نیبار ئەحمەد:
هیڤیا من ئەوە ل پاشەرۆژێ بناڤ و دەنگ بم ل سەر ئاستێ كوردستانێ
*ئەم خۆ بەرهەڤ دكەین بۆ هەر قارەمانیەكا بهێتە ئەنجامدان
*ئەز دبێژمە هەموو دەیك و بابان بۆ هەر كارەكی پشتەڤانیا سنێلێن خۆ بكەن
دیدار/ دلشاد محەمەد سالح
سنێلەیێ وەرزشڤان و یاریكەرێ یانەیا دهوك و هەلبژارتیێ ئیراقێ و دژیەكێ گەلەك بچووك دا دەستكەفتێن مەزن ب یاریا تەپا سەر مێزێ ب دەست خۆڤە ئیناینە ئەو ژی (نیبار ئەحمەد موسا)یە، د دیدارەكا تایبەت دا بۆ كۆڤارا سنێلە دبێژیت: ئەز گەلەك یێ كەیف خۆشم كو ئەڤە بۆ ماوەیێ سێ سالانە ئەز دگەل یانەیا دهوكێ ڤێ یاریێ ئەنجام دكەم و من پشكداری دگەلەك قارەمانیان دا كریە ل سەر ئاستێ 
كوردستانێ و ئیراقێ و یانەیا مە ل سەر ئاستێ ئیراقێ پلا دووێ ب دەست خۆڤە ئینایە.
هەروەسا دیاركر ژی بۆ هەر قارەمانیەكا بهێتە ئەنجامدان بەردەوام راهێنانان دكەین هەروەسا نیباری رۆلێ راهێنەرێ خۆ دسەركەفتنا ویدا دیاركر گوت: سوپاسیا راهێنەرێ خۆ (ئێخبال)ی دكەم كو گەلەك خۆ دگەل مە ماندی دكەت، دیسـان نیباری گوت سوپاسیا بابێ خۆ دكەم كو هەردەم پشتەڤانێ منە بۆ بلندكرنا ئاستێ من و ئەز دبێژمە هەموو دەیك و بابان بۆ هەر كارەكی پشتەڤانیا سنێلێن خۆ بكەن.
نیباری گوت ئەز گەلەك حەز ژ هەموو هەڤالێن خۆ دكەم و هەردەم ئەز و هەردوو هەڤالێن خۆ (نێچیرڤان و سیپان) كو ئەو ژی یاریكە‌رێن تەپا سەر مێزێ نە و ئەم پێكڤە دەمێ خۆ ب راهێنانان ڤە دبورینین.
دەربارەی وەرزش و كارتێكرنا وێ ل سەر قوتابخانێ و خواندنێ نیباری گوت: من دەمێ خۆ یێ دابەشكری بۆ وەرزشێ و خواندنا خۆ و ئەز ناهێلم دەمێ من ڤالا بچیت و دخواندنا خۆ ژی دا یێ سەركەفتیمە و نوكە ل پولا (10) زانستی دخوینم.
هەروەسا نیباری دا دیاركرن كو گەلەك حەز ژ یاریكەرێ جیهانی یێ تەپا سەر مێزێ (تیمی بول) دكەت، دبێژیت: هیڤیا من ئەوە ل پاشەرۆژێ بناڤ و دەنگ بم ل سەر ئاستێ كوردستانێ و ببمە قارەمانێ جیهانێ دڤێ یاریێ دا .دهێتە زانین نیبار ژدایك بوویێ سالا(1997) و ئەڤە سێ سالە دگەل یانەیا دهوكێ یاریێ دكەت.
هەتا بەرێ دەستی رەش نەبیت تاما دەڤی خۆش نابیت (م.كوردی)
