بریارێن نوو د كومبوونێ دا هاتنە دان
ل دووڤ رێنمایێن كارگێری ل كوڤارا سنێلە كو بریارە هەموو روژێن شەمبیان كومبوونا ئاسایی یا كوڤارێ بهێتەكرن ل روژا شەمبی رێكەفتی (13/4/2013) ل دەمژمێر (9.30) سپێدێ ب سەرپەرشتیا (عبدالعزیز محسن) سەروكێ ئنستتیوتێ و سەرنڤیسكارێ كوڤارێ ل دەستپێكێ بەرنامێ كومبوونێ هاتە خواندن پاشان خال خال دان و ستاندن ل سەر هاتنەكرن پاراپتری ژی ئەجیندا كومبوونێ ل سەر (3) تەوەران دهێتە دارێژتن
:.
1). خالێن ب هێز
2). خالێن لاواز.
3).پێشنیار و بریار.
پشتی هەموو خال هاتینە بەحسكرن پاشان ستافێ كاری دان و ستاندن و بیرو بۆچوونێن خو ل سەر خال خال دیاركرن. پاشان ب پرانیا دەنگان چەند بریار هاتنە وەرگرتن كانێ دێ چاوا هەموو ستاف پێگڤە خزمەتا توێژا سنێلان كەن كو توێژەكا گەلەك گرنگ و هەستیارە و ئەڤێ توێژێ ب بەردەوامی پێدڤی ب پلان و رێكخستن و ئاراستەكرن و كونترولكرنێ هەیە. ئنستتیوتا دهوك و كوڤارا سنێلە ژی هەول ددەت هەموو بزاڤ و خەبات و كارێن وان د چوارچوڤێ پەروەردە و رەوشەنبیركرنا وان دا بن داكو د ئایندەدا ببنە گەنجێن خودان شیان.
