هه‌دییا یوسف:
هاولاتی دهێته ئازاكرن ب (600م2)ئه‌ردی لێ نه مه‌رجه یێن ئێك پارچه بیت
* ئه‌گه‌ر رووبه‌رێ پارچه زه‌ڤیێ ژ (600م2)پتر بیت دێ باج ب رێژه‌یا (2%) ژێ هێته وه‌رگرتن
* ئه‌و پارچه زه‌ڤیێن ل سه‌ر ناڤێ زارۆك و سنێلان نه هێنه ئازاكرن ژ باجێ
* پارچه زه‌ڤیێن گشتوكالی بۆ ماوه‌یێ سێ سالان ژ باجێ دهێنه ئازاكرن
به‌رهه‌ڤكرن/كوڤارا سنێله
پشكا زه‌ڤیا ئێك ژ پشكێن سه‌ره‌كی یه ل رێڤه‌به‌ریا باجا ئاڤاهیا كو ژ حه‌فت فه‌رمانبه‌ران پێك هاتیه و كارێ سه‌ره‌كی ل ئه‌ڤێ پشكێ رادبیت ب هه‌ر جوره معامله‌كێ كو یا تایبه‌ت بیت ب پارچه زه‌ڤیا ڤه وه‌كو(ده‌ستووریا ئاڤاكرنێ، ژێك جوداكرنا پارچه زه‌ڤیا، رونكرن و دیاركرنا وان، هه‌روه‌سا راستڤه‌كرنا روبه‌رێن پارچه زه‌ڤیا ……هتد)بو پتر رونكرن ل سه‌ر كارێ ئه‌ڤێ پشكێ (هه‌دییا یوسف حسێن)به‌رپرسا پشكا ناڤبری بو مه دده‌ته دیاركرن .
پشكا زه‌ڤیا رادبیت ب خه‌ملاندنا سالانه یا پارچه زه‌ڤیا كو ئه‌ڤ خه‌ملاندنه هه‌ر پێنچ سالان جاره‌كی َ دهێته ئه‌نجام دان ل دووڤ یاسایا زه‌ڤیا یا ژماره (26) ل سالا (1962) وه یا راستڤه‌كری.
* مافێن هاتینه دان بۆ هه‌ر باج ده‌ره‌كی ل دووڤ یاسایا زه‌ڤیا
1/هه‌ر باج ده‌ره‌كی مافێ ئازاكرنێ یێ هه‌ی بۆ (600م2) لێ نه مه‌رجه ئه‌ڤ رووبه‌ره بۆ ئێك پارچه زه‌ڤی بیت ئانكو چێدبیت رووبه‌رێ دیاركری یێ سێ پارچه زه‌ڤیا بیت كو رووبه‌رێ هه‌ر ئێك ژ وان(200م) بیت.
2/ئه‌گه‌ر رووبه‌رێ پارچه زه‌ڤیان ژ (600م2)پتر بیت دێ باج ژێ هێته وه‌رگرتن ب رێژه‌یا (2%) و ئه‌ڤ باجه دێ ل دووڤ خه‌ملاندنا پارچه زه‌ڤیێ بیت .
3/هه‌ر باج ده‌ره‌كی مافێ نه‌رازیبونێ یێ هه‌ی ل سه‌ر خه‌ملاندنا گشتی بۆ ماوه‌یێ (30)رۆژان پشتی ئاگه‌هداركرنا باج ده‌ری.
4/ئه‌گه‌ر پارچه زه‌ڤیه‌ك بناڤێ كه‌سه‌كی بیت و ژیێ وی ل ژێر (18)سالیێ بیت ئانكو (قاصر)ی ئه‌ڤه ناهێنه ئازاكرن ژ باجا ئاڤاهیان.
5/ئه‌گه‌ر پارچه زه‌ڤی مولكێ دام و ده‌زگه‌هێن میری بیت دێ هێنه ئازاكرن ژ باجێ .
6/سه‌باره‌ت پارچه زه‌ڤیێن گشتوكالی بیت ئه‌ڤه بتنێ بۆ ماوه‌یێ سێ سالان ژ باجێ دهێنه ئازاكرن هه‌ر ژ مێژوویا توماركرنێ (سه‌نه‌دێ) هه‌روه‌سا پشتی ب دووماهیك هاتنا مێژوویێ هه‌ر كه‌سه‌كی بتنێ ماف یێ هه‌ی ب رووبه‌رێ (600م2) زه‌ڤیێ بهێته ئازاكرن و رووبه‌رێ مای دێ باجێ ده‌ت.
7/هه‌موو خێزانێن شه‌هیدان ژ باجێ دهێنه ئازاكرن بتنێ ژ وێ پارچه زه‌ڤیێ ئه‌وا ب رێكا تیرو پشكێ بۆ وان ده‌ركه‌فتی بۆ زانین پێدڤی یه ئه‌و خێزان په‌سه‌نده‌كێ ژ رێڤه‌به‌ریا گشتی یا شه‌هید و ئه‌نفالكریان بینیت.
*جورێن زه‌ڤیان ئه‌ڤێن ل خوارێ نه:
1/فروتنا پارچه زه‌ڤیا.
2/ئه‌گه‌ر كه‌سه‌ك پارچه زه‌ڤیه‌كێ یان خانیه‌كی وه‌ك(رهینه) ب دانیت بۆ وه‌رگرتنا پێشینه‌یه‌كێ بۆ كاره‌كی…هتد .
3/ده‌ستوریا ئاڤاهیان (ژ سه‌روكاتیا باژێرڤانیا دهوكێ)
4/هه‌لوه‌شاندنا ئاڤاهیان.
5/ژێك جوداكرنا پارچه زه‌ڤیا.
6/لێكدانا زه‌ڤیا (دوو پارچه زه‌ڤی ببنه ئێك).
7/ زێده‌كرن یان كێمكرنا رووبه‌رێ پارچه زه‌ڤیێ ژ لایێ سه‌روكاتیا باژێرڤانیا دهوكێ (تصحیح ابعاد)
8/رازیبونا ئه‌ندامێن خێزانێ ل سه‌ر دیاركرنا پارچه زه‌ڤیا (ئه‌گه‌ر ئه‌ندامێن خێزانێ مانه بێ سه‌میان و ئه‌وێ خێزانێ مولك هه‌بیت و دناڤبه‌را خودا ئه‌وی مولكی لێكڤه بكه‌ن)
*تێبینی :
1/ هاولاتی مافێ نه‌رازیبونێ یێ هه‌ی ل سه‌ر خه‌ملاندنا گشتی ئه‌گه‌ر نه یێ قه‌ردار بیت ژ لایێ رێڤه‌به‌ریا باج و ئاڤاهیان ڤه.
2/ ئه‌گه‌ر پارچه زه‌ڤی یا توماركری بیت و ب بورینا ساله‌كی ل سه‌ر مێژوویا وێ وقازانج بچیته سه‌ر ئه‌وێ پارچه زه‌ڤیێ دێ ب رێژه‌یا (10%) باجێ ده‌ت.
* بو زانین به‌ری سالا (2008) هه‌ر هاولاتیه‌كێ پارچه زه‌ڤیه‌ك هه‌بوو ژ (800م2) یێن پارچه زه‌ڤیێ د هاته ئازاكرن لێ پشتی سالا مه ئاماژه پێكری دێ بتنێ ژ(600م2) یێن پارچه زه‌ڤیێ هێته ئازاكرن.
ئه‌و كه‌سێ پاره نه‌بیت وه‌كی كڤانێ بێ تیره(فوله‌ر)
