چوار چوڤێ هەبوونا پلانەكا توكمە و دارێشتی كو ژلایێ ئنستتیوتا دهۆك بۆ رەوشەنبیریا گشتی هاتیە دانان ژبۆ ئەنجامدانا كورو سمینارێن جۆراو جۆر بۆ تەخ و چینێن جودا جودا ل جه و دەڤەرێن جودا جودا بۆ 
هندێ زێدەتر ل دوور گەشەپێدانا مروڤی كاربكەین و پێگڤە گرێدانەك ژی دناڤبەرا ئنستتیوتا دهۆك و كەسایەتی و خەلكێن جودا جودا هەبیت
ل روژا چوارشەمبی رێكەفتی (10/7/2013) ل دەمژمێر (11,30) بەری نیڤرو (عبدالعزیز محسن بارزانی) سەروكێ ئنستتیوتا دهۆك بۆ رەوشەنبیریا سمینارەك بۆ رێڤەبەر و كادر و كارمەندێن سەنتەرێ ساخلەمیا دەروونی ل هولا سەنتەرێ ناڤبری پێشكەشكر.
ل دەستپێكێ بەحسێ پێناسا كەسایەتیا سەركردەی كر و پاشان گووت بۆچی ئەز ئەڤی بابەتی پێشكەش دكەم.
دیسان هاتە سەر هندێ كانێ بیرو دوزێن (لەش و عەقلی و جڤاكی) چنە بۆ كەسایەتیا سەركردەی پاشان هاتە سەر ساخلەتێن كەسایەتیا سەركردێ سەركەفتی ل دووڤ دا بەحسێ (مەرجێن كەسایەتیا سەركەفتی) كر و دەمێ سمینارێ تەمام بوو لێ هێشتا گەلەك تەوەر مابوون كو بهێنە بەحسكرن پاشان دەرگەهێ دان و ستاندنێ هاتە ڤەكرن و گەنگەشە ل سەر وان خالان هاتە كرن ئەوێن هاتینە بەحسكرنهەژی گوتنێ یە كو سمینارێ (1,30) ڤەكێشا گەلەك و گەلەك كەیفا ئامادەبوویان هات و ئەڤ سمینارەژی ب تەكنیك و ئامیرێن سەردەمیانە هاتە پێشكەشكرن.
