* مامۆستا گەلەك باش وانا هونەرێ بۆ مە شرۆڤە دكەن
*ب رێكا وانا هونەرێ ئەز فێری لێدانا ئامیرێ موزیكێ بووم
*ئۆمێ دا منە ل پاشەرۆژێ ببمە مامۆستایا هونەرێ
* پتریا وێنێن مە ل سەر سروشتێ كوردستانێ نە
بەرهەڤكرن:بەختیار قادر
ل قوتابخانان وانا هونەرێ هەیە و ب رێكا وێ حەز و ئارەزۆیێن هونەری دبیاڤێن جودا جودا بۆ هندەك قوتابی یێن سنێلە پەیدا دبن،لەورا مە بۆچۆنێن چەند قوتابیێن سنێلە وەرگرتن و دیاركرن كو ڤێ وانێ گەلەك گرنگیا خۆ هەیە و دبیتە دەرگەهەك بۆ فێربوونا كارێ هونەری.
سنێلە برێیا وانا هونەرێ توو فێری چێكرنا وێنەیان بوویە؟
زانیارجۆقی:ل قوتابخانێ وانا هونەرێ بۆ مە گەلەك باش ژ لایێ مامۆستای ڤە دئێتە شرۆڤەكرن،لەورا ئەز هەتا نوكە فێری چێكرنا وێنەیان و لێدانا ئامیرێن موزیكێ بوویمە.
سنێلە وانا هونەرێ گرنگیا خۆ ل قوتابخانێ بۆ قوتابیان هەیە؟
رەباح نادر:ب رێیا وانا هونەرێ ئەز فێری چاوانیا چێكرنا وێنەیان و لێدانا ئامیرێن موزیكێ بوویمە،لەورا قوتابخانێ گەلەك گرنگیا خۆ هەیە،چونكو مرۆڤ دشێت ب خۆ ئارەزۆیەكا هونەری لێ هەلبژێرت،هەر دیسان ئەو وێنێن مامۆستا نیشا مە ددەت پتریا وان ل سەر سروشتێ كوردستانێ نە،هەروەسا من پشكداری دپێشانگەهەكا هونەری ژی دا یا كری.
سنێلە وانا هونەرێ حەز و ئارەزۆیان بۆ قوتابیان دروست دكەت؟
جەنا عزەت:بۆ گەهاندن و شرۆڤەكرنا ڤێ وانێ مامۆستایێن مە گەلەك هاریكاریا مە دكەن،بۆ هندێ مە فێری چاوانیا چێكرنا وێنەیان بكەن و ب تایبەت یێن سروشتی،لەورا ژی ئەز ڤێ وانێ ب گەلەك گرنگ و مفا ل قوتابخانان دبینم،چونكو ب رێكا وێ ژی قوتابی دشێت كارەكێ هونەری ئەنجام دەت و حەز وئارەزۆیەكێ ب خۆ دەست نیشان بكەت،دیسان من دڤێت ل پاشەرۆژێ ببمە مامۆستایا هونەرێ.
سنێلە پتریا وێنێن هون ل قوتابخانێ چێ دكەن ل سەر چ نە؟
دارین وەلید:ل قوتابخانێ و ب رێیا وانا هونەرێ ئەز فێری گەلەك كارێن هونەری بووم،ژوانا ژی چەوانیا چێكرنا وێنەیان ودانانا رەنگێن وان،لەورا وانا هونەرێ گەلەك گرنگیا خۆ ل قوتابخانێ هەیە،ب تایبەت ژی بۆ چێكرنا وێنەیان مامۆستا مە فێری هندێ دكەن كانێ دێ ب چ شێوە وێنەی چێ كەی و چاوا رەنگان دەست نیشان كەی،و پتر وێنەیێن مە ل سەر سروشتی نە دەمێ ئەم ل قوتابانێ چێ دكەین و ئەڤ وانە گەلەك یا خۆشە بۆ مە قوتابیان،هەروەسا من دڤێت ل پاشەرۆژێ ببمە شێوەكار.
د هونەرو ژیانێ دائازادی و پێشڤە چوون شەرتە
