێ دا ئەم شیاینە (٧) حالەتێن دەروونی ببینین وکارمەندا جڤاکی روونشتنێن بتنێ وتایبەت دگەل دا ئەنجام بدەت و ھندەک ژوانا خشتەیەکێ چەند رۆژی بۆ دابنێت داکو ب بەردەوامی چاڤدێریا وانا بھێتە کرن و خزمەتا وانا بھێتە کرن وبزڤرنەڤە ژیانا سروشتیا بەری نوکە و ئەم تێدا د سەرکەفتی بوینە.

*چالاکیا نەھێ:
-بەلاڤکرنا کەل و پەلان .
ل سە نتەرێ شاناز یێ جڤاکی بۆ ئافرەتان بەردەوام کارو چالاکی و خزمەت دھێنە پێشکێشکرن بۆ ئافرەت و کچان ل روژا ئێک شەمبی رێکەفتی (٢٠/٩/٢٠١٥) ل سەنتەرێ شاناز ب ھەڤکاری دگەل رێکخراوا (NCA) ئەم رابووین ب بەلاڤکرنا چەندین کەل و پەلێن تەندروستی ێن زاروکان مە پێشکێشی (٩٠) زاروکان کرن بۆ جھێ دلخوشیا وان و ئەڤ چالاکیە دێ یا بەردەوام بیت و بەردەوام دئ ڤان کەل و پەلێن تەندروستی بەلاڤ کە ین بۆ زاروکان سوباس بۆ ھە ڤکاریا ڤێ رێکخراوێ دگەل مە بۆ پێشکێشکرنا خزمەتا بۆ ئاواران ھەژی گوتنێ یە کو ئەڤ چالاکیە دێ بەردەوام بیت ل حە فتێن بھێن ژی دا .

• پێشنیار بۆ پێشخستنا کاروبارێن سەنتەری :
– ئە م پێشینیار دکەین کو (خولا فێرکرنا نە خوێندەواریێ )بھێنە ڤە کرن کا ر بھێتە کرن دخزمەتا ئاواران دا چونکە ئەوان داخواز کرینە .

*دوماھیک :
ئەم پێگڤە ھەول بدەین باشترین کارو خزمەت پێشکەشی ڤی خەلکی بکەین چونکە خزمەتکرنا وان ئەرکەکێ مروڤی و ئەخلاقی یەو دڤێت ئەم ھەموو ل سەر بەردەوام بین

ھەژی گوتنێ یە کو ئە ڤ پروژە ب سپونسەریا (UNFPA) سندوقا نەتەوێن ئیکگرتی بۆ دانیشتوان دھێتە ئەنجامدان

دگەل رێزگرتنێ

راگەھاندنا
ئینستتیوتا دھۆک بۆ رەوشەنبیریا گشتی