لینا ئوسـمان:
شانوو مالەكە كو ئەز تێدا دژیم و ئازادیێ تێدا وەردگرم
* شانوویێ نەشێم پێناسـە بكەم
* تانوكە من (32) كارێن شانوویێ یێن ئەنجام داین
*خۆشترین خوارن كەنگرن
كچا شانووڤان (لینا ئوسـمان) ل سالا(1988) یە ل باژارێ سلێمانیێ ژ دایك بویە، و نوكە ل دهوكێ ئاكنجییە، داكو بزانین شانوو ل دەڤ وێ چییە و چەند كار ئەنجامداینە …هتد. دگەل ڤێ دیدارێ.
دیدار: ژێگر عەبدولستار
سنێلە/ شانوو ل دەڤ تە چییە؟
لینا: شانوو بۆمن هەر تشتەكە و بهاترین نامەیە كومن دڤێت هەموو دەمان ب خوینم و مالەكە كو ئەز تێدا دژیم و ئازادیێ تێدا وەردگرم.
سنێلە/ یەكەم جار تو چوویە ل سەر دەپێ شانوویێ كەنگی بوو؟و هەست ب چ كر؟ و چەند كار ئەنجامداینە؟
لینا: ل سالا (1998) یەكەم كار من كر و یا بەردەوام و من هەست ب بەختەوەریەكا مەزن دكر و من گەلەك باوەری بخۆ هەبوو چونكی بابێ من گەلەك پالپشتا من دكر.و تانوكە من (32) كارێن شانوویێ یێن ئەنجام داین.
سنێلە/ دەمێ تو سنێلە تو یا چەوان بوی؟
لینا: من گەلەك پەرتوك دخواندن و ئەز گەلەكا لڤوك بووم و ئەز گەلەك ل سەر كارێن خۆ یا رژدبووم.
سنێلە/ ئاستێ كچا كورد دناڤ شانوویێ دا یێ چەوانە؟
لینا: كچا كورد گەلەكا زیرەكە بەلێ تا نوكە دناڤ كارێ هونەری دا گەلەكا كێمە ئەڤێ ژی بۆ جڤاكێ دزڤرینم بەلێ دڤێت كچ شانازیێ بخۆ ببەتن و كارێ هونەری بكەتن.
سنیلە/ چ رۆل دناڤ شانوویێ دا دگێری؟
لینا: هەر رۆلەكێ هەبیتن دێ كەم چونكی ل سەر شانوویێ كەسەكم و دەما دهێمە خوار كەسەكا دی مە. هەست دكەم كو هەموو دنیا یا منە و ئەز هەست ب ئازادی و بەختەوەریێ دكەم.
سنێلە/ بیرهاتنەكا خۆ یا خوش بێژە؟
لینا: جارەكێ ئەز بەشداری شانوویەكێ بووم دەرهێنەری گوت دێ رولێ كوران كەی من گوتێ بلا گوت دڤێت پرچاتە كورت كەین بەلێ ئەم دل نادەین دەما ئەز چوویمە ل سەر شانوویێ من داخاز ژ هەڤالێ خۆ كر كو ل سەر شانوویێ پرچا من هەموویێ ژێ ڤەكەتن و من پرچا خۆ ل سەر شانوویێ تراشی (سفر) كر بۆ شانووگەریا خۆ.
سنێلە/ بوچی شانوو نە سینەما؟
لینا/ ئەز پتر حەز ژ شانوویێ دكەم كو بشێوەیەكێ ئێكسەر و ل بەرامبەر خەلكی پێش كێش بكەم.
سنێلە/ تو خەلكی باژارێ سلێمانیێ و تو ل دهوكێ دخوینی و كارێ شانوویێ دكەی بوتە نەیا بزەحمەتە؟
لینا/ نەخێر ئەز گەلەكا دلخوشم دەما ل دهوكێ كارەكێ باش ئەنجام بدەم چونكی هەموو كوردستان ئێكە، بەلێ ژبەر كو دەڤوكا مە نە وەك ئێكە بۆمن هندەك جاران یا بزەحمەتە بەلێ لڤین و گوتنێن شانوویێ هەموو جیهان تێدگەهن شانوو زمانەكێ جیهانی یە.
سنێلە/ رامانا ڤان پەیڤان بكە؟
رەنگ: رەش
خوارن: كەنگر
دایك: گەلەك پیروزە
ئەڤین: جوانترین وشەیە
باژار: سلێمانی
شەڤ: هەست پێ دكەم كو نمایشەكا شانوویێ یە
بێدەنگی: گەلەك جوانە
هەڤالینی: تشتەكێ پیروزە دگەل هەموو ژیانا من
وەرز: پایز
شانوو: نەشێم پێناسـە بكەم
جوانترین دیاری: پەرتوكە
سەركەفتن نابیت بەهرا كەسێن خاڤوك(م.دانیماركی)
