پێشەنگێ هاتن و چوونێ ئیبراهیم حەبیب :
ل مەها رەمەزانا پیروز ئەم (معناویاتێن) وەلاتیان بەرچاڤ وەردگرن
هیڤیدارین ژ شوڤیرێن خۆ بەری دەمێ فتارێ زووی تر قەستا مالێن خۆ بكەن
داخوازێ ژ دەیك و بابان دكەین ل رۆژێن جەژنێ چاڤێ وان ل زارۆكێن وان بن
دیدار/ هاوكار نوری
هاتنا مەها رەمەزانا پیروز ریڤەبەریا هاتن وچوونی رولەكێ گرنك ل ڤێ مەهێ دگێریت و وەك ئەركەك داننە ل سەرملێن خۆ هەر ژبو وێ چەندی داكو قەلەبالغا دڤی مەهێ دا ل دەمێ فتارودەمێ نێزیكی جەژنێ ب رەنگەكێ ئاسایی برێڤە بچیت پێشنگێ هاتن وچوونێ (ئیبراهیم حەبیب ئیبراهیم) بەرپرسێ هوبا سزا و قەزا ل رێڤەبەریا هاتن وچوونێ ل دهوكێ ل سەر بابەتێ رولێ هاتن وچوونێ دمەها رەمەزانێ دا بڤی شێوەی بوخواندەڤانێن هیژا دبێژیت:سەبارەت كارێ مە وەك رێڤەبەریا هاتن وچوونێ ل پارێزگەها دهوكێ بۆ مەها رەمەزانا پیروز ئەم پترشیانێن خۆ دمەزێخین بۆ برێڤەبرنا ماملێن خەلكی ژبەركو خەلكەك یێ ب رۆژی یە یێ واستیایە مەژی ئەڤ معناویاتێن وەلاتیان بەرچاڤ وەرگرتینە،سەبارەت پشكا هاتن وچوونا ناڤ باژێری ول هەموو بەشێن ژ دەرڤەی باژێری بەرنامەكێ تایبەت یێ هاتییە دارێژتن بوڤێ مەهێ كارمەندێن مە پتر ئێخستینە دكاری دا (ئەفسەر، رێپێدراو، پولیس)ب تایبەت بۆ دانێ ئیڤاری وشەڤێ ژبەركو خەلكێ مەپتر ل ڤی دەمێ سەرەدانا بازاری دكەت ژبەر هندێ ئەم پترشیانێن خۆ دمەزێخین ل دور رێكخستنا هاتن وچوونێ داخەلكێ مەنەهێتە گیروكرن ل ناڤ جادداو هیڤیدارین شوفێر ژی یێ پێگیربیت ب رێنمایێن هاتن وچوونێ و هاریكاربن دگەل كارمەندێن مەدا داكو نەبنە ئەگەرێ پەیدابوونا قەلەبالغێ بتایبەت دانێ ئێڤاری وشەڤێ ئانكو هاتن و چوونا زێدە نەهێتەكرن چونكی ل ڤی دەمی بەرێ خەلكی مە هەموویا یێ ل بازاری و ئەڤ دیاردە دبیتە ئەگەر بۆ پەیدابوونا قەلەبالغێ دناڤ جاددێن بازارێ باژێرێ مەدا.
• شیرەتا ڤێ هژمارێ
_ هیڤیدارین ژشوڤیرێ خۆ بەری دەمێ فتارێ درێژتر قەستا مالێن خۆ بكەن چونكی ئەڤ دیاردا شوفێردكەن بەری بانگی دچنە مال دبیتە ئەگەری پەیدابوونا قەلەبالغێ و بتایبەت ل ترافیكا هیڤیدارین شوفێر هاریكاربن دگەل كارمەندێن مە بۆ نەمانا ڤێ دیاردێ
_ داكو گیانێ خەلكێ مە وشوفێرێ مە یێ پاراستی بیت هیڤیدارین لەزاتی دهاژوتنا ترومبێلێ نەهێتەكرن بتایبەت دەمێ نێزیكی بانگێ مەغرب و دەمێ چوونا مال
_ئاموژگاریا مە بۆ خەلكێ مە رۆژێن جەژنێ هیڤیدارین هەموو دایك وباب وچاڤێن وان ل زارۆكێن وان بن داكو پاراستی بن ژ رویدانا و هەروەسا شوفێرێن مە دەمێ هاژووتنا ترومبێلێ ل ناڤ باژێری پێدڤییە لەزاتیێ نەكەن و یێ ئاگەهداربیت ل دەمێ دەربازبوونا زارۆكان ل جاددێ داخازێ ژدایك وبابان دكەین ئەوكچ وكورێن وە یێن بێ دەستویریا هاژوتنێ ترومبێلێ نە هاژون داكو جەژنەكا خۆشی ببەن تووشی چ ئاریشا نەبن.
شیرەتێن زێرین
پێدڤییە د رۆژێن جەژن و دلخۆشیێ دا، شوفێرو وەلاتی بهێن فرەه بن
(رێنمایێن هاتن و چوونێ) نیشانێن بزوری
1/رێكا تایبەت بۆ پایسكلا
2/بۆ لایێ تیرا بزڤرە
3/بۆ ئێك ژڤان هەردوو لایان هەرە
بهێن فرەهی كلیلا شادیێ یەو لەزكرن كلیلا خەمایە
