دكومبونا گوڤارا سنێلە دا بەحسێ روژا جیهانیا ئافرەتا هاتە كرن
ئەڤرو روژا شەمبی رێكەفتی (9-3-2013) ل دەمژمێر (30-9) سپێدێ ل ئوفیسا ئنستتیوتا دهوك بو رەوشەنبیریا گشتی گوڤارا سنێلە كومبونا خو یا ئاسای ئەنجام دا
دڤێ كومبونێ دا ب سەرپەرشتیا (عبدالعزیز محسن) سەروكێ ئنستتیوتێ و سەرنڤیسەرێ گوڤارێ و سەرجەم ستافێ كاری بەحسێ هژمارا(55) یا گوڤارا سنێلە هاتە كرن و تێبینیێت هەڤالا هاتنە وەرگرتن ل سەر دیزاین و روناهی و رەنگێ گوڤارێ و زێدەتر باشكرنا ناڤەروكا گوڤارێ ئەف چەندە ژی داكو پتر خزمەتا خواندەڤانێن گوڤارێ بهێتە كرن .پاشان ماموستا (عبدالعزیز محسن) بەحسێ روژا جیهانیا ئافرەتا كر و ل دەسپێكا ئاخفتنا خو دا گوت (زانایەك دبێژیت زەلامەكێ رەوشەنبیر دشێت كەسەكی رەوشەنبیر بكەت لێ ئافرەتا رەوشەنبیر دشێت كومەلگەهەكێ رەوشەنبیر بكەت) پاشان زێدەباری پیروزباهیا ماموستای بەحسێ جالاكیێن (جڤاتا بەرەنگاربونا توند و تیژیێ دژی خێزانێ ) كر و ئنستتیوتا دهوك وەك ئەندامەكا كارا یا ڤێ جڤاتێ رولێ ڤێ جڤاتێ ب بەرز نرخاند , پاشان بەحسێ كارو چالاكیێن بریارە ڤان روژا دا بهێنە ئەنجام دان هاتە كرن و (ژێگر عبدالسلام) وەك بەرپرسێ گشتی یێ پەیامنێران هاتە هەلبژارتن و بریار و رێنمایێن نو هاتنە دیار كرن ژبو باشتر برێڤە چونا كاری و پێشكێشكرنا خزمەتەكا باش بو جڤاكی
