* قوتابی ل ژیێ سنێلەیێ دا ژ لایێ زانستی بیت یان ژی هونەری بیت زێدەتر وەردگریت ژ كەسەكێ ژ خو مەزنتر
*, دەیباب و ماموستایێن من پالدەرێن ئێكانە یێن من بوی نە
* دەمێ دچمە سەر دەپێ شانویێ بومن ژ هەموو تشتەكی خوشترە
بەرهەڤكرن/عەبدولناسرحەسەن
ژیێ سنیلەیێ ژیەكێ پری بەهرەداری و حەزە و سنێلە دڤی ژی دا گەلەك حەز دكەن ئەو بەهرەیا ل دەڤ یان ئەو حەزا ل دەڤ پێشبێخیت و پێدڤی هندێ هەیە كو هندەك جهـ یان كەس هەنە كو
رێخوشكەربن بو پێش ئێخستنا بەهرەیا وی لەوران هەبونا هندەك رێڤەبەریان كو گرێدای بەهرەیێن سنێلان بیت زور گرنگیا خو هەیە و دبیتە ئەگەرێ وێ یەكێ كو حەزا سنێلی هەی ببیتە بەهرەل دەڤ .
بێوار تەحسین: بەرپرسێ پشكا چالاكیێن قوتابخانا ل پەروەرەدا قەزا دهوك یا روژهەلات و ماموستایێ شێوەكاری دادیاركرن كو قوتابی ل ژیێ سنێلەیێ دا ژ لایێ زانستی بیت یان ژی 
هونەری بیت زێدەتر وەردگریت ژ كەسەكێ ژیێ وی یێ مەزن بیت و مە تیپا موزیكێ و شانویێ یا هەی ، دروست بونا ڤان تیپان ژی ڤەدگەریت بو وی دەمێ كو ئەڤ پەروەردا روژهەڵات هاتیەدامەزراندن مە خول ڤەكرن و مە گرنگی یەكا مەزن دا خولان ژ ڤان خولان ژی بەرهەمەك بومە دما و ئەڤ خولە ژی دبیاڤێ شانو و شێوەكاری و موزیكێ دابون و هەبونا ڤان خولان ژی دێ وەل سنێلەی كەن كۆ ئەڤە مژول نەبیت ب چ كارێن دی ڤە و نەبونا وان خولان نەبونا هەردوو تیپێن مەنە .
بێوار تەحسین: خویاكر ژی ل دەمەكێ زور رێگری ل سنێلان دهاتە كرن بو چونا ناڤ تیپێن هونەری ب تایبەتی ژی سنێلا كچ ، لێ جار هەبویە ئاریشە یا چێبوی لێ نەب وی ئاستی كو كچێن خوە قەدەغە بكەن ل ڤان چالاكیان ژبەركو دایبابان ژی ئەو باوەریا بۆ وان چێدبیت كۆ كچا وان یا بەرەڤ كارەكێ باش ڤە دچیت و ل ژیێ سنێلەیێ زێدەتر یا ئامادەیە وان تشتان وەربگریت یا ماموستایێ وێ دبێژیت.
وارین حەجی مستەفا: سنێلەكا كچە دژیێ (15) سالیێ دایە و ل پولا نەهێ بنەرەتە و ئەڤە دووسالە ئەندامەل تیپا موزیكێ دا ل چالاكیێن قوتابخانان ل پەروەردا دهوك یا روژهەڵات و هەروەسا شانویێ ژیك و چەندین سەركەفتنێن باش ب دەست خوڤە ئینانە دگەل تیپا موزیكێ ، دایباب و ماموستایێن من پالدەرێن ئێكانە نە بومن و دشانویێ ژیك دا من شیایە ببمە یا ئێكێ سەر پەروەدا دهوك و ل سەر ئاستێ هەرێمێ رێزا دوویێ ب دەست ڤە بینم ، ئەڤە هەموو بو پشتەڤانیا ماموستا و دەیك و بابێن من ڤەدگەریت.
سنێلەكێ بناڤێ بلند هەوار كۆ ژیێ وی (16) سالن كۆ ل پولا نەهێ بنەرەتە دا دیاركرن ئەڤە بو ماوێ سالەكێ یە ئامیرێ قانونێ دژەنیت و گوت: من حەزدكر ل ژیەكێ بچویكتر من دەست ب ژەنینا ئامیرێ موزیكێ كربا و زوتر هاتبام ناڤ تیپا هونەری دا ژبەركۆ ئەز گەلەك تشتان فێركرم و بۆ رێكەك بو هندێ بچمە پەیمانگەها هونەرێن جوان و هەرچەندە ئامیرێ قانونێ ئامیرەكێ ب زەحمەتە لێ ئەگەر من ل ڤی ژی دا دەست پێ نەكربا دبیت یا زەحمەت با هەتا فێربامە و ئەگەرێ سەركەفتنا من گوهداری كرنا ماموستایێ منە.
سالح رەمەزان : كو ژیێ وی (14) سالن ل پولا حەفتێ سەركەفت بو پولا هەشتێ بنەرەت كۆ ل تیپا شانویێ دایە دادیاركرن بومن هەموو دەمەكێ خوشتر بوو دەمێ من رولێ سەباخەكێ زاروك دیتی ل ناڤ شانوگەریەكێ و من بخو بو خو شانو هەلبژارت و هەتا نوكە ڤێ تیپێ چ كارتێكرنێن شاش ل سەرخواندنا من نەكریە ، هەر چەندە زەحمەتەكا مەزن دبینم لێ دەمێ دچمە سەر دەپێ شانویێ بومن هەموو تشتەكی خوشترە زور جاران ژی هەڤالێن خو داخواز دكەم بو وێنێن خو و پیشانی وان ددەم ، ئەڤە هەموو دزڤریت بو ئامادەبونا مێشكی ژبو وەرگرتنا وی تشتی یێ ماموستایێ تە دبێژیت
(ڤیان جائیزیا شیانێ یە)
