* گەلەك جاران ل سەر ڤێ چەندێ ئەز دكەمە گری
*150 هزاران وەردگرم هەیڤانە لێ ب تنێ بهایێ‌َ دەرمانێن منە
*داخوازیا من ئەوە كو حكومەتا هەرێمێ مافێن مە كێم ئەندامان بلند بكەن
* هەر كارەكێ ل سەر پیا بیتن ئەز نەشێم بكەم
یا دیارە كو گەلەك سنێلە هە نە دكاودانێت تایبەت دا دژین كوڤارا مە ژی ب فە ردیت ڤی بە رپەری ب ناڤی (كاودانێت تایبەت)تەرخان بكەت بو وان سنێلان ژكوڤارێ بێ بەهرنەبن بوڤێ جارێ ژی مە ئەڤ دیدارە دگەل (ماهررەشید تاهر)كریە كودژیێ (14)سالیێ دایە وئاكنجیێ دەڤەرائاكرێ یە نەخوشیەكا زكماكی یاهەی كونەشێت بوماوێ دەهـ خولەكا زێدەترخول سەرپێت خو بگریت ژبوپترروونكرن ل سەرژیانا ڤی سنێلەی مە ئەڤ دیدارە دگەل سازكر.
بەرهەڤكرن: ئاری حسێن
سنێلە : نەخوشیا تە یا زكماكی بو یان تو نوكە توشی ڤێ‌َ نەخوشیێ بوی ؟
ماهر : دە ما كو ئەس هاتیمە سەر دونیایێ خودێ‌َ ئەز هوسا دام و ژ زاروكینیا خۆ ئەز نە دشیام ب رێڤە بچم و خو ل سەر پێت خو راگرم لێ سوپاس بو مال باتا من كو بو من پێنج نیشتەگەریێن ئەنجام داین هەتا كو من شیای ب رێڤە بچم
سنێلە : دگەل هەبوونا ڤێ‌َ نەخوشیێ تو ڤێگاڤێ قوتابی و تە دڤێت ببیە چ ؟
ماهر : من دڤێت ببمە ماموستا
سنێلە: بوچی تە دڤێتن ببیە ماموستا ؟
ماهر : چونكو یێ پتر ژ هەمیان رێزێ ل من دگریت ماموستایێن منن
سنێلە : هەڤالێن تە یێن قوتابخانێ د چاوانە دگەل تە؟
ماهر: هندەك قوتابی من گەلەك عاجز دكەن و ب چاڤەكێ كێم بەرێ خو دەنە من و هندەك ژی دگەل من گەلەك د باشن.
سنێلە : تە چ داخوازیەك ژ هەڤالێن خو یێن قوتابخانێ هەیە ؟
ماهر : من دڤێتن ئەو ب چاڤەكێ بلند بەرێ خو ب دەنە مە دا ئەز هەست ب كێم ئەندامیا خو نەكەم دناڤ وان دا.
سنێلە : تو هەست ب چ كێماسیان دكەی ل دەڤ خو ؟
ماهر : بەلێ چونكو ئەز دبینم ل قوتابخانێ هەڤالێت من دشێن كارەكی بكەن و ئەز نەشێم بكەم ئەز وی دەمی گەلەك عاجز دبم و گەلەك جاران ل سەر ڤێ چەندێ ئەز دكەمە گری
سنێلە : تە چ داخوازیەك هەیە ؟
ماهر : داخوازیا من ئەوە كو حكومەتا هەرێمێ مافێن مە كێم ئەندامان بلند بكەن و من دڤێت هاریكاریا من بكەن بو چارەسەریا خو كو ب شێم ب چمە دەرڤەی ولاتی دا كو نەخوشیا من زێدەتر لێ نە هێتن.
سنێلە : حكومەت هەیڤانە چ داهاتان نادەنە تە ؟
ماهر : بەلێ150 هزار دیناران وەردگرم هەیڤانە لێ ب تنێ بهایێ دەرمانێن منە.
سنێلە : نەخوشیا تە رێگری ل تە كریە بو ئەنجام دانا كاران ؟
ماهر : بەلێ هەر كارەكێ كو ل سەر پیان بیتن ئەز نەشێم بكەم.
سنێلە : تو نوكە باشتری ژ زاروكینیا خو ؟
ماهر : بەلێ ئەز باشترم لێ ئەز هەست ب وێ چەندێ دكەم كو ئەز یێ بەرەڤ خرابوونێ ڤە دچم.
ئەوێ خەما بخوت، خەم ژی دێ وی خون
