سەرەدەریا دەیك و بابان دگەل سنیلان
د بەردەوامیا چالاكیێن ئنستتیوتا دهوك بو رەوشەنبیریا گشتی و بهەلكەفتا (25) سالیا تاوان و كارەساتا ئەنفالێن كوردستانێ و ل ژێر دروشمێ (پەروەردە و رەوشەنبیركرنا سنێلان ئەركێ مە هەموویانە) ئنستتیوتا دهوك وەرزەكێ رەوشەنبیری بو 25 سنێلان رێكخست و دێ بو ماوێ دوو هەفتیان بەردەوام بیت و ل روژا سێ شەمبی رێكەفتی (16/4/2013) بابەتەكێ ڤی وەرزی هاتە پێشكێشكرن ژلایێ خانم (هەلز عباس عبدالرحمن) ل دوور (سەرەدەریا دەیك و بابان دگەل سنیلان) پێشكەش كر ، سەرەدەریا دەیك وبابان دگەل سنیلان گەلەكا گرنگە باب دگەل كوری و هەروەسان دەیك دگەل كچێ دڤێت ب شێوەیەكێ جوان سەرەدەریێ دگەل كچ وكورێن خویێن سنێلە بكەن و ببنە هەڤال بوژیانا وان داكو بشێن ل پاشەروژێ سەركەفتنێ ب دەست خوڤە بینن چونكو سنێلە ژی ل وی دەمی دێ هەست كەت كو دایك و باب هەڤالێن وانن بلا رێكێ لێ نەگرن و هەردەم جاباپرسیارێن زان بدەن رێكێ لێ نەگرن داكو ئەو سنێلە بشێت یێ ئازاد بیت د ژیانا خودا و باوەری دناڤبەرا وان دا هەبیت بلا جیاوازیێ نەئێخینە دناڤ بەرا وان دا كانێ
چەوا سەرەدەریێ دگەل كورێ خو دكەن بلا هوسا دگەل كچێ ژی بكەن چونكو ژیێ سنێلەیێ گەلەكێ هەستیارە هەر دیسان سنێلە ژی ئەگەر بزانن دایك و بابێن وان هەڤالن بو ژیانا وان ل وی دەمی بلا ئەو سنێلە ژی سنوران نەبەزینن هندی خێزانا مروڤی رێكێ بدەنە مروڤی و باوەری ب مروڤی ئینا بلا مروڤ ل دووڤ وێ باوەریێ بیت چونكوخێزانا سنێلەی ژی بو باشیا وی یە بێ گومان خێزانا وی دڤێت سنێلێ وی ببیتە باشترین كەس و ل پاشەروژێ كەسەكێ سەركەفتی بیت ئەو سنێلێ دایك و باب هەڤالبن دگەل ئەو سنێلە دێ سەركەفتی تر بیت ژ سنێلەكێ دی ئەڤجا بلا هەردەم گوهدارێن پرسیارێن سنێلابن و ژ پرسیاران نەرەڤن ب شێوەیەكێ دروست بەرسڤا وان بدەن ل وێ قوناغا هەستیار وان دڤێت گەلەك تشتان بزانن لەورا بلا خێزانا وان ژی باوەریێ بدەنێ بەلێ دڤێت دووڤچون ل سەر سنێلەی هەبیت ل هەر جهەكێ بچیتێ داكو ل دوماهیكێ ئەو سنێلە توشی چ ئاریشان نەبیت و هەروەسان بزانن كانێ هەڤالێن زاروكێن وان كینە چ دكەن داكو ئەگەر هەڤالێ وی خەلەتیێ بكەت ئەو وێ خەلەتیێ نەكەت و وەل هەڤالێ خوبكەت كو ئەوژی خەلەتیێ نەكەت ل دوماهیێ ئەگەر ئەو دگوهداربن دێ سەركەفتنێ ب دەست خوڤە ئینن.
