پارێزگارێ دهوكێ بەحسێ گرنگیا جڤاتا بەرهنگاربوونا توندوتیژیێ دژی خێزانێ دكەت
ل دووڤ پەیرەوێ نافخویێ ئنستتیوتا دهوك بو رەوشەنبیریا گشتی ( digc)ب تایبەت پشكا (پەیوەندی و راگەهاندن)و لدوف ئارمانجێن ئنستتیوتێ كانێ دێ چاوا شێت خزمەتێ پێشكەش تەخ و چینێن جودا جودا كەتن د سالا (2009)دا ب پێدڤی زانی ببیتە ئەندامەكا كارا د جڤاتا بەرهنگاربونا توند و تیژیی دژی خێزانێ دا و هەتا نونكە ب بەردەوامی كار لسەر ئەڤی بابەتی كریە و چەندین سمینار و وورك شوپ پێشكێش كرینە
جفاتا ناڤهاتی ل رووژا سێ شەمب رێكەفتی (26\2\2013)ب سەروكاتیا (تەمەر رەمەزان)پارێزگارێ دهوكێ و سەروكێ جڤاتێ كومبونا خو یا ئاسای ل هولا جڤاتا پارێزگەها دهوكێ ئەنجام دا .
ب خێرهاتن و خاندنا ئەجیندایا كومبونێ ژلایێ (د.سامی جلال)جێگرێ سەروكێ چڤاتێ ڤەهاتە پێشكێشكرن پاشان سەروكێ جڤاتێ د پەیڤەكێ دا گەلەك ب گرنگی بەحسێ كارێ جڤاتێ كر و گووت دڤێت ئەم هەموو كارەكێ مەزن ل سەر پرسا خێزانا بەختەوەر ئەنجام دەین هەم ژبەر خو هەم ژبەر سمعەتا كوردستانێ دیسان گووت رەنگڤەدانا كارێ ئەڤێ جڤاتێ ل سەر پارێزگەهێن (هەولێرو سلیمانی)و بریارا رێزدار (نێچیرڤان بارزانی) سەروكێ حكومەتێ
پاشان كومبون ل سەر ئەجیندایێ راوەستا و خال خال هاتنە گەنگەشە كرن مینا:
_گەنگەشەكرنا كاودانێن پەسەندكرنا پەیرەوێ نافخوی جڤاتێ ژلایێ سەروكاتیا ئەنجومەنێ وەزیران ڤە.
_دامەزراندنا سەنتەرێ راوێژكاریا خێزانێ و كارتێكرنا وێ ل سەر كێمكرنا رێژا توندو تیژیێ
_دارشتنا بەرنامێ ساخكرنا بیرەوەریا (8)مارسێ
_گوهورینا تایبەتمەندیا رێڤەبەریا بەرهەنگاربونا تو ندوو تیژیێ دژی خێزانێ بو ڤەكولینێ.
_ئەكتیڤكرنا لژنێنبەرهنگاربونا توندوو تیژیێ دژی خێزانێ ل قەزایێن سەر ب پارێزگەها دهوكێ و لیژنێن جڤاكی.
_بریاردان ل سەر ئەنجام دانا كونفرانسێ دوویێ
_دابینكرنا بودجێ بو ب رێڤەبرنا كارێ جڤاتێ و ئەنجام دانا چالاكیێن جوراو جور یێن جڤاكی
_دەستنیشانكرنا ژڤانێ كومبونا داهاتی
_هەر ئێك ژڤان خالان ب تێرو تەسەلی هاتنە بەحس كرن و بریار بو هاتنە وەرگرتن
_بوو نمونە
1_ بریار هاتە دان كو لێژنەیەك بهێتە پێكئینان بو ساخكرنا بیرەوەریا (8)مارس پارێزگارێ دهوكێ و سەروكێ جڤاتێ پێشنیار كر كو (عبدالعزیز محسن)سەروكێ ئنستتیوتێ ئێك ژ ئەندامێن ئەڤێ لژنێ بیت
2_بریار هاتە دان كو كونفرانسێ دوویێ ل رێكەفتی (25و26و27\9\2013) بهێتە ئەنجام دان وەكو كونفرانسەكێ نیف دەولەتی
3_بریار هاتە دان كو پشتی (60)روژێن دی كومبونا ئاسای بهێتە ئەنجام دان ل دووف پەیرەوێ نافخوی پاشان كومبون ب داوی هات و هەموو پێكڤە چوون بو ڤەكرنا(نفیسینكەها ڤەكولینێ)
ل دووف دا ئەو لیژنا هاتیە سپاردن ل رێڤەبەریا گشتی یا رەوشەنبیری و هونەری و وەرزش ولاوان كومبونا خو ئەنجام دا و چەند چالاكی هاتنە پێشنیاركرن كو ل رێكەفتی (7و8و9\3\2013) دێ هێنە ئەنجام دان هەژی گوتنێ یە كو ئەف جڤاتە ل (27)رێكخراوێن جڤاكێ مەدەنی و رسازیێن حكومی پێك دهێت و كومبونێ بو ماوێ (4)دەمژمێرا ڤەكێشا
